10 நாட்களுக்குள் மூன்று இந்தியா - பாகிஸ்தான் கிரிக்கெட் போட்டி?- மகிழ்ச்சியில் ரசிகர்கள்

-
இந்தியா, பாகிஸ்தான், இலங்கை, வங்காள தேசம்,
ஆப்கானிஸ்தான், ஹாங் காங் அணிகள் பங்கேற்கும்
ஆசிய கோப்பை ஒருநாள் கிரிக்கெட் தொடர் ஐக்கிய
அரபு எமிரேட்ஸில் நடைபெற்று வருகிறது.

இலங்கை, வங்காள தேசம், ஆப்கானிஸ்தான் அணிகள்
‘ஏ’ பிரிவிலும், இந்தியா, பாகிஸ்தான், ஹாங் காங் அணிகள்
‘பி’ பிரிவிலும் இடம்பிடித்துள்ளன.

ஒவ்வொரு பிரிவிலும் உள்ள அணிகள் அந்தந்த பிரிவுகளில்
உள்ள மற்ற அணிகளும் தலா ஒருமுறை மோத வேண்டும்.
அதன்பின் இரு பிரிவிலும் முதல் இரண்டு இடங்களை
பிடிக்கும் அணிகள் அடுத்த சுற்றான ‘சூப்பர்-4’க்கு
முன்னேறும்.

‘சூப்பர்-4’ல் ஒவ்வொரு அணியும் மற்ற அணிகளுடன்
தலா ஒருமுறை மோத வேண்டும். முதல் இரண்டு இடங்களை
பிடிக்கும் அணி இறுதிப் போட்டிக்கு முன்னேறும்.

இந்தியா - பாகிஸ்தான் அணிகள் ‘பி’ பிரிவில் இடம்
பிடித்துள்ளதால் லீக் போட்டியில் வருகிற 19-ந்தேதி
பலப்பரீட்சை நடத்துகின்றன. இரு அணிகளும் ‘சூப்பர்-4’
சுற்றுக்கு முன்னேறிவிடும் என்பதால் மீண்டும்
ஒருமுறை செப்டம்பர் 23-ந்தேதி மோத வாய்ப்புள்ளது.

அதன்பின் இரு அணிகளும் இறுதிப் போட்டிக்கு
முன்னேறினால் 28-ந்தேதி வெள்ளிக்கிழமை பலப்பரீட்சை
நடத்தும். முதல் இரண்டு போட்டிகளும் உறுதியாக நடக்கும்.
3-வது போட்டி விளையாடுவதை பொறுத்து அமையும்.

10 நாட்களுக்குள் இந்தியா - பாகிஸ்தான் அணிகள் மூன்று
முறை மோத இருப்பதால் ரசிகர்கள் மகிழ்ச்சியில் உள்ளனர்.
-
----------------------------------
மாலைமலர்

இந்திய அணிக்கு எளிய இலக்கு: 162 ரன்களில் சுருண்டது பாக்.,
--

-
துபாய்:
ஆசிய கோப்பை லீக் போட்டியில் இந்திய பவுலர்கள்
அசத்தினர். இதற்கு ஈடுகொடுக்க முடியாமல் திணறிய
பாகிஸ்தான் அணி 162 ரன்களுக்கு சுருண்டது.

ஐக்கிய அரபு எமிரேட்சில் ஆசிய கோப்பை கிரிக்கெட்
தொடர் நடக்கிறது. இன்று துபாயில் நடக்கும் 'ஏ' பிரிவு
லீக் போட்டியில் இந்தியா, பாகிஸ்தான் அணிகள்
மோதின.

'டாஸ்' வென்ற பாகிஸ்தான் அணி கேப்டன் சர்பராஸ்
பேட்டிங் தேர்வு செய்தார். இந்திய அணியில் கலீல் அகமது,
ஷர்துல் தாகூர் நீக்கப்பட்டு பும்ரா, பாண்ட்யா
சேர்க்கப்பட்டனர்.

புவனேஷ்வர் அசத்தல்

பாகிஸ்தான் அணிக்கு இமாம் உல் ஹக், பகர் ஜமான்
ஜோடி மோசமான துவக்கம் தந்தது. புவனேஷ்வரின்
மூன்றாவது ஓவரில் இமாம் 2 ரன்களில் ஆட்டமிழந்தார்.

மீண்டும் வந்த புவனேஷ்வர் இம்முறை பகர் ஜமானை
டக் அவுட்டாக்கினார்.

பின், இணைந்த பாபர் ஆசாம், சோயப் மாலிக் ஜோடி
பொறுப்புடன் விளையாடியது. சகால் பந்தை ஆசாம்
பவுண்டரிக்கு விரட்டினார்.
குல்தீப் பந்தை மாலிக் சிக்சருக்கு பறக்கவிட்டார்.

கைகொடுத்த குல்தீப்

இவர்களை பிரிக்க குல்தீப் கைகொடுத்தார்.
இவரது 'சுழலில்' மூன்றாவது விக்கெட்டுக்கு 82 ரன்கள்
சேர்த்தபோது, ஆசாம் (47) சிக்கினார்.

ஜாதவ் பந்தில் கேப்டன் சர்பராஸ் (6) சரணடைந்தார்.
தொல்லை தந்த மாலிக் (43) ரன் அவுட்டானார்.
ஆசிப் அலி (9), ஷாதப் கானை (8) வெளியேற்றி இந்திய
ரசிகர்களுக்கு உற்சாகத்தை அளித்தார் ஜாதவ்.

பும்ரா 'வேகத்தில்' பகிம் ஆஸ்ரப் (21) சரிந்தார்.
புவனேஷ்வர் 'வேகத்தில்' ஹசன் அலி (1) திரும்பினார்.
உஸ்மான் போல்டாக, பாகிஸ்தான் அணி 43.1 ஓவரில்
162 ரன்களுக்கு ஆல் அவுட்டானது.

இந்தியா சார்பில் அதிகபட்சமாக புவனேஷ்வர்,
ஜாதவ் தலா 3 விக்கெட் வீழ்த்தினர்.
-
------------------------
தினமலர்

-
தொடர்ந்து 163 ரன்கள் என்ற இலக்குடன் இந்திய அணி
விளையாடி வருகிறது.

துவக்க வீரராக களமிறங்கிய இந்திய அணி கேப்டன்
ரோகித் சர்மா 39 பந்தில் 52 ரன்கள் எடுத்திருந்த போது,
ஷதாப் கான் பந்தில் ஆட்டமிழந்தார்.
-