கடைசி பெஞ்ச் மாணவன்... 4 முறை யுபிஎஸ்சி தோல்வி... இப்போது ஐபிஎஸ் அதிகாரி- சாதித்த மிதுன் குமார்

-


நம்முடைய பள்ளி, கல்லூரி நாட்களில் ஐஏஎஸ், ஐபிஎஸ்
அதிகாரிகள் எல்லாம் படிக்கும்போது வகுப்பிலேயே
முதல் மாணவர்களாய் இருப்பார்கள் என்று
நினைத்திருக்கிறோம்.

ஆனால் இந்தக் கற்பிதத்தை உடைத்து எறிந்திருக்கிறார்
கர்நாடகாவைச் சேர்ந்த 2016-ம் ஆண்டு இளம் ஐபிஎஸ்
அதிகாரி மிதுன்குமார்.

சாதாரணமான மாணவன் என்றே தன்னை அடையாளப்
படுத்திக் கொள்ளும் மிதுன், வழக்கமான கடைசி பெஞ்ச்
மாணவராகவே இருந்திருக்கிறார்.

இதுகுறித்து லால் பகதூர் சாஸ்திரி தேசிய நிர்வாகக்
கல்லூரியில் தனது அனுபவங்களைப் பகிர்ந்து கொண்டார்
மிதுன்.

''இப்போது என்னைப் பார்க்கும் யாருமே, நான் ஐபிஎஸ்
அதிகாரி ஆனதை நம்ப மாட்டார்கள். அப்போது நான்
சாதாரண கடைசி பெஞ்ச் பையனாக இருந்தேன்.

பொறியியல் முடித்துவிட்டு ஐடி துறையில் வேலைக்குச்
சேர்ந்தேன். மூத்த பையன் என்பதால் குடும்பத்தைப்
பார்க்க வேண்டிய பொறுப்பு இருந்தது.

ஆனால் வேலையில் எனக்கு நிறைவு கிடைக்கவில்லை.
எதையோ இழந்ததுபோலத் தோன்றியது. 3 வருடங்கள்
கழித்து வேலையை விட்டேன். என்னுடைய தம்பி
குடும்பத்தைக் கவனித்துக் கொண்டான்.

என்னுள் இருந்த போலீஸ் கனவு மெல்லப் பற்றியெரிய
ஆரம்பித்தது. எங்கெல்லாம் ஒரு போலீஸ் அதிகாரியைப்
பார்க்கிறேனோ அப்போதெல்லாம் எனக்குள் ஒரு
வெளிச்சம் பரவும்.

தேர்வுக்குத் தயார் ஆனேன். 4 முறை தோல்வியடைந்தேன்.
தொடர் உழைப்புக்குப் பிறகு யூபிஎஸ்சி தேர்வில் தேர்ச்சி
பெற்றேன். 130-வது ரேங்க் பெற்று, ஐஏஎஸ் ஆகும் வாய்ப்பு
கிடைத்தது. ஆனால் நான் காவல்துறையைத்
தேர்ந்தெடுத்தேன்.

எல்லோரும் என்னைக் கேள்விக் கணைகளால் துளைத்தனர்.
ஆனால் போலீஸ் சீருடை எந்த அளவுக்கு என்னை வசீகரித்தது
என்பதை இன்றளவும் என்னால் சொல்ல முடியவில்லை.

மக்கள் துக்கத்தில் இருக்கும்போது மருத்துவரிடம்
செல்வார்கள் அல்லது காவல்துறையிடம் வருவார்கள்.
அவர்களின் குறைகளைத் தீர்த்து வைக்கிறேன்'' என்கிறார்
மகிழ்ச்சியுடன்.
-
----------------------
தி இந்து

இது நடைமுறையில் சாத்தியமே
எனது உறவினர் தன்னுடைய இன்டெர்மீடியட் (அந்த காலம்) தோல்வியடைந்து,
பிறகு எழுதிய பரீட்சைகளில் முதலிடம் பெற்று,தங்கப்பதக்கம்,ஆராய்ச்சிகளில்
புகழ்பெற்றவர், டில்லியில் உள்ள பயிர் வேளாண்மை கழக இயக்குனர், பத்ம ஸ்ரீ
ஆனவர் .தான் பிறந்த ஊருக்கு பெருமை சேர்த்தவர்.

ரமணியன்

வெற்றிக்கு வாழ்த்துக்கள்