உண்மை அறிக – சிறுவர் பாடல்

by **T.N.Balasubramanian** Wed Sep 12, 2018 4:13 pm

பந்திக்கு முந்திக்கோ
படைக்கு பிந்திக்கோ
என்று நடைமுறையில் கூறினாலும்
பழமொழி உண்மையில்,
பந்திக்கு முந்திக்கை
படைக்கு பிந்திக்கை.
நம் முன் பரிமாறப்படும் உணவை,
கையை முன்பக்கம் நீட்டி சாப்பிடவேண்டும்.
படைக்கு அதாவது சண்டைக்கு ,
ஆயுதம் எடுத்தோ கையாலோ சண்டையிடும் போது,
கையை பின்பக்கம் கொண்டு சென்று அடித்தால்தான்
தேவையான சக்தி (force ) கிடைக்கும்

சந்தேகம் இருந்தால் நான் சொன்னதற்கு எதிர்மறையாக
செய்துபாருங்கள்.விளைவிற்கு நான் பொறுப்பு இல்லை.

ரமணியன்

by **ayyasamy ram** Wed Sep 12, 2018 5:18 pm

தலைக்கு மேல் தனம் வந்தாலும் தலகாணியின் மேல் உட்காராதே.
-
இந்த பழமொழிக்கு விளக்கம் சொல்லுங்கள்

by **T.N.Balasubramanian** Thu Sep 13, 2018 8:17 am

ayyasamy ram wrote:
தலைக்கு மேல் தனம் வந்தாலும் தலகாணியின் மேல் உட்காராதே.
-
இந்த பழமொழிக்கு விளக்கம் சொல்லுங்கள்

மேற்கோள் செய்த பதிவு: 1277310

இப்பழமொழியை இப்போதுதான் கேள்விப்படுகிறேன் a ram .
உங்களிடம் விளக்கம் இருக்குமெனில், தரவும்.
மேலும் ஒரு தகவலாக கொள்கிறேன்.

ரமணியன்
@ayyasamiram

by **ayyasamy ram** Thu Sep 13, 2018 8:43 pm

தலைக்கு மேல் தனம் வந்தாலும் தலகாணியின் மேல் உட்காராதே.
-
பழமொழி விளக்கம்
------------------

தலயணை என்பது தான் பேச்சு வழக்கில் தலகாணி
ஆனது. நாம் படுக்கும் போது நம் தலையை அணைத்துத்
தாங்கிடும் ஒன்று தலையணை.

தூங்கும் போது அனிச்சா தசைகளால் ஆன உறுப்புகளான
இதயம் சுவாசப் பை தவிற மற்றவற்றுக்கு வேலை இல்லை.
அவற்றை இயக்கிடும் மூளைக்கும் அதிக வேலை இல்லை.

ஆகவே உடலின் நிலையை விடத் தலையின் நிலை சற்றே
உயரத்தில் இருந்தால் நல்லது.

மல்லாந்து படுத்திருக்கும் போது உடலின் மற்ற பாகங்களை
விட சற்றே அதிக உயரத்திலும், பக்க வாட்டில் திரும்பிப்
படுத்திருக்கும் போது அதை விட சிறிது அதிக உயரத்திலும்
வைத்துப் படுத்தால் நம் கழுத்துக்கும் சிரமம் இருக்காது.
இதற்குத் தோதான ஒன்றுதான் தலையணை.

நமக்கு இதமாக இருக்கக் கூடியது இலவன் பஞ்சடைத்த
தலயணை.

ஒரு மனிதனின் சராசரி எடை சுமார் 60 கிலோவில் இருந்து
80 கிலோ வரை இருக்கலாம். அதில் அவன் தலையின் எடை
சுமார் 4 கிலோக்களே.

தலையணையின் மீது தலையை வைத்துப் படுக்கும் போது
அது சிறிதளவு அமுங்கிடும். பின் நாம் எழுந்த பின் அது
பழைய நிலைக்குத் திரும்பிடும் ஓரளவுக்கு. ஆனால் அதே
தலையணையின் மீது நாம் அமர்ந்தால் உம் உடல் கனம்
முழுவதுமாக தலையணையை அழுத்தி அதனை
சப்பையாக்கி விடும் வாய்ப்பு அதிகம்.

பின் அந்தத் தலையணை தலைக்கு வித்திட தோதாக இருக்காது.
அதனால் தான் வந்ததோ அப்பழமொழி!
-
------------------------
படித்ததில் பிடித்தது

by **T.N.Balasubramanian** Thu Sep 13, 2018 9:03 pm

கேள்விப்படாத பழமொழி என்பதால்
தமிழ் பழமொழிகள் பக்கம் தேடினேன்.
விக்கியில் தேடும்போது ,இந்த பழமொழி இருப்பது போல்
தெரியவில்லை.
திருவாளர் ஜெகதீசன் /பழமுத்துராமலிங்கம் அவர்களுக்கு
தெரிந்திருக்கலாம்.
ரமணியன்
@Mjagadeesan
@pazhamuthuramalingam