கோஹ்லி, ரோகித் அதிரடி சதம்: இந்தியா அபார வெற்றி

கவுகாத்தி:
வெஸ்ட் இண்டீஸ் அணிக்கு எதிரான முதல் ஒரு நாள்
போட்டியில் இந்திய அணி 8 விக்கெட் வித்தியாசத்தில்
அபார வெற்றி பெற்றது. .

இந்தியா வந்துள்ள வெஸ்ட் இண்டீஸ் அணி, 5 போட்டிகள்
கொண்ட ஒருநாள் தொடரில் பங்கேற்கிறது.

முதல் போட்டி அசாம் மாநிலம் கவுகாத்தியில் இன்று நடந்தது.
இந்திய அணியில் ரிஷாப் பன்ட் அறிமுகமாகினார்.
வெஸ்ட் இண்டீஸ் அணியில் ஒஷானே தாமஸ்,
சந்தர்பால் ஹேம்ராஜ் அறிமுகமாகினர். 'டாஸ்' வென்ற இந்திய
அணி கேப்டன் விராத் கோஹ்லி 'பீல்டிங்' தேர்வு செய்தார்.

வெஸ்ட் இண்டீஸ் அணிக்கு பாவெல், சந்தர்பால் ஹேம்ராஜ்
ஜோடி துவக்கம் தந்தது. முகமது ஷமி 'வேகத்தில்'
சந்தர்பால் ஹேம்ராஜ் (9) போல்டானார். பொறுப்பாக ஆடிய
பாவெல் அரைசதமடித்தார்.

இவர், 51 ரன்னில் கலீல் அகமதுவிடம் சரணடைந்தார்.
மார்லன் சாமுவேல்ஸ் (0) ஏமாற்றினார். ஷாய் ஹோப் (32),
ராவ்மன் பாவெல் (22) ஆறுதல் தந்தனர். பொறுப்பாக ஆடிய
ஹெட்மயர் (106) சதமடித்தார். கேப்டன் ஹோல்டர் (38)
ஓரளவு கைகொடுத்தார்.

வெஸ்ட் இண்டீஸ் அணி 50 ஓவரில் 8 விக்கெட்டுக்கு 322 ரன்கள்
எடுத்தது. பிஷூ (22), ரோச் (26) அவுட்டாகாமல் இருந்தனர்.
இந்தியா சார்பில் சகால் 3, ஷமி, ஜடேஜா தலா 2 விக்கெட்
கைப்பற்றினர்.

முதல் ஒருநாள் போட்டியில் ஹெட்மயர் சதம் கடந்து
கைகொடுக்க வெஸ்ட் இண்டீஸ் அணி 50 ஓவரில் 322 ரன்கள்
குவித்தது.இந்தியாவின் வெற்றிக்கு 323 ரன்கள் இலக்காக
நிர்ணயிக்கப்பட்டது.

கோஹ்லி, ரோகித் அதிரடி சதம்

323 ரன்கள் வெற்றி இலக்காக கொண்டு விளையாடிய இந்திய
அணியின் துவக்க ஆட்டக்காரர்களாக ரோகித் சர்மா, தவான்
களமிறங்கினர். தவான் 4 ரன்களில் அவுட் ஆனார்.

பின்னர் கேப்டன் கோஹ்லியுடன் இணைந்த ரோகித் அதிரடியாக
விளையாட இருவரும் சதம் விளாசினர்.

கேப்டன் விராத் கோஹ்லி 140 ரன்கள் சேர்த்து அவுட் ஆனார்.
இறுதியில் 42.1 ஓவர்களில் 2 விக்கெட்டுகளை மட்டுமே இழந்து
326 ரன்களை எட்டி இந்திய அணி அபார வெற்றி பெற்றது.

ரோஹித் சர்மா 152 ரன்களுடனும்,ராயுடு 22 ரன்களுடன்
ஆட்டமிழக்காமல் இருந்தனர்.
-
-------------------------------------
தினமலர்