15 ஆண்டுகளாக திரவ உணவு தான்!

-
மூன்று வேளை பழரசங்களை மட்டுமே அருந்தி,
15 ஆண்டுகளுக்கு மேலாக, உயிர் வாழ்ந்து வரும்,
நாகர்கோவிலை சேர்ந்த இன்பசாகர்:

என் அப்பா, விவசாயி. நான் அப்போதைய, பி.யு.சி., வரை
படித்துள்ளேன். சிறு வயதில் துடுக்காக இருந்த நான்,
ஒருமுறை மரத்திலிருந்து விழுந்து விட்டேன்.

நான் கவிழ்ந்து விழுந்ததில், நெஞ்சில் பலமாக அடியும்,
நுரையீரலில் ரத்தக்கசிவும் ஏற்பட்டது. சிகிச்சை முடிந்து
வழக்கம்போல் சாப்பிட்டால், செரிமானம் ஆக, அதிக
நேரம் ஆனது.

அதேவேளை, காபி, டீ, ஜூஸ் போன்ற திரவ உணவுகளை
சாப்பிட்டால், விரைவில் செரிமானம் ஆனது.தின்பண்டம்,
இட்லி, சாதம் என, திட உணவுகளை சாப்பிட்டால்,
பலவீனமாகவும் இருக்கும், மூச்சுவிடவும் சிரமமாக இருந்தது.

இதனால், கொஞ்சம் கொஞ்சமாக திட உணவு சாப்பிடுவதை
குறைத்து, கடைசியாக திட உணவு சாப்பிடுவதை முழுமையாக
நிறுத்தி, 15 ஆண்டுகளாகின்றன.

இதற்கிடையே, 1980 – 1983 வரை, போலீசாக வேலையும்
பார்த்தேன். உடல் பிரச்னை காரணமாக, வேலையை விட்டு
விவசாயத்திலும், ஆன்மிக வாழ்க்கையிலும் இறங்கிவிட்டேன்.

திட உணவை நிறுத்தியபின், மூன்று வேளையும், திராட்சை,
எலுமிச்சைச் சாறு தான் உணவு. எப்போதாவது ஆசைப் பட்டு,
வாழைப் பழம் சாப்பிடுவேன்.

நுரையீரல் பிரச்னை காரணமாக, ஆயுள் பற்றிய பயத்தால்,
திருமணமும் செய்து கொள்ளவில்லை. தற்போது எனக்கு,
68 வயதாகிறது. உயிரோடு இருக்கும் வரை, தெம்பாக இருக்க
வேண்டும் என்பதற்காக, தினமும் யோகா செய்கிறேன்.

பக்கத்தில் எந்த ஊருக்கு சென்றாலும், சைக்கிளில் தான்
செல்வேன். திருமண வீட்டிற்கு சென்றாலும், மணமக்களை
வாழ்த்திவிட்டு, ஒரு டம்ளர் தண்ணீரைக் குடித்து கிளம்பி
விடுவேன்.

நுரையீரல் பிரச்னை உள்ளவர்கள், பேசுவதற்கே சிரமப்படுவர்;
நான் பாடக் கூடச் செய்வேன்.
–
———————————
நன்றி- தினமலர் -சொல்கிறார்கள்)

அவருடைய வாழ்க்கை போராட்டத்தில்
திரவ உணவு அவரை காப்பாற்றி கொண்டு
இருக்கிறது அற்புதம்.
நீடு வாழ வாழ்த்துகிறேன்.