Latest topics

உலகைச்சுற்றி...

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

உலகைச்சுற்றி...

Post by ayyasamy ram Wed Sep 12, 2018 8:30 am

* நைஜீரியாவில் ‘கியாஸ்’ டேங்கர் லாரியில் இருந்து
கியாசை பெட்ரோல் நிலையம் ஒன்றுக்கு மாற்றும்போது,
எதிர்பாராதவிதமாக டேங்கர் வெடித்து விட்டது.
இந்த கோர விபத்தில் 35 பேர் பரிதாபமாக உயிரிழந்தனர்.
-
--------------------------------

* ஆப்கானிஸ்தானில் உள்நாட்டுப்போரை முடிவுக்கு
கொண்டு வர தலீபான் பயங்கரவாத அமைப்பு நடவடிக்கை
எடுத்து வருகிறது.

அந்த வகையில், அமெரிக்க அதிகாரிகளுடன் பேச்சு
வார்த்தை நடத்துவதற்கு ஒரு குழுவை அனுப்பி வைக்க
தயார் ஆகி வருகிறது.
-
---------------------------------

* உலகளாவிய பயங்கரவாதத்துக்கு எதிரான
அமெரிக்காவின் போர் முக்கியத்துவம் வாய்ந்தது,
இதற்கு பாகிஸ்தான் முழுமையான ஒத்துழைப்பை
வழங்க வேண்டும் என்று விரும்புகிறோம் என
அந்த நாட்டின் தேசிய பாதுகாப்பு ஆலோசகர்
ஜான் போல்டன் உறுதிபட தெரிவித்து உள்ளார்.
-
-----------------------------

* பாகிஸ்தான் பிரதமர் இம்ரான்கான் நேற்று தனது
மந்திரிசபையை விரிவுபடுத்தினார்.
தலா 3 கேபினட் மந்திரிகளும், ராஜாங்க மந்திரிகளும்
பதவி ஏற்றுக்கொண்டனர். இஸ்லாமாபாத்தில் ஜனாதிபதி
மாளிகையில் நடந்த எளிய நிகழ்ச்சியில் அவர்களுக்கு
ஜனாதிபதி ஆரிப் ஆல்வி பதவிப்பிரமாணம் செய்து
வைத்தார்.
-
-----------------------------------------

* நேபாளத்தில் மர்ம நோய்க்கு 3 பேர் பலியாகினர்.
15 நாளில் 400-க்கும் மேற்பட்டோர் இந்த நோய் பாதித்து
சிகிச்சை பெறுகின்றனர்.
-
--------------------------------
நன்றி- தினத்தந்தி

ayyasamy ram: வழிநடத்துனர்; பதிவுகள் : 84601
இணைந்தது : 30/09/2013