ஏழாம் சுவர்க்கத்தில்

முனைவர் ப.குணசுந்தரி · 18/07/2015

தேர்வறையின் அமைதியில்
பெரிதாகக் கேட்டது.

உய்ய்.................. என ரீங்காரம்
வண்டுடையது அல்ல.

தேயிலை வெட்டுகிறார்கள்
ஆணும் பெண்ணுமாய்
இருவர் இருவராய்
கவாத்துக்கிடையில் சென்று.

பனி மேகங்கள் மூடியிருக்க
சிறு தூறலில் இளம்பச்சை வண்ணம்
இந்தக் குன்று மகளுக்குத் தான்
எத்தனை எத்தனை வகிடுகள்
அழகாய்.

ஏதும் உணராமல்
சிலிர்க்கும் காற்றில்
கருமமே கண்ணாய்
வெட்டிக் கொண்டிருக்கிறார்கள்
தன் வயிற்றுப்பாட்டிற்காக.

கைகளில் கிள்ளி
கத்தரிகளில் வெட்டி
காய்த்துப்போன கைகளில்
இன்று எந்திரம் பிடித்து
நடக்கிறார்கள்.

வெயிலொ ! மழையோ!
அட்டையோ! பாம்போ!
புலியோ! சிறுத்தையோ!
யானையோ! மாடோ !
எது வந்து போனால்தான் என்ன?

எதிர்காலம் அச்சுறுத்த
சாக்கைக் கட்டிக் கொண்டு
எப்பொழுதும் தயாராய்
இம்மக்கள்.

நகரத்தில்
மளிகைக் கடைகளினும்
வட்டிக் கடைகளே
மலிந்திருக்கின்றன.

ஞாயிறு ஓய்வு நாள்
கடைகளில் மொய்க்கும் மக்கள்
பொழுதை நெட்டித்தள்ள
சினிமா, மால் எனப் போக்கிடமில்லை.

வாரச்சந்தையில்
காலார நடந்து
ஒருவரை ஒருவர் கண்டு மலர்வதில்
கரைந்துவிடும் பொழுது.

இவர்களுக்கு
வேலையா இல்லை
வெளியிடங்களில்
இவ்வாழ்க்கைக்கு
ஊறிப்போனவர்கள்.

சிறியவரோ பெரியவரோ
ஐம்பதாயிரம் இழப்பீடு
கொடுத்துக் கொண்டிருக்கிறது
நிர்வாகம்.

ஆங்காங்கே
இருந்த சோலைகள்தான்
தேயிலைக் காடுகளாக
மாறிக் கொண்டிருக்கின்றன
இன்னமும்.

**T.N.Balasubramanian** · **T.N.Balasubramanian** Wed Sep 19, 2018 5:11 pm

தேயிலை கொய்பவர்கள் வாழ்க்கையை
இயற்கை அழகுடன் வர்ணித்து
ஈகரையில் இட்டதற்கு நன்றி .
அருமையான கவிதை ,முனைவர் அவர்களே.

ரமணியன்

SK · SK Wed Sep 19, 2018 5:16 pm

ஒரு டீ 10 ருபாய் இதற்காக மக்களின் உழைப்பு

சூப்பருங்க

**சிவா** · **சிவா** Wed Sep 19, 2018 7:50 pm

இலங்கையில் தேயிலை தோட்டங்களில் வேலை செய்பவர்களைப் பற்றி என் தந்தை நான் சிறுவனாக இருந்த பொழுது கூறியது இந்தக் கவிதையைப் படித்ததும் நினைவுக்கு வந்து மீண்டும் என்னை சிறு வயதிற்கு அழைத்துச் சென்று மகிழ்வித்தது!

தேயிலைத் தோட்ட மக்களின் வாழ்வை மிக அழகான வரிகளாக வடித்துள்ளீர்கள்.

ஏழாம் சுவர்க்கத்தில் 3838410834

முனைவர் ப.குணசுந்தரி · 18/07/2015

தோழமைக்கு வணக்கம். ஏழாம் சுவர்க்கத்தில் 1571444738

Sponsored content · Sponsored content

ஏழாம் சுவர்க்கத்தில்

ஏழாம் சுவர்க்கத்தில்

Re: ஏழாம் சுவர்க்கத்தில்

Re: ஏழாம் சுவர்க்கத்தில்

Re: ஏழாம் சுவர்க்கத்தில்

Re: ஏழாம் சுவர்க்கத்தில்

Re: ஏழாம் சுவர்க்கத்தில்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக