உவரி கடலில் தத்தளித்த சிறுவர்கள்! - சீருடையுடன் களமிறங்கிக் காப்பாற்றிய காவலர்

**ayyasamy ram** · **ayyasamy ram** Mon Sep 17, 2018 10:06 pm

-
நெல்லை மாவட்டத்தில் பொதுமக்கள் மற்றும் பல்வேறு
அமைப்பினரால் வழிபாட்டுக்காக வைக்கப்பட்ட விநாயகர்
சிலைகள் நீர்நிலைகளில் கரைக்கப்பட்டு வருகின்றன.

அதேபோல், திசையன்விளை பகுதியில் இந்து முன்னணி
சார்பாக வைக்கப்பட்டிருந்த சிலைகள் அனைத்தும்
வாகனங்களில் எடுத்துச் செல்லப்பட்டு உவரி
கடற்கரையில் கரைக்கப்பட்டன. ஊர்வலமாகச் சிலைகள்
எடுத்துச் செல்லப்பட்டபோது ஆர்வம் மிகுதியால்
சிறுவர்களும் பங்கேற்றனர்.

உவரி கடலில் சிலைகள் கரைக்கப்பட்டபோது அந்த
இடத்துக்கு வந்திருந்த வடக்கன்குளத்தைச் சேர்ந்த
உதயகுமார், கார்த்திக், உதய் ஆகிய 3 சிறுவர்களும்
விபரீதத்தை அறியாமல் கடலுக்குள் இறங்கினார்கள்.

சிலைகள் கரைக்கும்போது கடலுக்குள் சென்ற சிறுவர்கள்,
எதிர்பாராதவிதமாக வந்த அலையில் இழுத்துச்
செல்லப்பட்டனர். அதனால் 3 சிறுவர்களும் கடலுக்குள்
தத்தளித்தனர்.

அப்போது அங்கே கூடியிருந்த மக்கள் செய்வதறியாமல்
திகைத்து நின்றார்கள். அந்த இடத்தில் பாதுகாப்புப்
பணிக்காக வந்திருந்த நாங்குநேரி அருகே உள்ள
மஞ்சங்குளம் கிராமத்தைச் சேர்ந்த காவலரான
சுடலைக்கண்ணு, கொஞ்சமும் தாமதிக்காமல்
சீருடையுடனே கடலுக்குள் குதித்து நீந்திச் சென்று
சிறுவர்களைக் காப்பாற்றி கரை சேர்த்தார்.

அவரது துணிச்சலான இந்தச் செயலால் 3 சிறுவர்களும்
உயிர் பிழைத்தார்கள். அங்கே கூடியிருந்த இந்து
முன்னணியினரும் பொதுமக்களும் அவரது செயலைப்
பாராட்டினார்கள்.

இந்த விவகாரம் வாட்ஸ்அப் மற்றும் சமூக வலைதளங்கள்
மூலம் வைரலாகப் பரவியது.
அதனால் காவலர் சுடலைக்கண்ணுவுக்கு பாராட்டுகள்
குவிந்து வருகின்றன. அவரது துணிச்சலான நடவடிக்கையை
அனைவரும் பாராட்டி கருத்து தெரிவித்து வருகின்றனர்.
-
-------------------பி.ஆண்டனிராஜ்
விகடன்

உவரி கடலில் தத்தளித்த சிறுவர்கள்! - சீருடையுடன் களமிறங்கிக் காப்பாற்றிய காவலர்

உவரி கடலில் தத்தளித்த சிறுவர்கள்! - சீருடையுடன் களமிறங்கிக் காப்பாற்றிய காவலர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக