தீய பழக்கங்களை கைவிடுங்கள்!

தீய பழக்கங்களை கைவிடுங்கள்!
* சித்தர் என்பவர் வினைகள்
எல்லாவற்றையும் கடந்தவரும், மீண்டும் பிறவாநிலையை அடைந்தவரும், கடுமையான
ஒழுக்கநெறிகளைப் பின்பற்றுபவரும் ஆவார்.

* சமணத்துறவியர் உணவைக் கையில் பெற்றே உண்ண வேண்டும். உண்பதற்காக எந்த
கலயத்தையும் பயன்படுத்துதல் கூடாது. மேலும் தான் பெற்ற உணவை நின்று கொண்டே
புசிக்க வேண்டும்.

* ஒரு சமுதாயத்தில் வாழும் மக்கள் பெரும்பாலோருக்கு நன்மையும், இன்பமும்
தருகின்ற வாழ்க்கை முறைகளை ஒழுக்கநெறி என்று பெரியோர் போற்றுவர்.

* நல்ல ஞானம், நல்ல காட்சி, நல்ல ஒழுக்கம் இம்மூன்றும் மும்மணிகள் என்று
சிறப்பித்துக் கூறப்படும்.
* உயிர்கள் கணக்கில் அடங்காதவை.ஆயினும், அவை என்றும் அழியாதவையும் ஆகும்.
என்றும் நிலைத்து இருக்கும் இவ்வுயிர்களைக் கடவுள் படைக்கவும் இல்லை.

* தீய எண்ணம், தீயசொல், தீயசெயல் இம்மூன்றாலும் நரகப்பிறப்பு,
விலங்குப்பிறப்பு எய்தி அளவிலாத்துன்பங்களை உயிர்கள் அடைகின்றன.

* உயிர்கள் என்றும் தான் செய்த வினையின் பயன்களைத் துய்த்தே ஆக வேண்டும்.
ஒரு பிறவியில் செய்த தீவினை மறுமையில் தொடர்ந்து வந்து தீமையை உண்டாக்கும்.
அதேபோல், நல்வினையும் மறுமையில் இன்பத்தைத் தரும்.

* அறநெறி என்பது நல்லநெறியில் வாழ்ந்து, அவ்வழியில் பொருள் ஈட்டி,
அறஇன்பங்களைத் துய்ப்பதாகும். அறம், பொருள், இன்பம் மூன்றும் ஒன்றுக்கொன்று
தொடர்புடையனவாகும்.

* கள், மது, ஊன் இம்மூன்றையும் உண்ணக்கூடாது. இப்பழக்கங்கள் நம்மிடம் உள்ள
எல்லா நல்லொழுக்கங்களையும் கெடுத்துவிடும்.

* இல்லறத்தானாக இருந்தாலும் தியானம், ஜபம் நாள்தோறும் கருத்துடன் செய்ய
வேண்டும். நம்மிடையே உண்டாகும் வினைப்பதிவினைப் போக்குவதற்கு தியானம், ஜபம்
போன்றவை உதவி செய்கின்றன.

இது இல்லாத மனிதன்