லிட்டன் தாஸ் சதம்: 222 ரன்களுக்கு ஆட்டமிழந்தது வங்கதேசம்

**ayyasamy ram** · **ayyasamy ram** Fri Sep 28, 2018 9:11 pm

-
ஆசியக் கோப்பை இறுதிப் போட்டியில் முதலில் பேட்
செய்த வங்கதேச அணி 48.3 ஓவர்கள் முடிவில்
222 ரன்களுக்கு ஆட்டமிழந்தது.

இந்தியா, வங்கதேசம் அணிகளுக்கிடையிலான ஆசியக்
கோப்பை இறுதிப் போட்டி துபையில் நடைபெற்று
வருகிறது. டாஸ் வென்ற இந்திய அணியின் கேப்டன்
ரோஹித் சர்மா முதலில் பந்துவீச்சை தேர்வு செய்தார்.

வங்கதேச அணியின் தொடக்க ஆட்டக்காரர்களாக
லிட்டன் தாஸ் மற்றும் மெஹதி ஹாசன் களமிறங்கினர்.
அந்த அணியின் இந்த புது ஜோடி இந்திய அணிக்கு
நெருக்கடி கொடுத்தது.

மெஹதி ஹாசன் நிதானம் காட்ட, லிட்டன் தாஸ்
மறுமுனையில் அதிரடி மிரட்டினார். அதனால், அந்த
அணி 17.5 ஓவர்களிலேயே விக்கெட் இழப்பின்றி
100 ரன்களை எட்டியது.

ஜாதவ் திருப்புமுனை:

இந்திய அணியின் அனைத்து பந்துவீச்சாளர்களும்
பந்துவீசி விக்கெட் வீழ்த்த முடியாததால் பந்தை
கேதார் ஜாதவிடம் கொடுத்தார் ரோஹித் சர்மா.

அதற்கேற்றவாறு கேதார் ஜாதவ் தனது முதல்
ஓவரிலேயே 32 ரன்கள் எடுத்திருந்த மெஹதி ஹாசனை
வீழ்த்தினார். இதையடுத்து, அந்த அணி வரிசையாக
விக்கெட்டுகளை பறிகொடுக்க தொடங்கியது.

கெய்ஸ் 2, ரஹீம் 5, மிதுன் 2, மஹமதுல்லா 4 என சொற்ப
ரன்களில் ஆட்டமிழந்து ஏமாற்றினார். ஒரு புறம்
விக்கெட்டுகள் சரிந்தாலும், மறுமுனையில் பொறுப்பாக
விளையாடிய லிட்டன் தாஸ் சதம் அடித்து நம்பிக்கை
அளித்தார். அவர் 121 ரன்கள் எடுத்திருந்தபோது
குல்தீப் யாதவ் பந்தில் ஆட்டமிழந்தார்.

கடைசிக் கட்டத்தில் சௌமியா சர்க்கார் மட்டும்
33 ரன்கள் எடுத்து ஓரளவு ஆறுதல் அளிக்க அந்த
அணி 200 ரன்களை கடந்தது.

இதையடுத்து, அந்த அணி 48.3 ஓவர்கள் முடிவில்
222 ரன்கள் எடுத்து ஆட்டமிழந்தது. இந்திய அணியின்
சார்பில் குல்தீப் 3 விக்கெட்டுகளையும், கேதார் ஜாதவ்
2 விக்கெட்டுகளையும், சாஹல் மற்றும் பும்ரா தலா
1 விக்கெட்டையும் வீழ்த்தினர்.

இதன்மூலம், இந்திய அணியின் வெற்றிக்கு 223 ரன்கள்
இலக்காக நிர்ணயிக்கப்பட்டது.
-
---------------------------
தினமணி

**T.N.Balasubramanian** · **T.N.Balasubramanian** Sat Sep 29, 2018 9:23 am

கடைசி பால் வரை திக் திக் தான்.
மறுபடியும் டை யாகுமோ என நினைத்தேன்.
ரமணியன்

**ayyasamy ram** · **ayyasamy ram** Sat Sep 29, 2018 1:13 pm

கடைசி ஓவரில் 6 ரன்கள் தேவை.
குல்தீப் யாதவ் ஸ்ட்ரைக்கில் இருந்தார். கடைசி ஓவரை
மஹ்முதுல்லா வீசினார்

குல்தீப் முதல் பந்தை லாங் ஆஃபில் அடித்து சிங்கிள் எடுத்தார்.
பல்டரை முன்னால் கொண்டு வந்து நெருக்கியிருக்க வேண்டும்,
செய்யவில்லை.

மீண்டும் ஜாதவ் பந்தைத் தட்டி விட்டு சிங்கிள் எடுத்து
குல்தீப்பிடம் ஸ்ட்ரைக் வர இந்திய ரசிகர்களுக்கு திக் திக் கணம்.

ஆனால் குல்தீப் யாதவ் ஒரு ஸ்லாக் ஸ்வீப் அடித்து 2 ரன்களை
எடுத்தார். அடுத்த பந்து ரன் வரவில்லை. அடுத்த பந்தை
மீண்டும் ஒரு சுற்று சுற்றினார் சிக்கவில்லை கால்காப்பில்
பட்டு கீப்பருக்கு அருகில் செல்ல ஒரு ரன்னை அதற்குள்
எடுத்து ஜாதவ்விடம் மீண்டும் ஸ்ட்ரைக் வந்தது.

கடைசி பந்து பிளிக் ஷாட்டை ஜாதவ் மட்டையில் தொட
முடியவில்லை கால்காப்பில் பட்டு பைன் லெக்கில் செல்ல
ஒரு ரன், அதுவே வெற்றி ரன். வெற்றி ரன் லெக்பை முறையில்
இதற்கு முன்னர் வந்துள்ளதா என்பது சுவாரசியமான புள்ளி
விவர ஆய்வாக இருக்கும்.

இந்திய அணி வெற்றி பெற்று ஆசியக் கோப்பையை
7வது முறையாகக் கைப்பற்றியது.

கேதார் ஜாதவ் 27 பந்துகளில்
23 ரன்கள் நாட் அவுட். குல்தீப் 5 நாட் அவுட். லிட்டன் தாஸ்
ஆட்ட நாயகன், ஷிகர் தவண் தொடர் நாயகன்.

உண்மையில் ஆட்ட நாயகன் விருதை கேதார் ஜாதவுக்கு
கொடுத்திருக்கலாம். ஏனெனில் வங்கதேச சதக்கூட்டணியை
உடைத்தவரும் அவரே முக்கிய விக்கெட்டான
முஷ்பிகுர் ரஹீமை பெவிலியன் அனுப்பியவரும் அவரே,
கடைசியில் பேட்டிங்கில் இந்திய அணியை வெற்றிக்கு
இட்டுச் சென்றவரும் அவரே.

**T.N.Balasubramanian** · **T.N.Balasubramanian** Sat Sep 29, 2018 1:48 pm

கடைசி பந்து பிளிக் ஷாட்டை ஜாதவ் மட்டையில் தொட
முடியவில்லை கால்காப்பில் பட்டு பைன் லெக்கில் செல்ல
ஒரு ரன், அதுவே வெற்றி ரன். வெற்றி ரன் லெக்பை முறையில்
இதற்கு முன்னர் வந்துள்ளதா என்பது சுவாரசியமான புள்ளி

லெக் பை மூலம் ODI இல் வெற்றி வந்ததாக நினைவில்லை.

ரமணியன்

SK · SK Sat Sep 29, 2018 8:47 pm

T.N.Balasubramanian wrote:கடைசி பால் வரை திக் திக் தான்.
மறுபடியும் டை யாகுமோ என நினைத்தேன்.
ரமணியன்

மேற்கோள் செய்த பதிவு: 1279715
ஆமோதித்தல்

**T.N.Balasubramanian** · **T.N.Balasubramanian** Sat Sep 29, 2018 8:57 pm

தோனியின் 1.6 செகண்ட்ஸ் ஸ்டம்பிங் ஆச்சர்யம்
மின்னலென வேகம் .
மிகவும் ரசித்தேன் .
ரமணியன்

**ayyasamy ram** · **ayyasamy ram** Sat Sep 29, 2018 9:29 pm

சர்வதேச போட்டிகளில் 800 ஸ்டம்பிங் -
டோனி புதிய சாதனை
-
லிட்டன் தாஸ் சதம்: 222 ரன்களுக்கு ஆட்டமிழந்தது வங்கதேசம் SB8OCZbiTdmzrCm3mZCN+201809291118488440_1_MSDhoni2._L_styvpf

லிட்டன் தாஸ் சதம்: 222 ரன்களுக்கு ஆட்டமிழந்தது வங்கதேசம் SB8OCZbiTdmzrCm3mZCN+201809291118488440_1_MSDhoni2._L_styvpf

-
ஆசியக் கோப்பை இறுதிப்போட்டியில் 2 பேட்ஸ்மேன்களை
டோனி ஸ்டம்பிக் செய்து அவுட் ஆக்கியதன் மூலம் சர்வதேச
போட்டிகளில் 800 ஸ்டம்பிங் செய்து புதிய சாதனையை
எட்டியுள்ளார்
--
இது ஆசிய அளவில் அதிக ஸ்டம்பிங் ஆகும்.
சர்வதேச அளவில் மூன்றாம் இடத்தைப் பிடித்துள்ளார்.

சர்வதேச அளவில் அதிக ஸ்டம்பிங்குடன் (998) தென்
ஆப்பிரிக்க வீரர் மார்க் பவுச்சர் முதலிடத்தில் உள்ளார்.

ஆஸ்திரேலிய வீரர் ஆடம் கில்கிறிஸ்ட் 905 ஸ்டம்பிங்குடன்
இரண்டாம் இடத்தில் உள்ளார்.
-
-----------------------------
மாலைமலர்

Sponsored content · Sponsored content

லிட்டன் தாஸ் சதம்: 222 ரன்களுக்கு ஆட்டமிழந்தது வங்கதேசம்

லிட்டன் தாஸ் சதம்: 222 ரன்களுக்கு ஆட்டமிழந்தது வங்கதேசம்

Re: லிட்டன் தாஸ் சதம்: 222 ரன்களுக்கு ஆட்டமிழந்தது வங்கதேசம்

Re: லிட்டன் தாஸ் சதம்: 222 ரன்களுக்கு ஆட்டமிழந்தது வங்கதேசம்

Re: லிட்டன் தாஸ் சதம்: 222 ரன்களுக்கு ஆட்டமிழந்தது வங்கதேசம்

Re: லிட்டன் தாஸ் சதம்: 222 ரன்களுக்கு ஆட்டமிழந்தது வங்கதேசம்

Re: லிட்டன் தாஸ் சதம்: 222 ரன்களுக்கு ஆட்டமிழந்தது வங்கதேசம்

Re: லிட்டன் தாஸ் சதம்: 222 ரன்களுக்கு ஆட்டமிழந்தது வங்கதேசம்

Re: லிட்டன் தாஸ் சதம்: 222 ரன்களுக்கு ஆட்டமிழந்தது வங்கதேசம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக