உஷார்! முடங்கும் இண்டர்நெட்- 48 மணிநேரத்துக்கு இணையதள சேவை முடங்க வாய்ப்பு

**ayyasamy ram** · **ayyasamy ram** Fri 12 Oct 2018 - 17:11

உலக அளவில் அடுத்த 48 மணிநேரத்துக்கு இணையதள
சேவை முடங்கும் வாய்ப்பு இருப்பதால் தேவையான
முன்னெச்சரிக்கை நடவடிக்கைகளை எடுத்துக் கொள்ள
வேண்டும் என ரஷ்யா அறிவுறுத்தியுள்ளது.

தி இண்டர்நெட் கார்பரேஷன் ஆப் நேம்ஸ் அண்ட் நம்பர்
என அழைக்கப்படும் சர்வதேச இணையதள சேவை அமைப்பு
வழக்கமான பராமரிப்பு பணிகளை மேற்கொண்டு வருகிறது.

இதனால் அடுத்த 48 மணிநேரத்துக்கு பல்வேறு இணையதள
சர்வர்களும் தொடர்பு இழக்கூடும் என ரஷ்யா எச்சரித்துள்ளது.

அதுபோலவே இணைப்பு கிடைக்காமல் தவிக்கும் சூழல்
ஏற்படும். சமீபகாலமாக இணையதளங்களில் புகுந்து
மர்ப நபர்கள் முடக்கும் செயல்களில் ஈடுபட்டு வருகின்றனர்.

இதையடுத்து ‘சைபர் அட்டாக்’ இணையதள முடக்கம்
செய்ய முடியாமல் தடுக்க டிஎன்எஸ் எனப்படும்
‘டொமைன் நேம் சிஸ்டம்’ நடவடிக்கை எடுத்து வருகிறது.

இதற்கான விரிவான பராமரிப்பு பணிகள் தேவைப்படுவதால்
இவை முழுமையாக முடிவடைய 48 மணிநேரங்கள் வரை
ஆகலாம் என தெரிகிறது.

இந்த சமயத்தில் இணையதள சேவை முடங்குவதுடன்,
குறிப்பிட்ட இணையதள பக்கங்களை பார்க்க முடியாமல்
போகும் சூழல் ஏற்பட வாய்ப்புள்ளது.

எனவே தேவையான முன்னெச்சரிக்கை நடவடிக்கை எடுக்க
வேண்டும் என ரஷ்யா கேட்டுக் கொண்டுள்ளது.
-
----------------------------
தி இந்து

SK · SK Fri 12 Oct 2018 - 18:26

அரிசி பருப்பு எல்லாம் வாங்கி வைத்துக் கொள்ளவும்

ஞானமுருகன் · ஞானமுருகன் Fri 12 Oct 2018 - 19:19

இன்டர்நெட் இல்லை என்றால் வளர்ந்த நாடுகள் எல்லாம் முடங்கும் நண்பரே . இங்கு அரிசி பருப்பு வாங்க வேண்டும் என்றாலும் இன்டர்நெட் அவசியமான ஒன்று. இன்றைய கால கட்டத்தில் அரிசி பருப்பு போன்று இன்டர்நெட்டும் அத்தியாவசியமனாதான ஒன்றாக மாறி உள்ளதை மறுப்பதற்கு இல்லை. வாட்ஸாப்ப் மற்றும் பாஸ் புக் மட்டும் இன்டர்நெட் இல்லை என்பது என்னோட கருத்து .

அனைத்து அத்தியாவசை சேவைகளும் பாதிக்க படும். போக்குவரத்து, செயற்கைகோள், நாட்டின் பாதுகாத்து, வர்த்தகம், பேங்க் மற்றும் அனைத்து அத்தியாவசை சேவைகளும் இதில் அடங்கும்.

அப்படினா ஈகரை பார்க்க முடியாத?