தலைக்கு மேல் தனம் வந்தாலும் தலகாணியின் மேல் உட்காராதே. - பழமொழி விளக்கம்

**ayyasamy ram** · **ayyasamy ram** Fri Sep 14, 2018 3:42 pm

First topic message reminder :

தலைக்கு மேல் தனம் வந்தாலும் தலகாணியின் மேல் உட்காராதே.
-
பழமொழி விளக்கம்
------------------

தலயணை என்பது தான் பேச்சு வழக்கில் தலகாணி
ஆனது. நாம் படுக்கும் போது நம் தலையை அணைத்துத்
தாங்கிடும் ஒன்று தலையணை.

தூங்கும் போது அனிச்சா தசைகளால் ஆன உறுப்புகளான
இதயம் சுவாசப் பை தவிற மற்றவற்றுக்கு வேலை இல்லை.
அவற்றை இயக்கிடும் மூளைக்கும் அதிக வேலை இல்லை.

ஆகவே உடலின் நிலையை விடத் தலையின் நிலை சற்றே
உயரத்தில் இருந்தால் நல்லது.

மல்லாந்து படுத்திருக்கும் போது உடலின் மற்ற பாகங்களை
விட சற்றே அதிக உயரத்திலும், பக்க வாட்டில் திரும்பிப்
படுத்திருக்கும் போது அதை விட சிறிது அதிக உயரத்திலும்
வைத்துப் படுத்தால் நம் கழுத்துக்கும் சிரமம் இருக்காது.
இதற்குத் தோதான ஒன்றுதான் தலையணை.

நமக்கு இதமாக இருக்கக் கூடியது இலவன் பஞ்சடைத்த
தலயணை.

ஒரு மனிதனின் சராசரி எடை சுமார் 60 கிலோவில் இருந்து
80 கிலோ வரை இருக்கலாம். அதில் அவன் தலையின் எடை
சுமார் 4 கிலோக்களே.

தலையணையின் மீது தலையை வைத்துப் படுக்கும் போது
அது சிறிதளவு அமுங்கிடும். பின் நாம் எழுந்த பின் அது
பழைய நிலைக்குத் திரும்பிடும் ஓரளவுக்கு. ஆனால் அதே
தலையணையின் மீது நாம் அமர்ந்தால் உம் உடல் கனம்
முழுவதுமாக தலையணையை அழுத்தி அதனை
சப்பையாக்கி விடும் வாய்ப்பு அதிகம்.

பின் அந்தத் தலையணை தலைக்கு வித்திட தோதாக இருக்காது.
அதனால் தான் வந்ததோ அப்பழமொழி!
-
------------------------
படித்ததில் பிடித்தது

**ayyasamy ram** · **ayyasamy ram** Tue Sep 18, 2018 1:48 pm

T.N.Balasubramanian wrote:பதிவு #6 கு பதிலை ayyasami ram அவர்களிடம் இருந்து
வருவதற்காக காத்திருக்கிறோம்.

ரமணியன்
@ayyasamiram

மேற்கோள் செய்த பதிவு: 1277989
-
கூகுள் குரூப்-வல்லமை -யில்
கல்பட்டு நடராஜன் என்பவரால்
பழமொழிகளும் அவற்றின் மெய்ப் பொருளும்-
என்ற தலைப்பில் வந்த பதிவு இது
-
கல்பட்டு நடராஜன் அவர்கள்,
இயற்கையின் எழிலில் இறைவனைக் காண்போம்
என்ற தலைப்பில் பல கட்டுரைகளை எழிலான
புகைப்படங்களுடன் பதிவிட்டுள்ளார்
-
------------
அன்புடன்
அ.இராமநாதன்

**T.N.Balasubramanian** · **T.N.Balasubramanian** Tue Sep 18, 2018 3:56 pm

நன்றி அய்யா,
பலரும் அறியாத ஒன்று .

ரமணியன்

**krishnaamma** · **krishnaamma** Wed Sep 19, 2018 2:14 pm

தலைக்கு மேல் தனம் வந்தாலும் தலகாணியின் மேல் உட்காராதே. + அப்படி உட்கார்ந்தால் கடன் ஏறும் என்று எங்க பாட்டி சொல்வார்.... நான் இந்த பழமொழியை அவர்கள் வாயிலாக கேள்விப்பட்டுள்ளேன் ஐயா புன்னகை

...........நல்ல திரி அண்ணா ! புன்னகை

Sponsored content · Sponsored content

தலைக்கு மேல் தனம் வந்தாலும் தலகாணியின் மேல் உட்காராதே. - பழமொழி விளக்கம்

தலைக்கு மேல் தனம் வந்தாலும் தலகாணியின் மேல் உட்காராதே. - பழமொழி விளக்கம்

Re: தலைக்கு மேல் தனம் வந்தாலும் தலகாணியின் மேல் உட்காராதே. - பழமொழி விளக்கம்

Re: தலைக்கு மேல் தனம் வந்தாலும் தலகாணியின் மேல் உட்காராதே. - பழமொழி விளக்கம்

Re: தலைக்கு மேல் தனம் வந்தாலும் தலகாணியின் மேல் உட்காராதே. - பழமொழி விளக்கம்

Re: தலைக்கு மேல் தனம் வந்தாலும் தலகாணியின் மேல் உட்காராதே. - பழமொழி விளக்கம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக