‘இது யூடர்ன்’: பாஜக நிர்வாகிகளை அதிர்ச்சியில் உறைய வைத்த காங்கிரஸ் தலைவர் மனைவி

-
தெலுங்கானா மாநில சட்டப்பேரவையின் பதவிக்காலம்
அடுத்த ஆண்டு மே மாதம் வரை உள்ள நிலையில்
முன்கூட்டியே சட்டப்பேரவையை முதல்வர் சந்திரசேகர் ராவ்
கலைத்தார். இதைதொடர்ந் 4 மாநில தேர்தலுடன் சேர்ந்து,
தெலங்கானாவுக்கு டிசம்பர் 7-ம் தேதி தேர்தல் நடைபெறும்
என தேர்தல் ஆணையம் அறிவித்துள்ளது.

வாக்கு எண்ணிக்கை டிசம்பர் 11-ம் தேதி நடைபெறுகிறது.
அங்கு தற்போது உச்சகட்ட தேர்தல் பிரச்சாரம் நடை
பெறுகிறது. எதிரணியைச் சேர்ந்தவர்களை தங்கள் பக்கம்
இழுக்க பல கட்சிகளும் முயன்ற வருகின்றன.

அந்த வகையில் காங்கிரஸ் மூத்த தலைவரும், முன்னாள்
துணை முதல்வருமான ராஜ நரசிம்ம ரெட்டியின் மனைவி
பத்மினி ரெட்டி நேற்று திடீரென பாஜகவில் இணைந்தார்.

தெலங்கானா மாநில பாஜக தலைவர் லட்சுமண் மற்றும்
தேசிய பொதுச்செயலாளர் முரளிதர் ராவ் ஆகியோர் அவரை
வரவேற்று பொன்னாடை அணிவித்து கட்சி உறுப்பினர்
அட்டையை வழங்கினர்.

இதைத்தொடர்ந்து பத்மினி ரெட்டியை புகழந்து லட்சுமண்
மற்றும் முரளிதர் ராவும், ட்விட்டரில் தொடர்ந்து பதிவிட்டனர்.

‘‘பத்மினி ரெட்டி மிகச்சிறந்த பெண் தொண்டர். சமூக
பணிகளி்ல் ஈடுபட்டு கரீம்நகர் மாவட்டத்தில் தனக்கென
தனி முத்திரை பதித்தவர். அவரது பணியால் அந்த பகுதி
மக்கள் பெரும் நன்மைகள் அடைந்தனர்.

ஆனால் காங்கிரஸ் அவரை புறக்கணித்து விட்டது.
உரியமுறையில் நடத்த வில்லை. பாஜகாவில் அவரது
பயணம் சிறப்பாக இருக்கும்’’ என தெரிவித்தனர்.

இதுமட்டுமின்றி பத்மினி ரெட்டி பாஜகவில் இணைந்ததால்
காங்கிரஸூக்கு பெரும் பின்னடைவு ஏற்பட்டுள்ளதாக
கூறி அக்கட்சியை இருவரும் கடுமையாக கிண்டல் செய்தும்
பதிவிட்டனர்.
ஆனால் இவையெல்லாம் சில மணிநேரங்கள் மட்டுமே நீடித்தன.

மாலையில் பத்மனி ரெட்டி தான் பாஜகவில் இருந்து
விலகுவதாகவும், மீண்டும் காங்கிரஸில் இணைந்துள்ளதாகவும்
அறிவித்தார். தொண்டர்களின் விருப்பத்தின்பேரில் மீண்டும்
காங்கிரஸில் இணைந்ததாக அறிவித்தார்.

இதைகேட்டு தெலங்கானா மாநிலத்தைச் சேர்ந்த ஒட்டு
மொத்த பாஜக தலைவர்களும் அதிர்ச்சியில் உறைந்தனர்
-
---------------------------
தி இந்து

இப்போ அவர் எந்த கட்சியில் இருக்கிறார்