அமெரிக்கா அளித்த அடுத்த அதிர்ச்சி: ரஷிய ஆயுதங்களை வாங்கியதற்காக சீனா மீது பொருளாதாரத் தடை!

ரஷியாவிடமிருந்து அதிநவீன போர் விமானங்கள் மற்றும்
வான் பாதுகாப்பு ஏவுகணைகளை வாங்கியதற்காக
சீனா மீது பொருளாதாரத் தடைகளை விதிப்பதாக
அமெரிக்கா அறிவித்துள்ளது.

ஏற்கெனவே, சீனாவிலிருந்து இறக்குமதியாகும் பொருள்கள்
மீது அமெரிக்கா கூடுதல் வரி விதித்து வருவதால் இரு
நாடுகளுக்கும் இடையே வர்த்தகப் போர் ஏற்படும் என்ற
அச்சம் நிலவி வரும் சூழலில்,

அமெரிக்காவின் தற்போதைய அறிவிப்பு இரு நாடுகளுக்கும்
இடையிலான உறவில் மேலும் பதற்றத்தை ஏற்படுத்தியுள்ளது.

விமானம் தாங்கிக் கப்பல்கள், பீரங்கி வாகனங்கள்,
புதிய தலைமுறை போர் விமானங்கள், ஏவுகணைகள்
உள்ளிட்ட அதிநவீன ராணுவ தளவாடங்களின் உற்பத்தியில்
சீனா தன்னிறைவு அடைந்து வருகிறது.

எனினும், தனது ராணுவ கூட்டாளியான ரஷியாவிடமிருந்து,
உயர் தொழில்நுட்பத் தளவாடங்களை கொள்முதல்
செய்வதிலும் சீனா ஆர்வம் காட்டி வருகிறது.

அந்த வகையில், உலகின் தலைசிறந்த போர் விமானங்களில்
ஒன்றாகக் கருதப்படும் சுகோய்-35 ரகத்தைச் சேர்ந்த
10 விமானங்களை ரஷியாவிடமிருந்து சீனா அண்மையில்
வாங்கியது.

மேலும், எதிரிகளின் ஏவுகணைகளை இடைமறித்து அழிக்க
வல்ல ரஷியாவின் அதிநவீன எஸ்-400 ரக ஏவுகணையும்
சீனா வாங்கியது.

நாட்டின் ராணுவத் தொழில்நுட்பங்களை மேம்படுத்துவதற்காக,
சீன அதிபர் ஷி ஜின்பிங்கின் தலைமையில் கடந்த 2016-ஆம்
ஆண்டு உருவாக்கப்பட்ட தளவாட மேம்பாட்டுத் துறை'
(இடிடி) மூலம் இந்த விமானங்களும், ஏவுகணைகளும்
ரஷியாவிடமிருந்து வாங்கப்பட்டன.

இந்த நிலையில், இந்தக் கொள்முதல் தங்களது அமெரிக்க
எதிர்ப்பாளர்களை தடைகள் மூலம் எதிர்கொள்ளும்'
(சிஏஏடிஎஸ்ஏ) சட்டத்தை மீறுவதாகக் கூறி, இடிடி' அமைப்பின்
மீது பொருளாதாரத் தடை விதிக்கப்படுவதாக அமெரிக்கா
வியாழக்கிழமை அறிவித்தது.

மேலும், இது தொடர்பாக இடிடி' அமைப்பின் இயக்குநர்
லீ ஷாங்ஃபூ மீதும் பொருளாதாரத் தடைகள் விதிக்கப்படுவதாக
அமெரிக்க வெளியுறவுத் துறை அமைச்சகம் தெரிவித்தது.

அமெரிக்கா குறிப்பிடும் சிஏஏடிஎஸ்ஏ' சட்டம், உக்ரைன்
உள்நாட்டுப் போரின்போது அந்த நாட்டின் அங்கமாக இருந்த
கிரைமியாவை ரஷியா தன்னுடன் இணைத்துக் கொண்டதைக்
கண்டித்து, அமெரிக்காவால் கடந்த ஆண்டு இயற்றப்பட்டது.

இந்தச் சட்டத்தைப் பயன்படுத்தி, அமெரிக்காவால்
பொருளாதாரத் தடை விதிக்கப்படும் ரஷியா அல்லாத முதல்
நாடு சீனா என்பது குறிப்பிடத்தக்கது.
-
----------------------------

தடையால் என்னவாகும்?
-
ரஷியாவிடமிருந்து சுகோய்-35 விமானங்கள் மற்றும்
எஸ்-400 ரக ஏவுகணைகளை வாங்கிய சீனாவின் இடிடி'
அமைப்பின் மீது அமெரிக்கா விதித்துள்ள தடையால்,
அந்த அமைப்பு வெளிநாடுகளுக்கு ராணுவ
தளவாடங்களை ஏற்றுமதி செய்வதற்கான உரிமங்கள்
இனி மறுக்கப்படும்.

மேலும், அமெரிக்க அதிகாரத்துக்குள்பட்ட பகுதிகளில்
இடிடி' அமைப்பால் அந்நிய செலாவணிப் பரிமாற்றங்களை
மேற்கொள்ள முடியாது.

மேலும், அமெரிக்காவைத் தளமாகக் கொண்ட நிதிப்
பரிமாற்ற வசதிகளை அந்த அமைப்பு பயன்படுத்த முடியாது.

அதேபோல், இடிடி' அமைப்பின் இயக்குநர் லீ லாங்ஃபூவும்
அமெரிக்க நிதிப் பரிமாற்ற வசதிகளையோப் பெறவோ,
அமெரிக்க அதிகாரத்துக்குள்பட்ட பகுதிகளில் அந்நியச்
செலாவணிப் பரிமாற்றங்களை செய்யவோ முடியாது.

மேலும், அமெரிக்கா வருவதற்கு அவருக்கு அனுமதி
மறுக்கப்படும்.
-
-----------------------------------

விளைவுகளை சந்திக்க வேண்டியிருக்கும்
-

-

ரஷியாவிடமிருந்து ராணுவ தளவாடங்களைக் கொள்முதல்
செய்ததற்காக அமெரிக்கா விதித்துள்ள பொருளாதாரத்
தடைகளை உடனடியாகத் திரும்பப் பெறாவிட்டால் அந்த
நாடு கடுமையான விளைவுகளைச் சந்திக்க வேண்டியிருக்கும்
என்று சீனா எச்சரித்துள்ளது.

இதுகுறித்து சீன வெளியுறவுத் துறை அமைச்சக செய்தித்
தொடர்பாளர் கெங் ஷுவாங் செய்தியாளர்களிடம்
வெள்ளிக்கிழமை கூறியதாவது:

ராணுவ தளவாடக் கொள்முதல் தொடர்பாக சீனா மீது
அமெரிக்கா விதித்துள்ள அர்த்தமற்ற தடையை வன்மையாகக்
கண்டிக்கிறோம்.

உலகின் இரு நாடுகள், சர்வதேச சட்டங்களுக்குள்பட்டு
தங்களுக்கு இடையே ராணுவ ரீதியிலான ஒத்துழைப்பை
மேற்கொள்வதற்கான உரிமையை இந்தத் தடை பறிக்கிறது.

இந்தத் தவறை உணர்ந்து, அமெரிக்கா உடனடியாக
அதனைத் திரும்பப் பெற வேண்டும். இல்லையென்றால்,
அதற்கான அனைத்து பின்விளைவுகளையும் அந்த நாடு
சந்திக்க வேண்டியிருக்கும் என்றார் அவர்.
-
--------------------

-

நெருப்போடு விளையாடாதீர்கள்!
--
தங்கள் மீதும், சீனா மீதும் பொருளாதாரத் தடைகளை
விதிப்பது, நெருப்போடு விளையாடுவதற்கு ஒப்பானது
என்று அமெரிக்காவை ரஷியா எச்சரித்துள்ளது.

இதுகுறித்து ரஷிய வெளியுறவுத் துறை இணையமைச்சர்
செர்கெய் ரியப்கோவ் வெள்ளிக்கிழமை வெளியிட்டுள்ள
அறிக்கையில் தெரிவிக்கப்பட்டுள்ளதாவது:

உலக ஸ்திரன்மை என்று ஒரு விஷயம் இருப்பதை
அமெரிக்கா நினைவில் வைத்துக் கொள்ள வேண்டும்.

இதுபோன்ற பொருளாதாரத் தடைகளை அமெரிக்கா
விதிப்பதன் மூலம் அந்த நாட்டுக்கும், ரஷியாவுக்கும்
இடையே பதற்றம் ஏற்படும் என்பதையும், அதனால்
உலக ஸ்திரத் தன்மை பாதிக்கப்படும் என்பதையும்
அந்த நாடு உணர்ந்து கொள்ள வேண்டும்.

இதுபோன்ற தன்னிச்சையான பொருளாதாரத்
தடைகளை விதிப்பதன் மூலம் அமெரிக்கா நெருப்போடு
விளையாடுகிறது. நெருப்போடு விளையாடுவது
மேலோட்டமாகப் பார்த்தால் குழந்தைத்தனமாகத்
தோன்றலாம்.

ஆனால், அது மிகவும் ஆபத்தான செயலாகும் என்று
அவர் எச்சரித்தார்.
-
------------------------
தினமணி

சீனாவை அமெரிக்கா கட்டுப்படுத்த முடியாது, அமெரிக்காவை விட சர்வ வல்லமை படைத்தவர்கள் சீனர்கள். உலக நாடுகளை மிரட்டி அடிபணிய வைத்த அமெரிக்காவின் காலம் மலையேறிவிட்டது...

சைனா சக்தி அளவிடமுடியாதது.

ரமணியன்

https://eegarai.darkbb.com/t147514-topic#1275835

இந்தியா ரஷ்யவிடம் இருந்து ஆயுதங்கள் வாங்கிவில்லையா 

மிரட்டலுக்கு அடி பணிந்து விட்டதா நம் நாடு

https://eegarai.darkbb.com/t147514-topic#1275835

இந்தியா ரஷ்யவிடம் இருந்து ஆயுதங்கள் வாங்கிவில்லையா 

மிரட்டலுக்கு அடி பணிந்து விட்டதா நம் நாடு


அதை ஏன் கேட்கிறீர்கள் நண்பரே


நம் பாசமிகு
அஞ்சா நெஞ்சர்
56 அங்குல மார்பர் (தடை செய்யப்பட்ட சொல்லா)

ஈரான் கிட்ட எண்ணை வாங்காதே என்று சொன்னதும்
வடிவேலு ஸ்டைலில்
ஈரானா அப்படி ஒரு கன்ட்ரியைக் கேள்விப்பட்டது கூட கிடையாதே ...
என்று கூறும் துணிச்சல் காரர் ...

ரஷியா பக்கம் தலை வச்சிப் படுப்பதும் கூடக் கிடையாதே ...

   

aeroboy2000 wrote:

https://eegarai.darkbb.com/t147514-topic#1275835

இந்தியா ரஷ்யவிடம் இருந்து ஆயுதங்கள் வாங்கிவில்லையா 

மிரட்டலுக்கு அடி பணிந்து விட்டதா நம் நாடு


அதை ஏன் கேட்கிறீர்கள் நண்பரே


நம் பாசமிகு
அஞ்சா நெஞ்சர்
56 அங்குல மார்பர் (தடை செய்யப்பட்ட சொல்லா)

ஈரான் கிட்ட எண்ணை வாங்காதே என்று சொன்னதும்
வடிவேலு ஸ்டைலில்
ஈரானா அப்படி ஒரு கன்ட்ரியைக் கேள்விப்பட்டது கூட கிடையாதே ...
என்று கூறும் துணிச்சல் காரர் ...

ரஷியா பக்கம் தலை வச்சிப் படுப்பதும் கூடக் கிடையாதே ...

   

மேற்கோள் செய்த பதிவு: 1278716