18 எம்.எல்.ஏக்கள் தகுதி நீக்கம் செல்லும் : சென்னை ஐகோர்ட் 3-வது நீதிபதி அதிரடி தீர்ப்பு

by **ayyasamy ram** Thu Oct 25, 2018 1:15 pm

First topic message reminder :

சென்னை

அதிமுக-வில் சென்ற ஆண்டு, சசிகலா ஆதரவு
எடப்பாடி பழனிசாமி தலைமையில் ஈ.பி.எஸ் அணி பிரிந்தது.

சசிகலாவுக்கு எதிர்ப்பு தெரிவித்து ஓ.பி.எஸ் அணி தனியாக
சென்றது. பின்னர் ஓ.பி.எஸ் அணியும் ஈ.பி.எஸ் அணியும்
ஒன்றாக இணைந்தது. ஆனால், தினகரனுக்கு நெருக்கமாக
இருந்த 18 எம்.எல்.ஏ-க்கள் எடப்பாடிக்கு எதிராக அப்போது
ஆளுநராக இருந்த வித்யாசாகர் ராவிடம், கடிதம் அளித்தனர்.

முதல்-அமைச்சர் எடப்பாடி பழனிசாமிக்கு எதிராக
கவர்னரிடம் கடிதம் கொடுத்த 18 எம்.எல்.ஏ.க்களை
சபாநாயகர் தனபால் தகுதிநீக்கம் செய்தார்.

இதை எதிர்த்து 18 சட்டமன்ற உறுப்பினர்களும் சென்னை
உயர் நீதிமன்றத்தில் வழக்கு தொடர்ந்தனர்.
இந்த வழக்கை விசாரித்த தலைமை நீதிபதி இந்திரா பானர்ஜி,
நீதிபதி எம்.சுந்தர் ஆகியோர் மாறுபட்ட தீர்ப்பை வழங்கியதால்
3-வது நீதிபதி விசாரணைக்கு பரிந்துரை செய்யப்பட்டது.

அதன்படி மூன்றாவது நீதிபதியான சத்யநாராயணன் வழக்கை
விசாரித்து வருகிறார். வழக்கு விசாரணை முடிவடைந்துள்ள
நிலையில், இன்று காலை 10.30 மணிக்கு இந்த வழக்கின்
தீர்ப்பை வழங்குவார் என்று தகவல் வெளியாகியது.

இதை தொடர்ந்து ஐகோர்ட்டில் பாதுகாப்புகள்
பலப்படுத்தப்பட்டு உள்ளது.

வழக்கில் தீர்ப்பு வழங்க நீதிபதி சத்யநாராயணன் அறைக்கு
வந்தார். அங்கு இருதரப்பு வக்கீல்களும் வந்து இருந்தனர்.
தீர்ப்பை நீதிபதி சத்திய நாராயணன் வாசிக்க தொடங்கினார்.

தீர்ப்பின் முக்கிய அமசங்கள் வருமாறு:-

18 எம்.எல்.ஏக்கள் தகுதி நீக்கம் செல்லும்
சென்னை ஐகோர்ட் 3 வது நீதிபதி அதிரடி தீர்ப்பு அளித்து உள்ளார்.

18 எம்.எல்.ஏ-க்களை தகுதி நீக்கம் செய்து சபாநாயகர்
தனபால் பிறப்பித்த உத்தரவு செல்லும்.

சபாநாயகர் முடிவில் தவறு இல்லை;
தகுதிநீக்கம் சட்டவிரோதமானது இல்லை.
-
--------------------------
தினத்தநி

by **சிவா** Thu Oct 25, 2018 3:10 pm

குற்றாலம் சொகுசு விடுதியில் இருந்து தகுதி நீக்க எம்எல்ஏக்கள் புறப்பட்டனர்

18 எம்.எல்.ஏக்கள் தகுதி நீக்கம் செல்லும் : சென்னை ஐகோர்ட் 3-வது நீதிபதி அதிரடி தீர்ப்பு - Page 2 201810251358471524_1_ambailuckbags23-3._L_styvpf

18 எம்.எல்.ஏக்கள் தகுதி நீக்கம் செல்லும் : சென்னை ஐகோர்ட் 3-வது நீதிபதி அதிரடி தீர்ப்பு - Page 2 201810251358471524_1_ambailuckbags23-3._L_styvpf

தகுதி நீக்கம் செய்யப்பட்ட எம்.எல்.ஏ.க்கள் குற்றாலம் சொகுசு விடுதியில் இருந்து காரில் புறப்பட்டு சென்றார்கள். நேராக மதுரை செல்லும் அவர்கள் அங்கு டி.டி.வி. தினகரனுடன் ஆலோசனை நடத்துகிறார்கள்.

குற்றாலம் சொகுசு விடுதியில் இருந்து தகுதி நீக்க எம்எல்ஏக்கள் புறப்பட்டனர்

குற்றாலம் விடுதியில் இருந்து உமா மகேஸ்வரியின் கார் வெளியே செல்வதை படத்தில் காணலாம்.
தென்காசி:

18 எம்.எல்.ஏ.க்கள் தகுதி நீக்க விவகாரத்தில் சென்னை ஐகோர்ட்டு இன்று தீர்ப்பு கூறியது. முன்னதாக தீர்ப்பு குறித்த விபரம் வெளியாகும் முன் தகுதி நீக்கம் செய்யப்பட்ட எம்.எல்.ஏ.க்களை நெல்லை மாவட்டம் பழைய குற்றாலத்தில் உள்ள இசக்கி ரிசார்ட் சொகுசு விடுதியில் தங்கியிருக்குமாறு டி.டி.வி. தினகரன் அறிவுறுத்தினார்.

அதன்பேரில், தங்க தமிழ்ச்செல்வன் (ஆண்டிப்பட்டி), மாரியப்பன் கென்னடி (மானாமதுரை), கதிர் காமு (பெரியகுளம்), சுப்பிரமணியன் (சாத் தூர்), பழனியப்பன் (பாப்பிரெட்டிப்பட்டி), பாலசுப்பிரமணி (ஆம்பூர்), முத்தையா (பரமக்குடி), செந்தில்பாலாஜி (அரவக்குறிச்சி) ஆகிய 8 பேரும், அ.தி.மு.க. எம்.எல்.ஏ.க்கள் பிரபு, ரத்தினசபாபதி, கலைச்செல்வன் ஆகியோரும் கடந்த 22-ந்தேதி பழைய குற்றாலம் வந்து, இசக்கி ரிசார்ட்டில் தங்கினர்.

நேற்று முன்தினம் அவர்கள் பாபநாசம் தாமிரபரணி ஆற்றில் புஷ்கர விழாவையொட்டி புனித நீராடினர். பின்னர் அங்கு நடந்த யாகத்தில் கலந்து கொண்டு மாலையில் குற்றாலத்துக்கு வந்தனர். இரவில் குற்றாலம் ஐந்தருவி பகுதியில் உள்ள இசக்கி ரிசார்ட் சொகுசு விடுதிக்கு சென்று தங்கினார்கள்.

இதற்கிடையே, இடம் மாறிய சொகுசு விடுதிக்கு தகுதி நீக்கம் செய்யப்பட்ட எம்.எல்.ஏ.க்கள் ஜெயந்தி பத்மநாபன் (குடியாத்தம்), ஏழுமலை (பூந்தமல்லி) ஆகியோர் வந்தனர்.

இந்த நிலையில் இன்று 4-வது நாளாக எம்.எல்.ஏ.க்கள் முகாமிட்டிருந்தனர். தகுதி நீக்கம் செய்யப்பட்ட எம்.எல்.ஏ.க்களில் ஒருவரான உமா மகேஸ்வரி இன்று காலை அங்கு வந்தார்.

இதனிடையே டி.டி.வி. தினகரனை ஆதரிக்கும் 18 எம்.எல்.ஏ.க்கள் நீக்கம் செல்லும் என கோர்ட்டு தீர்ப்பு வெளியானதை தொடர்ந்து அந்த பகுதி பரபரப்பானது. கட்சி நிர்வாகிகள் அங்கு வரத்தொடங்கினர். மாவட்ட செயலாளர் பாப்புலர் முத்தையா அந்த விடுதிக்கு சென்று தகுதி நீக்கம் செய்யப்பட்ட எம்.எல்.ஏ.க்களை சந்தித்து பேசினார்.

இதைத்தொடர்ந்து உமா மகேஸ்வரி அங்கிருந்து காரில் புறப்பட்டு சென்றார். மேலும் அங்கிருந்த கட்சி நிர்வாகிகளும் ஒவ்வொருவராக வெளியேறினார்கள். இதைத் தொடர்ந்து தகுதி நீக்கம் செய்யப்பட்ட எம்.எல்.ஏ.க்கள் ஒவ்வொருவராக அங்கிருந்து காரில் புறப்பட்டு சென்றார்கள். நேராக மதுரை செல்லும் அவர்கள் அங்கு டி.டி.வி. தினகரனுடன் ஆலோசனை நடத்துகிறார்கள்.

ஏற்கனவே மருது பாண்டியர் நினைவு நாளையொட்டி, சிலைக்கு மாலை அணிவிப்பதற்காக தங்க தமிழ்ச்செல்வன், ஜான் கென்னடி ஆகிய இருவரும் நேற்றே மதுரை புறப்பட்டு சென்றனர் என்பது குறிப்பிடத்தக்கது.

by **சிவா** Thu Oct 25, 2018 3:12 pm

கோமாளிகளுக்கும் கொள்ளைக்காரர்களுக்கும் ஆட்சி செய்ய அதிகாரம் கொடுத்து நம் இனத்தை நாமே அழித்துக் கொண்டிருக்கிறோம் என்பது மட்டும் தெளிவாகத் தெரிகிறது!

by **T.N.Balasubramanian** Thu Oct 25, 2018 3:39 pm

இருண்ட எதிர்காலம்
குழப்பங்கள் மிகு எதிர்காலம்
பின்னடையும் மாநிலமாக தமிழகம்
நம் காலத்திலேயே அனுபவிப்போம் போலும்.

ரமணியன்

by **M.Jagadeesan** Thu Oct 25, 2018 4:58 pm

இது சட்டத்தின் படியான தீர்ப்பு ஆனால் தர்மத்தின் படியான தீர்ப்பு அல்ல . நம்பிக்கை வாக்கெடுப்பில் , எடப்பாடிக்கு எதிராக வாக்களித்த தர்ம யுத்தம் பன்னீரும் , அவர்பின் சென்ற MLA க்களும் பதவி சுகம் அனுபவிக்க , இந்த 18 MLA க்களும் பதவி இழந்தது துரதிஷ்டமே !

by **சிவா** Thu Oct 25, 2018 5:17 pm

M.Jagadeesan wrote:இது சட்டத்தின் படியான தீர்ப்பு ஆனால் தர்மத்தின் படியான தீர்ப்பு அல்ல . நம்பிக்கை வாக்கெடுப்பில் , எடப்பாடிக்கு எதிராக வாக்களித்த தர்ம யுத்தம் பன்னீரும் , அவர்பின் சென்ற MLA க்களும் பதவி சுகம் அனுபவிக்க , இந்த 18 MLA க்களும் பதவி இழந்தது துரதிஷ்டமே !

மேற்கோள் செய்த பதிவு: 1283097

உண்மை!

by **ayyasamy ram** Fri Oct 26, 2018 3:17 pm

தகுதிநீக்கத்தை எதிர்த்து மேல்முறையீடு செய்ய முடிவு
-

அக்டோபர் 28
-----------------------

மதுரை :
18 எம்எல்ஏ.,க்கள் தகுதிநீக்கம் செய்யப்பட்டது செல்லும்
என சென்னை ஐகோர்ட் 3வது நீதிபதி சத்யநாராயணன்
அளித்த தீர்ப்பை எதிர்த்து சுப்ரீம் கோர்ட்டில் மேல்முறையீடு
செய்ய முடிவு செய்ய தினகரன் தரப்பு முடிவு செய்துள்ளது.

மதுரையில் தினகரன் தனக்கு ஆதரவாக உள்ள,
தகுதிநீக்கம் செய்யப்பட்ட எம்எல்ஏ.,க்களுடன் ஆலோசனை
நடத்தினார்.

நம்பிக்கை

ஆலோசனைக்கு பிறகு செய்தியாளர்களிடம் பேசிய
தங்கதமிழ் செல்வன், சபாநாயகர் செய்தது தவறு என்பது
உலகிற்கு எடுத்துக் காட்ட தகுதிநீக்கத்தை எதிர்த்து
மேல்முறையீடு செய்ய உள்ளோம்.

அதற்கு இடையில் இடைத்தேர்தல் வந்தாலும், அதில்
போட்டியிட்டு தேர்தலை சந்திக்க தயாராக உள்ளோம்.

100 சதவீதம் வெற்றி பெறுவோம் என்ற நம்பிக்கை உள்ளது.
மேல்முறையீடு செய்ய 18 பேரும் ஒரு மனதாக முடிவு
செய்துள்ளோம். வழக்கை விரைவாக விசாரணை நடத்தி
தீர்ப்பு வழங்க வேண்டும் என சுப்ரீம் கோர்ட்டில்
வலியுறுத்வோம்.

தடையில்லை

அதிகாரத்தை வைத்து எங்களை அரசு தண்டிப்பதாக
கருதுகிறோம். நாங்கள் தேர்தலில் போட்டியிட எந்த தடையும்
இல்லை. சுப்ரீம் கோர்ட்டில் எங்களுக்கு ஆதரவாக தீர்ப்பு
வரும் என்ற நம்பிக்கை உள்ளது.

தேர்தலில் போட்டியிடும் போது, எங்களது வேட்புமனுவை
அரசு தரப்பு நிராகரிக்கவும் வாய்ப்பு உள்ளது.
திட்டமிட்டபடிஉண்ணாவிரத போராட்டம் நடக்கும். என்றார்.

கேவியட் மனு

இதனிடையே, தகுதி நீக்கம் செய்யப்பட்ட விவகாரத்தில்,
சபாநாயகர் சார்பில் சுப்ரீம் கோர்ட்டில் கேவியட் மனு
தாக்கல் செய்யப்பட்டு உள்ளது.
-
------------------------------
தினமலர்

by Sponsored content

18 எம்.எல்.ஏக்கள் தகுதி நீக்கம் செல்லும் : சென்னை ஐகோர்ட் 3-வது நீதிபதி அதிரடி தீர்ப்பு

18 எம்.எல்.ஏக்கள் தகுதி நீக்கம் செல்லும் : சென்னை ஐகோர்ட் 3-வது நீதிபதி அதிரடி தீர்ப்பு

Re: 18 எம்.எல்.ஏக்கள் தகுதி நீக்கம் செல்லும் : சென்னை ஐகோர்ட் 3-வது நீதிபதி அதிரடி தீர்ப்பு

Re: 18 எம்.எல்.ஏக்கள் தகுதி நீக்கம் செல்லும் : சென்னை ஐகோர்ட் 3-வது நீதிபதி அதிரடி தீர்ப்பு

Re: 18 எம்.எல்.ஏக்கள் தகுதி நீக்கம் செல்லும் : சென்னை ஐகோர்ட் 3-வது நீதிபதி அதிரடி தீர்ப்பு

Re: 18 எம்.எல்.ஏக்கள் தகுதி நீக்கம் செல்லும் : சென்னை ஐகோர்ட் 3-வது நீதிபதி அதிரடி தீர்ப்பு

Re: 18 எம்.எல்.ஏக்கள் தகுதி நீக்கம் செல்லும் : சென்னை ஐகோர்ட் 3-வது நீதிபதி அதிரடி தீர்ப்பு

Re: 18 எம்.எல்.ஏக்கள் தகுதி நீக்கம் செல்லும் : சென்னை ஐகோர்ட் 3-வது நீதிபதி அதிரடி தீர்ப்பு

Re: 18 எம்.எல்.ஏக்கள் தகுதி நீக்கம் செல்லும் : சென்னை ஐகோர்ட் 3-வது நீதிபதி அதிரடி தீர்ப்பு