ஜெயலலிதா இறுதிச் சடங்கு செலவு எவ்வளவு தெரியுமா? ஆர்டிஐ தகவல்

**ayyasamy ram** · **ayyasamy ram** Sun 21 Oct 2018 - 18:59

-
ஜெயலலிதாவின் இறுதிச்சடங்கு நிகழ்ச்சிக்காக தமிழக அரசு
ரூ.1 கோடி செலவு செய்துள்ளது என்று தகவல் அறியும் சட்டத்தின்
கீழ் தெரியவந்துள்ளது.

மதுரை கே.கே.நகரைச் சேர்ந்த சையது தமீம் என்ற சமூக ஆர்வலர்
முன்னாள் முதலமைச்சர் ஜெயலலிதா மறைவு குறித்து பல்வேறு
கேள்விகள் கேட்டு முதலமைச்சரின் தனிப்பிரிவு மற்றும் பொது
தகவல் தொடர்பு அதிகாரிக்கு கடிதம் எழுதியிருந்தார்.

ஜெயலலிதாவின் இறுதிச்சடங்கு நிகழ்ச்சிக்காக தமிழக அரசு
எவ்வளவு செலவு செய்தது? என்ற கேள்விக்கு தமிழக அரசின்
பொதுப்பணித்துறை சார்பில் இறுதிச்சடங்கு நிகழ்ச்சிக்காக
ரூ.99 லட்சத்து 33 ஆயிரத்து 586 செலவு செய்யப்பட்டுள்ளது
என்று தெரிவிக்கப்பட்டுள்ளது.

மேலும் அவர் ஜெயலலிதா எப்போது இறந்தார்?
என்ற கேள்விக்கு 5-12-2016 அன்று ஜெயலலிதா இறந்தார் என்று
தகவல் தெரிவிக்கப்பட்டுள்ளது.

அப்பல்லோ மருத்துவமனையில் ஜெயலலிதா அனுமதிக்கப்
பட்டிருந்தபோது அவருக்கு தமிழக அரசு எவ்வளவு செலவு செய்தது?
என்ற கேள்விக்கு தமிழக அரசு செலவு செய்யவில்லை என்று
குறிப்பிடப்பட்டுள்ளது.

ஜெயலலிதா முன்னாள் சட்டமன்ற உறுப்பினர் என்ற வகையில்
அவருக்கு தற்போது ஓய்வூதியம் வழங்கப்படுகிறதா?
அந்தத் தொகை யாருக்கு வழங்கப்படுகிறது?

என்ற கேள்விக்கு சட்டமன்ற உறுப்பினர்களுக்கான பென்ஷன்
தொகை தொடர்பாக முடிவெடுக்கும் அதிகாரம் சட்டமன்றச்
செயலாளரின் கட்டுப்பாட்டில் உள்ளது.

இது குறித்து அவர் தான் பதில் அளிக்க வேண்டும் என்று
தெரிவிக்கப்பட்டுள்ளது.
-
-------------------------------------
தி இந்து

**சிவா** · **சிவா** Sun 21 Oct 2018 - 19:05

இருந்த பொழுதும் மக்கள் பணத்தைக் கொள்ளையடித்தார், இறந்த பிறகும் மக்கள் பணத்தை விரயமாக்கியுள்ளார்.

**பழ.முத்துராமலிங்கம்** · 27/09/2015

சிவா wrote:இருந்த பொழுதும் மக்கள் பணத்தைக் கொள்ளையடித்தார், இறந்த பிறகும் மக்கள் பணத்தை விரயமாக்கியுள்ளார்.

மேற்கோள் செய்த பதிவு: 1282336
இதை கூட பெரிதாக ஒரு கூட்டம்
அசிங்கப் படுத்துவது என்னத்த சொல்றது.

சிவனாசான் · சிவனாசான் Sun 21 Oct 2018 - 23:07

அதாங்க பெரியோர் செய்தா பெருமாள் செய்தமாதிரி என்பார்களே அதுபோல>>>நாட்ல சட்டம் வேண்டியவர்களுக்கென்றால் நீதி மன்றம் இரவோடு இரவா செயல்படும். பாமர மக்களுக்கு பத்தாண்டானாலும் தீர்வு இடைக்காது அவன் ஓட்டாண்டி ஆகும் நிலைதான் நிலவுகிறது. எங்கும் பலம் பணம் இருந்தால்தான் எனவே மக்கள் ஆட்சி என்பது மா மனிதர்களுக்குத்தான் என்றால் மிகையாகாதுங்கோ....

Sponsored content · Sponsored content

ஜெயலலிதா இறுதிச் சடங்கு செலவு எவ்வளவு தெரியுமா? ஆர்டிஐ தகவல்

ஜெயலலிதா இறுதிச் சடங்கு செலவு எவ்வளவு தெரியுமா? ஆர்டிஐ தகவல்

Re: ஜெயலலிதா இறுதிச் சடங்கு செலவு எவ்வளவு தெரியுமா? ஆர்டிஐ தகவல்

Re: ஜெயலலிதா இறுதிச் சடங்கு செலவு எவ்வளவு தெரியுமா? ஆர்டிஐ தகவல்

Re: ஜெயலலிதா இறுதிச் சடங்கு செலவு எவ்வளவு தெரியுமா? ஆர்டிஐ தகவல்

Re: ஜெயலலிதா இறுதிச் சடங்கு செலவு எவ்வளவு தெரியுமா? ஆர்டிஐ தகவல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக