ஆன்லைனில் மதுபான விற்பனை: மகாராஷ்டிர அரசு முடிவு

by **ayyasamy ram** Mon Oct 15, 2018 6:12 am

மது வகைகளை ஆன்லைன் மூலம் விற்பனை செய்து
வாடிக்கையாளர்களின் வீடுகளுக்கு நேரடியாக கொண்டு
சேர்க்கும் திட்டத்தை செயல்படுத்த மகாராஷ்டிர மாநில
அரசு முடிவு செய்துள்ளது.

குடித்து விட்டு வாகனம் ஓட்டுபவர்களின் எண்ணிக்கையை
குறைப்பதற்காக இந்தத் திட்டத்தை அமல்படுத்த இருப்பதாக
மாநில அரசு சார்பில் தெரிவிக்கப்பட்டுள்ளது.

பிரபலமான ஆன்லைன் வர்த்தக நிறுவனங்கள் இந்தப்
பணியில் ஈடுபடும் என்று தெரிகிறது. எனினும், எப்போது
இத்திட்டம் அமலுக்கு வரும் என்ற தகவல் தெரிவிக்கப்
படவில்லை.

மகாராஷ்டிர மாநில சுங்க வரித் துறை அமைச்சர்
சந்திரசேகர் பாவன்குளே, செய்தியாளர்களிடம் இத்தகவலை
ஞாயிற்றுக்கிழமை தெரிவித்தார். இது தொடர்பாக அவர்
மேலும் கூறுகையில், "தேசிய நெடுஞ்சாலைகளின் மதுபானக்
கடைகள் கூடாது என்ற உச்ச நீதிமன்ற உத்தரவை
அமல்படுத்தியதால் சுமார் 3,000 கடைகள் மூடப்பட்டுவிட்டன.

இதனால் மாநில அரசுக்கு வருவாய் இழப்பு ஏற்பட்டுள்ளது.
மேலும், இப்போது பெட்ரோல், டீசல் மீதான வரியை மாநில
அரசு குறைத்ததால் வரி வருவாய் மேலும் குறைந்துள்ளது.

எனவே, ஆன்லைன் மூலம் மதுபான விற்பனையைத் நடத்த
முடிவு செய்யப்பட்டுள்ளது. இதனால் குடித்துவிட்டு வாகனம்
ஓட்டுபவர்களின் எண்ணிக்கையும் குறையும்' என்றார்
சந்திரசேகர்.

மாநில பாஜக அரசின் இந்த திட்டத்துக்கு, காங்கிரஸ்
உள்ளிட்ட எதிர்க்கட்சிகள் கடும் எதிர்ப்பும், கண்டனமும்
தெரிவித்துள்ளன.
-
-----------------------------------
தினமணி

வாகன விபத்தை தடுக்க ஒவ்வொருவர் வீடாக சென்று ???? வழங்குவது எப்படி இருக்கும். விற்பனை அதிகரிப்பு.
குடிக்க கூச்சப்பட்டவரும் ஆன்லைன் மூலம் வாங்கி அனுபவிப்பர்

ஆன்லைனில் மதுபான விற்பனை: மகாராஷ்டிர அரசு முடிவு

ஆன்லைனில் மதுபான விற்பனை: மகாராஷ்டிர அரசு முடிவு

Re: ஆன்லைனில் மதுபான விற்பனை: மகாராஷ்டிர அரசு முடிவு