2018-ம் ஆண்டுக்கான குருப்பெயர்ச்சி எப்போது?

**சிவா** · **சிவா** Tue Sep 18, 2018 9:31 pm

2018-ம் ஆண்டுக்கான குருப்பெயர்ச்சி எப்போது நிகழ உள்ளது? குரு பகவான் எந்த ராசியில் இருந்து எந்த ராசிக்கு மாற்றம் அடைகிறார்? என்பதைத் தெரிந்துகொள்ளலாம்.

வாக்கிய பஞ்சாங்கத்தின்படி நிகழும் மங்களகரமான விளம்பி வருடம் 04.10.2018 வியாழக்கிழமை, புரட்டாசி மாதம் 18-ம் நாள், தசமி திதியில், சனிபகவானின் நட்சத்திரமான பூசம் நட்சத்திரத்தில் 10.07-க்கு அமிர்த-சித்த யோகத்தில் குருபகவான் துலா ராசியில் இருந்து விருச்சிக ராசிக்கு (விசாகம் 4-ம் பாதத்தில்) குருபகவான் தனது சொந்த நட்சத்திரத்தில் பெயர்ச்சி ஆகிறார்.

திருக்கணித பஞ்சாங்கத்தின்படி வரும் 2018 அக்டோபர் மாதம் 11-ம் தேதி வியாழக்கிழமை 4:49-க்கு துலாம் ராசியில் இருந்து விருச்சிக ராசிக்கு குருபகவான் இடப்பெயர்ச்சி ஆகிறார். மேலும், 2019-ம் ஆண்டு நவம்பர் மாதம் 4-ம் தேதி 2:39 மணி வரை குருபகவான் விருச்சிக ராசியில் சஞ்சரிக்கிறார்.

குருபகவான் நம் சரீரத்தில் மூளை பகுதியில் அமர்ந்திருக்கிறார். எனவே, இவர் சிந்திக்கும் ஆற்றலை நமக்குத் தருபவர். பூர்வ ஜென்ம நியாபகங்களை அளிப்பவர், நல்ல நினைவாற்றலைத் தருபவரும் இவரே. ஆனால், குருபகவான் அஷ்டமத்தில் அமர்ந்து நீச்சமாகி பாபகிரகங்கள் பார்க்கும் போது தான் நினைவாற்றலை இழக்கும் நிலை ஏற்படுகிறது. இது அபகீர்த்தி யோகம் என்று அழைக்கப்படுகிறது.

• விருச்சிக ராசிக்கு வரும் குரு பகவான் தொடர்ந்து ஒரு வருட காலத்திற்கு இந்த ராசியில் சஞ்சாரம் செய்து அருளாசி வழங்குவார்.

• விருச்சிக ராசிக்கு வரும் குரு பகவான் அடுத்த விகாரி வருடம் அக்டோபர் மாதம் 29-ம் தேதி தனுசு ராசிக்கு மாறுகிறார்.
• விருச்சிக ராசியில் இருந்து தனது ஐந்தாம் பார்வையால் மீன ராசியையும் - ஏழாம் பார்வையால் ரிஷப ராசியையும் - ஒன்பதாம் பார்வையால் கடக ராசியையும் பார்க்கிறார்.

• குரு பகவானுக்கு ஸ்தான பலத்தை விட த்ருக் பலமே அதிகம். அதாவது இருக்கும் இடத்தின் பலத்தினை விடப் பார்க்கும் பலமே அதிகம். எனவே, குருவின் பார்வை பெறும் ராசிகள் பூரண பலன்கள் பெறும்.

**krishnaamma** · **krishnaamma** Tue Sep 18, 2018 9:38 pm

ம்ம்.. இப்போதும் நாங்கள் டிவி இல் youtube மூலம் குருபெயர்ச்சி பலன்கள் தான் பார்த்துக் கொண்டு இருக்கிறோம் புன்னகை

**சிவா** · **சிவா** Tue Sep 18, 2018 9:56 pm

krishnaamma wrote:ம்ம்.. இப்போதும் நாங்கள் டிவி இல் youtube மூலம் குருபெயர்ச்சி பலன்கள் தான் பார்த்துக் கொண்டு இருக்கிறோம்

மேற்கோள் செய்த பதிவு: 1278111

மகர ராசிக்கு நன்றாக உள்ளது எனக் கூறியுள்ளார்கள்...

2018-ம் ஆண்டுக்கான குருப்பெயர்ச்சி எப்போது? PkxBOkXIR2ObZbjgHQh2+rasipalan

Sponsored content · Sponsored content

2018-ம் ஆண்டுக்கான குருப்பெயர்ச்சி எப்போது?

2018-ம் ஆண்டுக்கான குருப்பெயர்ச்சி எப்போது?

Re: 2018-ம் ஆண்டுக்கான குருப்பெயர்ச்சி எப்போது?

Re: 2018-ம் ஆண்டுக்கான குருப்பெயர்ச்சி எப்போது?

Re: 2018-ம் ஆண்டுக்கான குருப்பெயர்ச்சி எப்போது?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக