இந்த வார சினிமா செய்திகள்

by **ayyasamy ram** Sun Sep 16, 2018 5:08 pm

-
அமிதாப்பச்சனை வரவேற்ற, ரஜினிகாந்த்!

இந்தி சூப்பர் ஸ்டார் நடிகரான அமிதாப்பச்சன்,
இதுவரை எந்த நேரடி தமிழ்ப்படத்திலும் நடித்ததில்லை.
முதன்முறையாக எஸ்.ஜே.சூர்யா நடிக்கும், உயர்ந்த
மனிதன் என்ற படத்தில் அவர் தமிழில் அறிமுகமாகிறார்.

தமிழ் மற்றும் இந்தியில் தயாராகும் இந்த படத்தில்,
அமிதாப்பச்சன், எஸ்.ஜே.சூர்யா என இருவருமே
நாயகர்களாக நடிக்கின்றனர்.

இந்த படத்தின், ‘பர்ஸ்ட் லுக்’கை வெளியிட்ட நடிகர்
ரஜினிகாந்த், ‘என் நண்பர், அமிதாப்பச்சன் தமிழ்
படத்தில் நடிப்பதை வாழ்த்தி வரவேற்கிறேன்…’
என்று தெரிவித்துள்ளார்.
-
------------------------------
— சினிமா பொன்னையா

by **ayyasamy ram** Sun Sep 16, 2018 5:08 pm

அதிர்ச்சி கொடுக்கும் நடிகை!

தமிழில் மார்க்கெட்டை பிடிப்பதிலும், உடம்பை
கட்டுக்கோப்பாக வைத்திருப்பதிலும் கூடுதல் ஆர்வம்
காட்டுகிறார், ரகுல்பிரீத் சிங்.

ஐதராபாத்தில் தான் நடத்தி வரும், ‘ஜிம்’மில் காலை, மாலை
என, இரு வேளையும் தவறாமல் உடற்பயிற்சி செய்து வருகிறார்.
அப்படி தான், உடற்பயிற்சி செய்யும் வீடியோ காட்சிகளை
அவ்வப்போது இணைய பக்கத்தில் வெளியிட்டும், அவர்,
தன் அபிமான ஹீரோக்கள், இயக்குனர்களுக்கு அனுப்பியும்,
இன்ப அதிர்ச்சி கொடுக்கிறார்.

காரணம் இன்றி காரியம் இல்லை!
0
----------------------------------
— எலீசா

by **ayyasamy ram** Sun Sep 16, 2018 5:09 pm

கீர்த்தி சுரேஷ் கொடுக்கும், ‘ஓவர் ஆக்டிங்!’

நடிகையர் திலகம் படத்தில், சாவித்ரி வேடத்தில் நடித்த
பின், ‘பர்பாமென்ஸ்’ நடிகையாகி விட்டார், கீர்த்தி சுரேஷ்.

அதேசமயம், அடுத்தபடியாக கதையின் நாயகியாக
வேண்டும் என்பதற்காக, தற்போது நடிக்கும் படங்களில்,
அழுத்தமான காட்சிகளில் கூடுதல் அக்கறை காட்டுகிறார்.

இதனால், ‘அதிக உணர்ச்சிவசப்படாமல், யதார்த்தமான
நடிப்பை பதிவு செய்தாலே போதும்…’ என்கின்றனர்,
இயக்குனர்கள்.

சிந்தாது இருந்தால், மங்காது இருக்கலாம்!
-
-----------------------------
—எலீசா

by **ayyasamy ram** Sun Sep 16, 2018 5:10 pm

பேய் ஆராய்ச்சியில் ஈடுபடும், நயன்தாரா!
-
த்ரிஷா, அனுஷ்கா மற்றும் ஹன்சிகா உள்ளிட்ட நடிகைகள்
பேய் படங்களில் நடித்து வரும் நிலையில், நயன்தாராவோ,
பேய்களைப் பற்றி ஆராய்ச்சி செய்யும் ஒரு கதையில்
நடிக்கயிருக்கிறார்.

லட்சுமி மற்றும் மா போன்ற குறும் படங்களை இயக்கிய
சர்ஜுன் என்பவர் இயக்கும் அப்படத்திற்காக, தற்போது,
பேய் பங்களா செட் உருவாகி வருகிறது.

இதில், கோஸ்ட் இன்வெஸ்டிகேட்டராக நடிக்கும் நயன்தாரா,
தன் கெட்டப்பையும் முதன்முறையாக மாற்றி நடித்துள்ளார்.

சிலுக்கு சின்னம்மா, சிங்கார பொன்னம்மா!
-
-----------------------------
— எலீசா
வாரமலர்

by **ayyasamy ram** Sun Sep 16, 2018 5:11 pm

மம்மூட்டியிடம் நடிப்பு பயின்ற அஞ்சலி!

பேரன்பு படத்தில், மம்மூட்டியின் நடிப்பைப் பார்த்து
மலைத்து விட்டதாக சொல்கிறார் அஞ்சலி.

‘சின்னச்சின்ன அசைவுகளினாலும், பார்வையினாலும்
அழுத்தமான நடிப்பை பதிவு செய்யலாம் என்பதை, அவரது
நடிப்பில் கண்கூடாக பார்த்தேன்…’ என்று கூறும் அஞ்சலி,
‘அந்த படத்தில் நடித்து முடித்த பின், நடிப்பு யுனிவர்சிட்டியில்
படித்து விட்டு வெளியே வந்த அனுபவம் கிடைத்துள்ளது.

‘அதோடு, நடிப்பின் சூட்சுமம் புரிந்து விட்டதால்,
இனிமேல் எந்த மாதிரியான வேடம் என்றாலும், அசால்டாக,
‘ஸ்கோர்’ பண்ணுவேன்…’ என்கிறார்

. சுடர் விளக்கு ஆனாலும், துாண்டுகோல் வேண்டும்!
-
--------------------------
— எலீசா

by **ayyasamy ram** Sun Sep 16, 2018 5:12 pm

சினி துளிகள்!

ஜெயலலிதாவின் வாழ்க்கை வரலாறு கதையில்
உருவாகும் படத்தில் கமல்ஹாசன்,மோகன்லால்
ஆகிய இருவரும், ‘கெஸ்ட் ரோலில்’ நடிக்கின்றனர்.
-
---------------------------

by **ayyasamy ram** Sun Sep 16, 2018 5:15 pm

பறந்து பறந்து சண்டை போடும் பிரபுதேவா!

பிரபுதேவா நடித்த படமென்றாலே வித்தியாசமான நடன
அசைவுகள் இடம்பெறும். ஆனால், சமீபகாலமாக ஆக் ஷன்
கதைகளில் பயணிக்கத் துவங்கி விட்டார்.

அந்த வகையில், பொன்.மாணிக்கவேல் என்ற படத்தில்
முதன் முதலாக போலீஸ் வேடத்தில் நடிக்கும் பிரபுதேவா,
அடுத்தபடியாக, தேள் என்ற படத்தில் எமோஷனல்
ஆக் ஷன் கதையில் நடிக்கிறார்.

ஆக, இது வரை பறந்து பறந்து நடனமாடி வந்த பிரபுதேவா,
இப்போது பறந்து பறந்து சண்டை செய்யத் துவங்கி உள்ளார்.
-
-----------------
— சினிமா பொன்னையா

by **ayyasamy ram** Mon Sep 17, 2018 8:39 am

செக்கச்சிவந்த வானம் படத்தில் புதிய பாடல்
-

செக்கச் சிவந்த வானம் படத்தில் புதிதாக பாடல்
ஒன்று சேர்க்கப்படுகிறது
-

எங்கே எங்கே வீழ்வோம் என்று
அறியா மழைத்துளிகள்

விதைமேல் ஒன்றாய்
சிதைமேல் ஒன்றாய்
வீழ்வதே பிராப்தம்
விதை வேட்கையே
பிராப்தம் - பிராப்தம்
-
என்று தொடங்கும் ஒரு பாடலை ஒலிப்பதிவு
செய்துள்ளனர்
-
-----------------
தினமலர்

by **ayyasamy ram** Tue Sep 18, 2018 7:19 am

by **ayyasamy ram** Thu Sep 20, 2018 2:11 pm

சன்னி லியோனுக்கு மெழுகு சிலை
-

-
இந்த வார சினிமா செய்திகள் 201809192344572731_Sunny-Leone-is-a-wax-statue_SECVPF

-
நடிகை சன்னிலியோனுக்கு மெழுகு சிலை
தயாராகி உள்ளது. டெல்லியில் உள்ள
மேடம் துஷாத் மியூசியத்தில் இந்த சிலையை
வைக்கிறார்கள்.

அங்கு அமிதாப்பச்சன், ஸ்ரீதேவி உள்பட முன்னணி
நடிகர்–நடிகைகளுக்கும், அரசியல் கட்சி
தலைவர்களுக்கும் மெழுகு சிலை வைக்கப்பட்டு
உள்ளது.

தனது மெழுகு சிலையை சன்னிலியோன் திறந்து
வைத்து அருகில் நின்று புகைப்படம் எடுத்துக்
கொண்டார். இதுகுறித்து சன்னிலியோன் கூறும்போது,
‘‘எனக்கு மெழுகு சிலை வைப்பது மகிழ்ச்சியாக
இருக்கிறது. அந்த சிலையை பார்த்ததும் வியப்பு
ஏற்பட்டது.

இந்த சிலையை நேர்த்தியாகவும் சிறப்பாகவும்
உருவாக்க நிறைய பேர் பல நாட்கள் உழைத்து உள்ளனர்.
அவர்களை நான் பாராட்டுகிறேன். எனக்கு மகிழ்ச்சியான
உணர்வை இந்த சிலை ஏற்படுத்தி உள்ளது.
இதை கவுரவமாக கருதுகிறேன்’’ என்றார்.
–
———————–
தினத்தந்தி