சபரிமலையில் ஐப்பசி மாதம் இளம்பெண்கள் தரிசனம் செய்யலாம்

by **ayyasamy ram** Mon Oct 01, 2018 10:46 am

திருவனந்தபுரம்:

உச்சநீதிமன்ற தீர்ப்பை தொடர்ந்து ஐப்பசி மாத
நடைதிறப்பு நாளில் இருந்து சபரிமலையில்
இளம்பெண்கள் தரிசனம் செய்யலாம் என்பது
பெண்களிடையே மகிழ்ச்சியை ஏற்படுத்தியுள்ளது.
-
சபரிமலை ஐயப்பன் கோயிலில் பெண்கள் அனைவரையும்
அனுமதிக்க வேண்டும் என்று உச்சநீதிமன்றம் நேற்று
பரபரப்பு தீர்ப்பளித்தது.

ஆனால் இதற்கு சபரிமலை கோயில் தந்திரி கண்டரர்
ராஜீவரர், கேரள முன்னாள் முதல்வர் உம்மன்சாண்டி
எதிர்கட்சி தலைவர் ரமேஷ் சென்னித்தலா மற்றும்
பல்வேறு இந்து அமைப்புகள் கடும் எதிர்ப்பு
தெரிவித்துள்ளன.

இந்தநிலையில் நீதிமன்ற உத்தரவு ஏமாற்றம் அளிக்கின்ற
போதிலும், உத்தரவை அமல்படுத்த நடவடிக்கை
மேற்கொள்ளப்படும் என்று திருவிதாங்கூர் தேவஸம்போர்டு
தலைவர் பத்மகுமார் கூறியுள்ளார்.

இதற்கிடையே உச்சநீதிமன்ற உத்தரவை தொடர்ந்து
இன்று முதல் இளம்பெண்கள் சபரிமலை செல்ல எந்த
தடையும் இல்லை.

தற்போது சபரிமலை கோயில் நடை புரட்டாசி மாத
பூஜைகளுக்கு பின்னர் சாத்தப்பட்டுள்ளது.

ஐப்பசி மாத பூஜைகளுக்காக அக்டோபர் 17ம் தேதி நடை
திறக்கப்படும். அன்று முதல் சபரிமலைக்கு இளம்பெண்கள்
செல்லலாம் என்பதால் இளம்பெண்கள் மகிழ்ச்சி
அடைந்துள்ளனர்.

உச்சநீதிமன்ற உத்தரவை தொடர்ந்து போலீசாரால்
சபரிமலை செல்லும் இளம்பெண்களை தடுக்க முடியாது.

ஆனால் பெண்களுக்கு தேவையான எந்த வசதிகளும்
இதுவரை செய்யப்படவில்லை.

இந்த வசதிகளை உடனடியாக செய்தால் மட்டுமே
பெண்கள் எளிதில் சென்று வர முடியும் என்பது
குறிப்பிடத்தக்கது.
-
----------------------------
தினகரன்

by சிவனாசான் Mon Oct 01, 2018 8:53 pm

அரகரா என்பவனக்கு பாரமா அமுது அளிப்பவனுக்கு பாரமா என்னங்க இது. பெண்களுக்கு என என்ன ஏற்பாடு செய்யனும் ஆண்களோடு பெண்களும் சரிசமமாக சென்று வரவேண்டியதுதானே >>>>>>>>>>>>>

by **krishnaamma** Mon Oct 01, 2018 10:43 pm

//ஐப்பசி மாத பூஜைகளுக்காக அக்டோபர் 17ம் தேதி நடை
திறக்கப்படும். அன்று முதல் சபரிமலைக்கு இளம்பெண்கள்
செல்லலாம் என்பதால் இளம்பெண்கள் மகிழ்ச்சி
அடைந்துள்ளனர்.//

மீதி எல்லா கோவிலும் சேவித்துவிட்டார்கள்.... இது ஒன்று தான் பாக்கியா?????

by Sponsored content

சபரிமலையில் ஐப்பசி மாதம் இளம்பெண்கள் தரிசனம் செய்யலாம்

சபரிமலையில் ஐப்பசி மாதம் இளம்பெண்கள் தரிசனம் செய்யலாம்

Re: சபரிமலையில் ஐப்பசி மாதம் இளம்பெண்கள் தரிசனம் செய்யலாம்

Re: சபரிமலையில் ஐப்பசி மாதம் இளம்பெண்கள் தரிசனம் செய்யலாம்

Re: சபரிமலையில் ஐப்பசி மாதம் இளம்பெண்கள் தரிசனம் செய்யலாம்