‘சாம்பாருக்கு சொந்தக்காரர்கள் தமிழர்கள் அல்ல; மராத்தியர்களே’

by **ayyasamy ram** Thu Oct 18, 2018 7:18 am

-
புதுடில்லி,
”சாம்பாரை முதன் முதலில் தயாரித்தது, மராத்தியர்கள் தான்,”
என, பிரபல சமையல் கலை நிபுணர், குணால் கபூர்கூறியுள்ளார்.

சாம்பார் என்ற வார்த்தையைக் கேட்டாலே,
தென் மாநிலங்களில் உள்ள பலருக்கு, நாக்கில் எச்சில் ஊறும்.

தமிழகத்தில் விருந்து என்றால், அதில் சாம்பாருக்கு நிச்சயம்
இடம் உண்டு.வெங்காயம், முருங்கை, கத்தரி என, பல
காய்கறிகளை பயன்படுத்தி, சாம்பார் வைக்கப்படுகிறது.
சாம்பாரை முதலில் தயாரித்தது, தமிழர்கள் தான் என, பலரும்
நினைக்கிறோம்.

இந்நிலையில், டில்லி யைச் சேர்ந்த குணால் கபூர்,
தனியார், ‘டிவி’ சேனல் ஒன்றில், சமையல் கலை நிகழ்ச்சியை
நடத்தி வருகிறார்.

உலக உணவு தினத்தை முன்னிட்டு, சமையல் கலை நிகழ்ச்சியில்,
சாம்பார் பற்றி அவர் கூறியதாவது:

தென் மாநில உணவில், சாம்பார் முக்கியமான இடத்தைப்
பிடித்துள்ளது. அதனால், சாம்பாரை தென் மாநில உணவு என,
பலரும் கருதுகிறோம்.

உண்மையில், முதன் முதலில், சாம்பார் வைத்தது, மராத்தியர்கள்
தான். சத்ரபதி சிவாஜியின் மகன், சாம்பாஜி, மஹாராஷ்டிராவை
ஆட்சி செய்த போது தான், சாம்பார் முதலில் தயாரிக்கப்பட்டுள்ளது.

மன்னரை நினைவுபடுத்தும் வகையில், அதற்கு சாம்பார் என,
பெயர் வைத்தனர்.
எனினும், இதற்கு, எழுத்து பூர்வமான ஆதாரம் எதுவும் இல்லை.

இப்போது, துவரம் பருப்பை பயன்படுத்தி, சாம்பார் வைக்கப்
படுகிறது. அப்போது, உளுந்தம் பருப்பை பயன்படுத்தி, சாம்பார்
வைத்தனர்.

மராத்தியர்களுக்கு, போர்ச்சுகீசியர்கள் தான், மிளகாயை
அறிமுகப்படுத்தினர். அதன் பின், நாடு முழுவதும் மிளகாயை,
மராத்தியர்கள் பிரபலப்படுத்தினர்.

இப்போது, சமையலில் தவிர்க்க முடியாத ஒரு பொருளாக, மிளகாய்
மாறியுள்ளது.இவ்வாறு அவர் கூறினார்.
–
—————————————–
தினமலர்

காரத்திற்கு மிளகு உபயோகித்த வரை வயிறு சம்பந்தமான உடல் உபாதைகள் குறைவு. மிளகாய் உபயோகித்த பின்பு தான்
நோய்கள் அதிகம்.
சாம்பாரும் நம்முடையது இல்லை.

by SK Thu Oct 18, 2018 12:11 pm

வட இந்தியர்களின் சாம்பார் சாப்பிட்டிருக்கிறேன் உப்பு,காரம்,பூண்டு எதுவும் இல்லாமல் சீக்காளிக்கு வைக்கும் பருப்பு காஞ்சி போல இருக்கும்
அவர்கள் செய்வது சாம்பார் என்று சொன்னால் சிரிப்பு தான் வருது
அவர்கள் சாம்பாரை சாப்பிட்டால் வாந்தியும் வாய்வு தொல்லையும் தான் வரும்

by ஞானமுருகன் Thu Oct 18, 2018 10:03 pm

வீட்டில் கலவரத்தை உண்டாக்கும் நோக்கம

by **krishnaamma** Wed Oct 31, 2018 9:04 am

பார்த்து பதிவுகளை இடுங்கள் ராம் அண்ணா ..............

by **krishnaamma** Wed Oct 31, 2018 9:07 am

சாம்பாரை முதன் முதலில் தயாரித்தது, மராத்தியர்கள் தான்,”
என, பிரபல சமையல் கலை நிபுணர், குணால் கபூர்கூறியுள்ளார்.

சும்மா பேப்பரில் தன் பெயர் வரவேண்டும் என்று சொல்லி இருப்பார்...

by **krishnaamma** Wed Oct 31, 2018 9:08 am

பழ.முத்துராமலிங்கம் wrote:காரத்திற்கு மிளகு உபயோகித்த வரை வயிறு சம்பந்தமான உடல் உபாதைகள் குறைவு. மிளகாய் உபயோகித்த பின்பு தான்
நோய்கள் அதிகம்.
சாம்பாரும் நம்முடையது இல்லை.

நிஜம் ஐயா, என் அப்பாவும் உங்களைப்போல சொல்வார்........மிளகு காரம் உடலுக்கு நல்லது, ஆனால் மிளகாய் காரம் குடலுக்கு கெடுதல் என்று புன்னகை

by **krishnaamma** Wed Oct 31, 2018 9:09 am

SK wrote:வட இந்தியர்களின் சாம்பார் சாப்பிட்டிருக்கிறேன் உப்பு,காரம்,பூண்டு எதுவும் இல்லாமல் சீக்காளிக்கு வைக்கும் பருப்பு கஞ்சி போல இருக்கும்
அவர்கள் செய்வது சாம்பார் என்று சொன்னால் சிரிப்பு தான் வருது

ரொம்ப சரி செந்தில்.... உப்பு சப்பில்லாமல் 'தால்' போல இருக்கும்.......சப்பாத்திக்கு தொட்டுக்கொள்ள தான் சரிப்படும் புன்னகை