10 ஆண்டுகளுக்கு பின் புத்துயிர் பெறும் இந்தியா-பிரான்ஸ் அணுசக்தி ஒப்பந்தம்

மின் உற்பத்திக்காக இந்தியா - பிரான்ஸ் இடையே
அணு ஒப்பந்தம் கையெழுத்தாகி 10 ஆண்டுகள் கடந்துவிட்ட
நிலையில், அத்திட்டத்தில் தற்போது பெயரளவுக்கு பலன்
கிடைக்க தொடங்கியிருப்பதாக அதிகாரிகள் தெரிவித்தனர்.

இதுதொடர்பாக அதிகாரிகள் கூறியதாவது:

அணுசக்தியை அமைதி வழியில் பயன்படுத்துவது
தொடர்பாக ஒத்துழைப்பு அளிப்பது என இந்தியா - பிரான்ஸ்
இடையே கடந்த 2008-ஆம் ஆண்டு செப்டம்பர் 30-ஆம் தேதி
ஒப்பந்தம் கையெழுத்தானது.

மகாராஷ்டிர மாநிலம், ஜெய்தாபூரில் அணுமின் உற்பத்தி
நிலையம் அமைப்பதை முதன்மையான நோக்கமாகக்
கொண்டுதான் அந்த ஒப்பந்தம் செய்யப்பட்டது.

அங்கு தலா 1,650 மெகாவாட் மின் உற்பத்தி திறனுடன்
6 அலகுகள் கொண்ட அணுமின் நிலையத்தை அமைத்து,
அதன் மூலமாக 9,900 மெகாவாட் மின் உற்பத்தி செய்ய
திட்டமிடப்பட்டது.

அவ்வாறு அமையும் பட்சத்தில், நாட்டிலேயே மாபெரும்
அணுமின் நிலையமாக அது திகழும் என்று கருதப்பட்டது.

ஆனால், உள்ளூர் மக்களிடம் இருந்து அத்திட்டத்துக்கு கடும்
எதிர்ப்பு கிளம்பியது. குறிப்பாக, கடந்த 2011-ஆம் ஆண்டு
ஏப்ரல் மாதம், போராட்டக்காரர்களுக்கு எதிராக காவல்
துறையினர் துப்பாக்கிச்சூடு நடத்தியதில் ஒருவர்
உயிரிழந்தார்.

அதைத்தொடர்ந்து காவல் நிலையத்துக்கு போராட்டக்காரர்கள்
தீ வைத்தனர்.

நிலம் கையகப்படுத்தப்பட்ட நிலையில், ஜெய்தாபூர்
அணுமின் நிலையத்திட்டம் செயல்படுத்தப்படாமலேயே
இருந்தது. இத்தனைக்கும், இந்திய-அமெரிக்க அணுசக்தி
ஒப்பந்தத்துக்கு முன்பே கையெழுத்திடப்பட்ட ஒப்பந்தம்
இதுவாகும். இ

இந்தியா - பிரான்ஸ் ஒப்பந்தம் கையெழுத்தாகி
10 ஆண்டுகள் கடந்துவிட்டன.
ஜெய்தாபூர் அணுமின் நிலையத்திட்டத்துக்கு மத்திய சுற்றுச்
சூழல் அமைச்சகம் அனுமதி கொடுத்துவிட்டது.

தொடக்கத்தில் இத்திட்டம் தொடர்பாக பிரான்ஸ் நாட்டின்
அரேவா நிறுவனத்துடன்தான் பேச்சுவார்த்தை நடத்தப்பட்டது.
கடந்த ஆண்டு அந்த நிறுவனம் நிதி நெருக்கடிகளை சந்தித்த
நிலையில், ஈடிஎஃப் என்ற நிறுவனம் அதை கையகப்படுத்தியது.

இதனால், தற்போது இந்தியாவுடன் மீண்டும் பேச்சுவார்த்தை
தொடங்கியுள்ளது. இதையடுத்து, அணுமின் நிலையம்
அமைப்பதற்கு முன்பாக, மாதிரி நிலையம் ஒன்றை ஈடிஎஃப்
நிறுவனம் முன்வந்துள்ளது.

முன்னதாக, கடந்த 2008-2010 வரையிலான காலகட்டத்தில்
300 மெட்ரிக் டன் அளவிலான யுரேனிய தாதுவை
இந்தியாவுக்கு பிரான்ஸ் வழங்கியது.

அது உள்நாட்டில் ஏற்கெனவே இயங்கி வரும் அணு
உலைகளுக்கு மிகவும் பயனுள்ளதாக அமைந்தது என்று
அதிகாரிகள் தெரிவித்தனர்.
-
-------------------------------
தினமணி