தமிழகத்தில் வாழமுடியாது; பாகிஸ்தானில் வாழ்ந்து விடுவேன்’: நவ்ஜோத் சிங் சித்து சர்ச்சைப் பேச்சு

First topic message reminder :

தமிழகத்தில் என்னால் நீண்ட நாட்களுக்கு வாழ முடியாது, ஆனால் பாகிஸ்தானில் எத்தனை நாட்கள் வேண்டுமானாலும் வாழ்ந்துவிடுவேன் ஏனென்றால் கலாச்சாரம் பொதுவானது என்று முன்னாள் கிரிக்கெட் வீரரும், காங்கிரஸ் எம்எல்ஏவுமான நவ்ஜோத் சிங் சித்து சர்ச்சைக்குரிய வகையில் பேசியுள்ளார்.

இமாச்சலப்பிரதேசத்தில் உள்ள கசாலி நகரில் இலக்கியத்திருவிழா சனிக்கிழமை(நேற்று) நடந்தது. இதில் பஞ்சாப் மாநிலத்தின் சுற்றுலா மற்றும் கலாச்சாரத் துறை அமைச்சரும், காங்கிரஸ் எம்எம்ஏவுமான நவ்ஜோத் சிங் சித்து பங்கேற்றார். அப்போது அவர் தமிழகத்தின் கலாச்சாரத்தையும், பாகிஸ்தானின் பஞ்சாப் கலாச்சாரத்தையும் ஒப்பிட்டு பேசியது சர்ச்சையாகி இருக்கிறது. அவர் பேசியதாவது:

நான் தமிழகத்துக்குச் சென்றால், அங்குள்ள தமிழக மக்கள் பேசும் தமிழ்மொழியை என்னால் புரிந்து கொள்ள முடியாது. அந்த மாநில மக்களின் உணவுப்பழக்கமும் எனக்குப் பிடிக்காது. அவ்வாறு அங்குச் சென்றாலும், அங்குள்ள உணவை என்னால் நீண்ட நாட்களுக்குச் சாப்பிடவும் முடியாது. தமிழகத்தில் உள்ள மக்களின் கலாச்சாரம் முற்றிலும் வேறுபட்டது. உணவுப்பழக்கத்தை எடுத்துக்கொண்டால், இட்லி மட்டும் சாப்பிடலாம். ஆனால், தென் இந்திய உணவுகளையும், தமிழக உணவுகளையும் எத்தனை நாட்களுக்குச் சாப்பிட முடியும். என்னால் முடியாது.

தமிழக மக்கள் பேசும் வணக்கம் என்ற வார்த்தையைத் தவிர எனக்கு வேறு வார்த்தைகள் புரியாது. அங்கு என்னால் நீண்ட நாட்கள் வாழ முடியாது.

ஆனால், பாகிஸ்தானுக்கு நான் சென்றால், அங்கு மக்கள் பஞ்சாப் மொழி பேசுகிறார்கள், ஆங்கிலம் பேசுகிறார்கள். அவர்களுடன் என்னால் இயல்பாகப் பேசி வாழ முடியும். பஞ்சாபில் இருக்கும் கலாச்சாரமே, பாகிஸ்தானில் இருக்கிறது. அங்குள்ள மக்களுடன் சேர்ந்து வாழ்வதில் எந்தவிதமான கஷ்டமும் இல்லை. கலாச்சாரமும் ஒரேமாதிரியாகத்தான் இருக்கும். இது மிகவும் வியப்பான விஷயம். இவ்வாறு சித்து பேசினார்.

பாகிஸ்தான் பிரதமர் இம்ரான் கான் பதவிஏற்பு விழாவுக்குச் சென்ற நவ்ஜோத் சிங் சித்து, அந்நாட்டு ராணுவத் தளபதி குவாமர் ஜாவித் பஜ்வாவை கட்டித்தழுவிய சம்பவம் நம்நாட்டில் பெரும் சர்ச்சையை ஏற்படுத்தியது. இந்நிலையில், தமிழகத்தையும், பாகிஸ்தானையும் ஒப்பிட்டு பேசியுள்ளதும் சர்ச்சையை ஏற்படுத்தி இருக்கிறது.

சிரோன்மணி அகாலி தளம் செய்தித்தொடர்பாளர் தல்ஜித் சிங் சீமா கூறுகையில், மாநிலத்தில் அமைச்சராக இருக்கும் சித்து வார்த்தைகளை மிகவும் கவனத்துடன் பேச வேண்டும். யாரையும் புகழ்ந்து பேசுவதில் தவறில்லை. அதற்கு தடையுமில்லை. அதேசமயம், சொந்த நாட்டையும், சொந்த நாட்டில் உள்ள ஒரு மக்களைத் தரம் குறைந்து பேசக்கூடாது எனக் கண்டித்துள்ளார்.
நன்றி
இந்து தமிழ்

ராஜா wrote:கலாச்சாரத்தை பற்றி உனக்கென்ன தெரியும் செத்து அவர்களே ,

நான் வெறுக்கும் கவாஸ்கர் போன்றவர்களே இம்ரான் அழைத்தபோது நிராகரித்தார்கள் , ஆனால் நீ பல்லை காட்டிகிட்டு போயிருக்க ... தூ

மேற்கோள் செய்த பதிவு: 1281903
சித்து எப்போதும் ஏதாவது ஒன்றுடன்
ஒட்டிக் கொண்டு இருக்க வேண்டும்.
தற்போது பாகிஸ்தான் பக்கம் போய் விட்டார்.
கேவலமான பேச்சு.
நன்றி ராஜா

மதிப்பிற்கு உரிய சித்து அவர்களே எங்கள் இட்லியை சாப்பிட முடியவில்லை என்றால் பரவாயில்லை வயலுக்கு வாங்கி வைத்துள்ள பால்டாயில் இருக்கிறது வேணும்னா ஒருவாட்டி குடிச்சி பாருங்க

கோபால்ஜி wrote:இதிலும் நமது அரசியல் கட்சிகளின் செயலை பாருங்கள்..சொன்னவர் பா.ஜா.க கட்சியை சேர்ந்தவர் இல்லை என்பதால் இதுவரை திராவிட கட்சிகளும் சரி,இடது சாரிகளும் சரி,"தமிழ் உணர்வு (!)" கட்சிகளும் சரி,பொழுது விடிந்தால் சூரியன் உதிர்ப்பதற்கும் மறைவதற்கு கூட மோடி அரசை குற்றம் கூற தயாராக இருக்கும் லெட்டர் பேட் கட்சிகளும் சரி யாரும் ஒரு வார்த்தை கண்டனம் தெரிவிக்க தயாராக இல்லை..இதுதான் இவர்கள் தமிழுக்கும் தமிழ் பண்பாட்டுக்கும் கலாச்சாரத்திற்கும் கொடுக்கும் அக்கறை....அரசியல் ஆதாயம் இல்லை என்றால் எதற்கும் குரல் தர மாட்டார்கள்...ஒட்டு ஆதாயம் இல்லை என்றால் தங்களுக்கு துளியும் தெரியாத விஷயத்தை பற்றி கூட எல்லாம் தெரிந்த மேதாவிகள் போல போராட ஆரம்பித்து விடுவார்கள்..இதில் கொடுமை மக்களும் இவர்களை நம்புவது தான்...இவர்களை பற்றி தான் பாரதி அன்றே பாடி வைத்தான் -வாய்ச்சொல்லில் வீரரடி -என்று..

மேற்கோள் செய்த பதிவு: 1282096
ஐயா தங்களின் கருத்துக்கள் நூறு சதவீதம் உண்மையே.

SK wrote:மதிப்பிற்கு உரிய சித்து அவர்களே எங்கள் இட்லியை சாப்பிட முடியவில்லை என்றால் பரவாயில்லை வயலுக்கு வாங்கி வைத்துள்ள பால்டாயில் இருக்கிறது வேணும்னா ஒருவாட்டி குடிச்சி பாருங்க

மேற்கோள் செய்த பதிவு: 1282097
இதை இவருக்கு கொடுத்து ஏன் நாம் கம்பி எண்ண வேண்டும்.
அவரே அறிந்து கொள்ளட்டும்.