ரூ.2,500 கோடியில் ஏர்போர்ட் புதிய முனையம் : விமான நிலைய இயக்குனர் தகவல்

சென்னை:
''சென்னை சர்வதேச விமான நிலையத்தில், பழைய விமான
நிலையத்தை இடித்துவிட்டு, 2,500 கோடி ரூபாயில், புதிய
முனையம் கட்டும் பணிகள், 45 மாதங்களில் முடியும்,'' என,
விமான நிலைய இயக்குனர் சந்திரமவுலி தெரிவித்தார்.



இது குறித்து, சென்னையில் நேற்று அவர் கூறியதாவது:

சென்னை விமான நிலையத்தில், பன்னாட்டு வருகைக்காக
துவக்கப்பட்ட முனையம் - 3, பயணியர் எண்ணிக்கை
அதிகரித்ததை தொடர்ந்து, பன்னாட்டு புறப்பாடு முனையமாக
மாற்ற, முடிவு செய்யப்பட்டது.

இதன் பணிகள், இறுதி கட்டத்தை எட்டியுள்ளன. அக்., இறுதியில்
செயல்பாட்டிற்கு கொண்டு வர திட்டமிடப்பட்டுள்ளது.விமான
நிலைய இரண்டாம் கட்ட விரிவாக்க திட்டத்தில், பழைய விமான
நிலையத்தை இடித்து, அதில், புதிய முனையம் கட்டுவதற்கான
பணிகள் துவங்கப்பட்டுள்ளன.

மொத்தம், 2,500 கோடி ரூபாயில் துவங்கப்பட்டுள்ள இந்த
பணிகளை, 45 மாதங்களில் முடிக்க திட்டமிடப்பட்டுள்ளது.
இந்த புதிய முனையத்தில், நவீன தொழில்நுட்பத்திலான
கண்ணாடிகள் பொருத்தப்பட உள்ளன. விமானங்களை
நிறுத்துவதற்கு ஏதுவாக, பல்வேறு பணிகள் மேற்கொள்ளப்பட
உள்ளன.

இதற்காக, தினமும் நண்பகல், 12:00 மணி முதல் மாலை, 6:00 மணி
வரை, பிரதான ஓடுபாதை மூடப்பட உள்ளது.இந்நேரத்தில்,
இரண்டாவது ஓடுபாதை பயன்படுத்தப்படும்.

இந்தப் பணிகள் முடிந்த பின், தற்போது நிறுத்தப்படும்
விமானங்களின் எண்ணிக்கை, 86லிருந்து, 126 ஆக உயரும்.
பயணியர் எண்ணிக்கை உயர்வால், தற்போது, நாள் ஒன்றுக்கு,
500 விமானங்கள், சென்னை விமான நிலையத்தில் கையாள
ப்படுகிறது.

இது மிகப்பெரிய சாதனையாகும். இதே போன்று, ஒரு மணி
நேரத்தில் கையாளப்படும் விமானங்களின் எண்ணிக்கை,
36லிருந்து, 42 ஆக உயர்ந்துள்ளது.விமான பயணியரை
இறக்கிவிட வரும் கார்கள், கட்டணமின்றி மூன்று நிமிடம்
நிறுத்த, அனுமதி வழங்கப்படுகிறது.

அதற்கு மேல் நிறுத்தினால், அபாரதம் விதிக்கப்படும்.
உள்நாடு மற்றும் பன்னாட்டு முனையங்களுக்கு வழியனுப்ப
வரும் வாகனங்களுக்கு, தனிவழி அமைக்கப்பட்டுள்ளது.
இவ்வாறு சந்திரமவுலி தெரிவித்தார்.
-
------------------------------------
தினமலர்

சென்னை விமான நிலையம் ரூ.2476 கோடி செலவில் நவீனப்படுத்தப்பட்டு விரிவாக்கம் செய்யப்படவுள்ளது. இதன் புதிய தோற்றம் ????

இதன் கட்டுமானத்தை L & T நிறுவனம் மேற்கொள்கிறது. 2021ம் ஆண்டின் மத்தியில் இந்த புதிய முனையம் செயல்பாட்டிற்கு வரும்.

தற்போதிருக்கும் காமராசர் உள்நாட்டு பயணிகள் முனையம் , அண்ணா பன்னாட்டு முனையத்தின் பழைய கட்டிடங்கள் இடிக்கப்படும். அதன்பிறகு அந்த இடத்தில் புதிய முனையம் கட்டப்பட்டவிருக்கிறது.
புதிதாக கட்டப்படும் கட்டிடம் பன்னாட்டு முனையமாக செயல்படும்.

இப்போதுள்ள புதிய உள்நாட்டு முனையமும், பன்னாட்டு முனையமும், புதிய முனையத்துக்கு இருபுறமும் உள்நாட்டு முனையங்களாக மாற்றப்படும்.

நடுவில் சர்வதேச முனையம் அதன் இரு பக்கங்களிலும் உள்நாட்டு முனையம் அமையும். இந்த மூன்றும் பயணிகள் எளிதாக கடந்து செல்லும் வகையில் இணைக்கப்படும்.

#ChennaiAirport

நண்பர் முகநூல் பதிவு

நல்ல செய்திதான்
இருப்பினும் கூரையில் ஒட்டப்படும் கண்ணாடி பேனல்கள்
உடைந்து விழாத தரமாக இருக்கவேண்டுமென கேட்டுக்கொள்கிறேன்.
ரமணியன்