தமிழகத்திற்கு ‘ரெட் அலர்ட்’ ……. அக்.7-ம் தேதி 25 செ.மீ. மழைபெய்ய வாய்ப்பு: இந்திய வானிலை மையம் எச்சரிக்கை

by **ayyasamy ram** Thu Oct 04, 2018 2:28 pm

சென்னை:
தமிழகத்திற்கு வரும் 7-ம் தேதி வானிலை ஆய்வு மையம்
‘ரெட் அலர்ட்’ எச்சரிக்கை விடுத்துள்ளது.

வரும் 7-ம் தேதி தமிழகத்தின் பெரும்பாலான பகுதிகளில்
அதி கனமழை பெய்யும் என்று வானிலை மையம்
தெரிவித்துள்ளது. 7-ம் தேதி தமிழகத்தில்
25 சென்டிமீட்டருக்கு மேல் மழை பதிவாகும் என
இந்திய வானிலை மையம் கணித்துள்ளது.

இதனால் தமிழகத்தின் அனைத்து மாவட்ட ஆட்சியர்களும்
முன்னெச்சரிக்கை நடவடிக்கை எடுக்க
உத்தரவிடப்பட்டுள்ளது.

தேவைப்பட்டால் தேசிய பேரிடர் மீட்புக்குழுவும் அழைத்துக்
கொள்ளப்படும் என வருவாய் நிர்வாகம் தெரிவித்துள்ளது.

மழையால் அதிகளவு பாதிக்கப்பட்டுள்ள மாவட்டங்களில்
கூடுதல் முன்னெச்சரிக்கை நடவடிக்கை எடுக்க ஆணை
பிறப்பிக்கப்பட்டுள்ளது.

இதேபோல் நிவாரண முகாம்கள் தயார் நிலையில் வைக்க
உத்தரவிடப்பட்டுள்ளது. முன்னதாக நேற்று கேரளாவின்
இடுக்கி, பாலக்காடு, திரிச்சூர் ஆகிய 3 மாவட்டங்களுக்கு
‘ரெட் அலெர்ட்’ எச்சரிக்கை விடுக்கப்பட்டிருந்தது
குறிப்பிடத்தக்கது.
–
—————————-
தினகரன்

by **ayyasamy ram** Thu Oct 04, 2018 2:29 pm

குறைந்த நேரத்தில் அதிக மழை பெய்ய வாய்ப்புள்ளதால்
இந்த ரெட் அலர்ட் பிறப்பிக்கப்பட்டு உள்ளது.

இதையடுத்து பொதுமக்கள் முன்னெச்சரிக்கையாக
பாதுகாப்பாக இருக்க வேண்டும். மழைக்காலங்களில்
நம்மை எவ்வாறு பாதுகாத்து கொள்வது என்று
தெரிந்துகொள்வோம்.

வெளியில் செல்வதைத் தவிர்க்க வேண்டும்.

பயணங்களை மேற்கொள்ளக் கூடாது.

தாழ்வான பகுதிகளில், மணல் வீடுகளில் குடியிருப்போர்,
உடனடியாக வீடுகளைக் காலி செய்திட வேண்டும்.

வாகனங்களில் செல்வோர், குறிப்பாகப் பாலங்களைக்
கடப்போர், பாலங்களில் நீர் பெருக்கெடுத்து ஓடும்போது,
வெள்ளத்தின் ஆபத்தை உணர்ந்து, பாதுகாப்பாக நின்றிட
வேண்டும். பாதுகாப்பான வழியில் மட்டுமே செல்லலாம்.

நீச்சல் தெரியாதவர்கள், மிகவும் எச்சரிக்கையாய் இருக்க
வேண்டும்.

மழை நீர் தேங்கியுள்ள பகுதிகளில், ஆழம் குறைவாக
இருப்பினும், அறுந்த மின் கம்பிகள் கிடக்கலாம்.
மின் கசிவு ஏற்படலாம். எனவே நீர்வழியைத் தவிர்க்க
வேண்டும்.

சிறுவர்களை வெளியில் விடக்கூடாது.

தாழ்வான பகுதிகளில் குடியேறக் கூடாது.

குடிநீர், உணவு ஆகியவற்றில் உடல் நலப் பாதுகாப்பு
கவனம் கொள்ள வேண்டும்.

வடிகால் பகுதிகளில் ஏற்பட்டிருக்கும் ஆக்கிரமிப்புகளை
அகற்ற வேண்டும்.

பிஸ்கட், பால் உள்ளிட்ட முக்கிய உணவு பொருட்களை
வீட்டில் வாங்கி வைத்துக்கொள்ள வேண்டும்.

பாதுகாப்பான இடத்தில் தங்க வேண்டும்.
-
-------------------------
நன்றி- செய்திப்புனல்

by **சிவா** Thu Oct 04, 2018 2:49 pm

தாழ்வான பகுதிகளில், மணல் வீடுகளில் குடியிருப்போர், உடனடியாக வீடுகளைக் காலி செய்திட வேண்டும். wrote:

ஏரிகளை ஆக்கிரமித்து வீடு கட்டியிருபவர்கள் உடனடியாக வீடுகளைக் காலி செய்யவும்.

by **ரா.ரமேஷ்குமார்** Thu Oct 04, 2018 3:15 pm

அலர்ட் கொடுத்து வராமல் போயி விட்டால் தான் வருத்தம் ...
கிராமப்புறங்களுக்கு கனமழை தேவை தான் ...

by **சிவா** Thu Oct 04, 2018 3:17 pm

ரா.ரமேஷ்குமார் wrote:அலர்ட் கொடுத்து வராமல் போயி விட்டால் தான் வருத்தம் ...
கிராமப்புறங்களுக்கு கனமழை தேவை தான் ...

மேற்கோள் செய்த பதிவு: 1280385
சிவகங்கை, ராமநாதபுரம் மாவட்டங்கள் எப்பொழுதும் வறட்சியாகத்தான் உள்ளது. புயலே வந்தாலும் அங்கு மழை பெய்வதில்லை. நதிகளை இணைத்தால் மட்டுமே அங்கு நீர்வரத்துக்கு வாய்ப்பிருக்கிறது!

by **ரா.ரமேஷ்குமார்** Thu Oct 04, 2018 3:23 pm

எங்கள் பகுதியும் அப்படி தான் அண்ணா .. கனமழை பெய்தால் மட்டுமே 16 ஏக்கர் பரப்பளவு உள்ள எங்கள் ஊர் குளம் நிரம்பும் ... 2015 ஆண்டிற்கு பின் இன்னும் குளம் நிரம்பவில்லை ... இந்த ஆண்டாவது நிரம்புமா என ஆவலுடன் இருக்கிறோம் ...

by Sponsored content

தமிழகத்திற்கு ‘ரெட் அலர்ட்’ ……. அக்.7-ம் தேதி 25 செ.மீ. மழைபெய்ய வாய்ப்பு: இந்திய வானிலை மையம் எச்சரிக்கை

தமிழகத்திற்கு ‘ரெட் அலர்ட்’ ……. அக்.7-ம் தேதி 25 செ.மீ. மழைபெய்ய வாய்ப்பு: இந்திய வானிலை மையம் எச்சரிக்கை

Re: தமிழகத்திற்கு ‘ரெட் அலர்ட்’ ……. அக்.7-ம் தேதி 25 செ.மீ. மழைபெய்ய வாய்ப்பு: இந்திய வானிலை மையம் எச்சரிக்கை

Re: தமிழகத்திற்கு ‘ரெட் அலர்ட்’ ……. அக்.7-ம் தேதி 25 செ.மீ. மழைபெய்ய வாய்ப்பு: இந்திய வானிலை மையம் எச்சரிக்கை

Re: தமிழகத்திற்கு ‘ரெட் அலர்ட்’ ……. அக்.7-ம் தேதி 25 செ.மீ. மழைபெய்ய வாய்ப்பு: இந்திய வானிலை மையம் எச்சரிக்கை

Re: தமிழகத்திற்கு ‘ரெட் அலர்ட்’ ……. அக்.7-ம் தேதி 25 செ.மீ. மழைபெய்ய வாய்ப்பு: இந்திய வானிலை மையம் எச்சரிக்கை

Re: தமிழகத்திற்கு ‘ரெட் அலர்ட்’ ……. அக்.7-ம் தேதி 25 செ.மீ. மழைபெய்ய வாய்ப்பு: இந்திய வானிலை மையம் எச்சரிக்கை

Re: தமிழகத்திற்கு ‘ரெட் அலர்ட்’ ……. அக்.7-ம் தேதி 25 செ.மீ. மழைபெய்ய வாய்ப்பு: இந்திய வானிலை மையம் எச்சரிக்கை