உள்ளங்கை நெல்லிக்கனி என்று ஏன் சொல்கிறோம்?

by sundaram77 Thu Oct 25, 2018 6:54 pm

அதற்கு நாம் சொல்லும் பொருள், உள்ளங்கையில் நெல்லிக்கனியை வைத்தால் அது பளிச்சென்று தெரியும்.

உள்ளங்கையில் ஆரஞ்சு வைத்தால்கூட, அது பளிச்சென்று தெரியும், பிறகு ஏன் நாம் ‘உள்ளங்கையில் ஆரஞ்சுக் கனிபோல’ என்று சொல்வதில்லை?

அதற்குக் காரணமே வேறு, மற்ற பழங்கள் உள்ளிருந்து அழுகும், நெல்லிக்கனிமட்டும் வெளியிலிருந்து அழுகும்.

ஆகவே, மற்ற பழங்களைக் கையில் வைத்துப் பார்த்தால், அது நல்லதா அழுகியதா என்று தெரியாது, நெல்லிக்கனியைப் பார்த்தால்மட்டும் உடனே தெரியும். அதனால்தான் உள்ளங்கை நெல்லிக்கனியைப் பயன்படுத்துகிறோம்.

by **சிவா** Thu Oct 25, 2018 7:02 pm

இதுதான் உள்ளங்கை நெல்லிக்கனியின் ரகசியமா?

அறியாத தந்தமைக்கு நன்றி [You must be registered and logged in to see this link.]

by **ராஜா** Thu Oct 25, 2018 8:47 pm

ஓ .... என்னடா வாங்கி வாய்த்த ரெண்டு நாளில் மேல் புறம் மஞ்சள் நிறத்தில் மாறிடுதுன்னு நினைப்பேன் , அழுகல் என்று இப்ப தான் தெரியுது

by **T.N.Balasubramanian** Thu Oct 25, 2018 9:55 pm

[You must be registered and logged in to see this link.]
நீங்கள் தந்த விளக்கம் உள்ளங்கை நெல்லிக்கனி போலுள்ளது புன்னகை

நன்றி

ரமணியன்

by **M.Jagadeesan** Fri Oct 26, 2018 4:48 pm

மாம்பழம் போன்ற கனிகள் உள்ளும் புறமும் சேர்ந்தே அழுகும் .

பொதுவாகப் பழமொழிகள் எதுகை ,மோனை நயத்துடனேயே அமைக்கப் பெற்றிருக்கும் . அப்போதுதான் கற்போர் நெஞ்சில் மறவாது நிற்கும் .

பழகப் பழகப் பாலும் புளிக்கும் - முதலெழுத்து ஒன்றி மோனை நயம் பயத்தது .

ஆடிக் காற்றில் அம்மியும் பறக்கும் - ஆடி , அம்மி - முதலெழுத்து ஒன்றி மோனை நயம் பயத்தது .

ஆலும் வேலும் பல்லுக்குறுதி - லு - இரண்டாம் எழுத்து ஒன்றி எதுகை நயம் பயத்தது .

இதுபோல

உள்ளங்கை நெல்லிக்கனி போல என்ற பழமொழியில் இரண்டாம் எழுத்து ( ள் , ல் ) ஒன்றி எதுகை நயம் பயப்பது காண்க .

உள்ளங்கை ஆரஞ்சு போல என்று பழமொழி இருக்குமானால் , ஒரு Rhyme இருக்காது .

by **ராஜா** Sat Oct 27, 2018 10:17 pm

prajai wrote:இதையும் படித்துவிடுங்கள்.

valmikiramayanam.in என்ற தளத்திலிருந்து.

ஸ்ரீ சங்கர சரிதம் – பதிமூன்றாம் பகுதி – ஞானப் பாதை யாருக்கு? தோடகாஷ்டகம் தான் நமக்கு.[/url]

இதை எதற்கு இங்கு போட்டுருக்கார் , ?!

by **krishnaamma** Sat Oct 27, 2018 11:02 pm

நல்ல விளக்கம் ...நன்றி ! புன்னகை

by **krishnaamma** Sat Oct 27, 2018 11:03 pm

ராஜா wrote:
prajai wrote:இதையும் படித்துவிடுங்கள்.

valmikiramayanam.in என்ற தளத்திலிருந்து.

ஸ்ரீ சங்கர சரிதம் – பதிமூன்றாம் பகுதி – ஞானப் பாதை யாருக்கு? தோடகாஷ்டகம் தான் நமக்கு.[/url]
இதை எதற்கு இங்கு போட்டுருக்கார் , ?!

ஒருவேளை உள்ளங்கை நெல்லிக்கனி என்கிற விளக்கத்துக்கு நிறைய மேற்கோள்கள் காட்டி உள்ளார் என்று எண்ணுகிறேன் புன்னகை