தாயின் செலவுக்குப் பணம் கொடுக்காதே…!

**ayyasamy ram** · **ayyasamy ram** Mon Oct 01, 2018 11:09 pm

அவர், ஓய்வுபெற்ற தலைமை ஆசிரியர்.
மரியாதை நிமித்தம் அவரை சந்திக்கச் சென்றேன்.
பேச்சோடு, பேச்சாக பிரிவுபசார விழாவில்,
தம் மாணவர்களுக்கு, அவர் கூறும் அறிவுரை பற்றிக்
கூறினார்:

தந்தை சொற்படி நடவாதே
தாயின் செலவுக்குப் பணம் கொடுக்காதே
உட்கார்ந்து சாப்பிடாதே
படுத்துத் துாங்காதே…
என்பாராம்!

‘என்ன சார்… இப்படியெல்லாம் அறிவுரை வழங்கினால்,
பையன்களின் எதிர்காலம் என்னத்துக்கு ஆகும்?’ எனக்
கேட்டேன்.

‘அவசரப்படாதே தம்பி… விளக்கம் சொல்கிறேன்…’
என்றவர், ஒவ்வொரு விஷயத்தையும் விளக்கினார்.

‘நீங்கள் தவறான வழிகளில் சென்றால், தந்தை
மனமுடைந்து, கடுஞ்சொல் உரைப்பார்.
‘அப்பா சொல்லும்படியாக ஏனப்பா நடந்து
கொள்கிறாய்?’ எனத் தாய் கூறுவாள்.
இதை உணர்ந்து நடந்து கொள்ளுங்கள்.

‘தாயின் செலவுக்கு பணம் தராதே என்பது, நீங்கள்
சம்பாதிக்கும் நிலை வரும்போது, தாயின்
செலவுக்கென்று தனியே பணம் தராமல், சம்பாதிக்கும்
மொத்தப் பணத்தையும் தாயிடம் கொடுத்து விடுங்கள்.
உங்கள் நலம் ஓங்க, தாய், உங்களைப் பாதுகாப்பாள்.

‘உட்கார்ந்து சாப்பிடாதே என்றால், சோம்பேறியாக,
மற்றவர் கையை எதிர்பார்த்து வாழாதே…
உழைத்து உண்; -ஓங்கி வாழ்வாய்…

‘படுத்து துாங்காதே என்றால், உழைக்காதவர்கள்
படுக்கையில் படுத்து, துாக்கம் வராமல் வேதனைப்படுவர்.
உழைப்பவர்களுக்கு, படுக்கைக்குச் செல்லும் முன்பே
கண் மயக்கம் வந்து விடும்.

அப்படி வாழுங்கள்… இதுதான் அதன் பொருள்…’
என்று விளக்கினார்!
–
——————————-
அந்துமணி பா.கே.ப (வாரமலர்)

SK · SK Tue Oct 02, 2018 3:57 pm

நல்ல விளக்கம்

நான் கூட தலைப்பை பார்த்து தப்பா நினைத்தேன்

தாயின் செலவுக்குப் பணம் கொடுக்காதே…!

தாயின் செலவுக்குப் பணம் கொடுக்காதே…!

Re: தாயின் செலவுக்குப் பணம் கொடுக்காதே…!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக