இணக்கமாய் ஓர் வணக்கம் !

First topic message reminder :

பெயர்:  தூயவள்-  வடமொழியில் அமைந்த என் இயற்பெயரின் தமிழாக்கம்
சொந்த ஊர்:  யாதும் ஊரே யாவரும் கேளிர்
ஆண்/பெண்:  ஆண்பால், பெண்பால்,பொதுப்பால் அதற்கும் அப்பால் ஆன்மாவிற்கு ஏது பால் ? இருப்பினும் இப்பிறவியில் பிறப்பால் பெண்பால்
ஈகரையை அறிந்த விதம்:  இணையத்தினூடே இனியதமிழ்த் தேடல் ஈங்கிழுத்துவந்ததென்னை.
பொழுதுபோக்கு:  இருந்தால் தானே போக்க ?
தொழில்: விளக்கமாய்: முன்னாள் பொதுத்துறை வங்கி ஊழியர்,இந்நாள் இல்லத்தரசி; சுருக்கமாய்: முழுநேர அம்மா
மேலும் என்னைப் பற்றி: கீழ்வரும் இருபதில் இதற்கான பதில் உண்டு. நற்றமிழ்ச் சான்றோர் இதிலுண்டாகும்  குற்றங் குறைகளைப் பொறுத்தருள்வீர். வாய்ப்பளித்தமைக்கு மிக்க நன்றி !

வணக்கம் பெரியாரே தமிழ்கூறு புலவோரே
இணக்கத் தோடோர்  அறிமுகம்.  

இலக்கண இலக்கியம் விளக்கிடு மறிஞர்க்  
குலத்திற்கு முதல் வணக்கம்.

பெண்னெனப் பிறந்து தாயென மிளிர்பவள்
கண்ணெனக் கணவரோடு வாழ்வு.

அம்பலக் கூத்திடும் நாயகன் ஊரதே
எம்புலம் வேரூன்று மூர்.

தமிழகம் நீங்கியின்று வேறொரு மண்ணிலே
அமைந்ததே யென்றன் வாழ்வு.

பாரினில் பற்பல ஊரினைக் காணினும்
வேரினை மறக்கிலேன் யான்.

தாகமுண்டு தமிழுக்கு வேகமுண் டார்வமுண்டு
மோகமுண்டு எம்மொழியின் மேல்.

வலைப்பூ வேறொன்றில் இதுகாறும் பதிவிட்டேன்
விலையற்றத் தமிழ்மொழியில் தான்.

ஈகரையில் எனை யிணைக்க யெண்ணமதில்
தாகமுற்றேன் இன்றினிய நாள்.

நாடோறும் நற்றமிழில் நல்லவர்ப் பதிவிட  
நாடிப் பெறுவேன் பயன்.

ஈடேறும் என்னவா தமிழறிஞ ரிவ்வலையில்
இடுகின்ற தமிழ்ப் படித்தால்.

கள்ளுளே யிட்டதாம் காமலர்ப் போலவேத்  
தெள்ளுதமிழ்ச் சோலை யிதே.

இருகரை குறித்திடும் ஈகரை யெனுஞ்சொல்
அருந்தமிழ்க் கழகு  சேர்த்திடும்.

உள்ளிடப் புகுதலைக் காட்டிலும் வல்லவர்
அள்ளித்தரும் அமு துண்பேன்.

இருப்பினு மவ்வப்போது கிறுக்கிடும் பதிவுகள்
தருகிறேன் பொறுத் தருள்வீர் !

பதிவிலே தவறுகள் தென்படில் பொறுமையாய்ப்
பதில் தரின் மகிழ்வுறுவேன்.

திருத்தங்கள் செய்திட விழைகுவேன் கட்டாயம்
வருத்தங்க ளென்றும் கொள்ளேன்.

விருப்பந் தெரிவித்து ஊக்க மளித்திடின்
பெருகுமே என்ற னுவகை.

அறிவிலும் வயதிலும் சிறியவள் என்னையே
அறிமுகம் செய்து கொண்டேன்.

புதியவள் எனையேற்றுக் கொள்வதா யிருப்பின்  
பதியுங்க ளுங்க ளெண்ணம்.

நன்றி, வணக்கம்!

SK wrote:அருமையான அறிமுகம்
தொடர்ந்து இணைந் திருங்கள்
ஈகரையில் தங்களை வரவேற்கிறேன்

[You must be registered and logged in to see this link.]
வரவேற்பிற்கு மிக்க நன்றி !

இன்று தான் இந்த திரியை பார்த்தேன்.... எத்தனை அருமையான அறிமுகம் ...எத்தனை அருமையான மறுமொழிகள்.....நான் எந்த வார்த்தைகளால் உங்களை வரவேற்பது என்று தெரியாமல் விழிக்கிறேன்.............
.
.
.
.
அன்பு வரவேற்புகள் சகோதரி............

krishnaamma wrote:இன்று தான் இந்த திரியை பார்த்தேன்.... எத்தனை அருமையான அறிமுகம் ...எத்தனை அருமையான மறுமொழிகள்.....நான் எந்த வார்த்தைகளால் உங்களை வரவேற்பது என்று தெரியாமல் விழிக்கிறேன்.............
.
.
.
.
அன்பு வரவேற்புகள் சகோதரி............

[You must be registered and logged in to see this link.]

தாமதமான பதிலுக்கு மன்னிக்கவும், நானும் இன்று தான் தங்கள் வரவேற்பைப் பார்த்தேன், அதற்கு எனது நன்றி !