சர்வதேச தேயிலைத் தினம்

by **ரிபாஸ்** Sat Dec 19, 2009 12:52 pm

[size=24]சர்வதேச தேயிலைத் தினம்
உலகின்
பல நாடுகளில் வாழும் தேயிலைத் தோட்ட தொழிலாளர்களின் ஒற்றுமைக் குரலை ஒரே
தினத்தில் எழுப்புவதற்காக டிசம்பர் மாதம் 15 ஆம் திகதி சர்வதேச தேயிலைத்
தினமாகப் பிரகடனப்படுத்தப்பட்டது.

இம்முறை இலங்கையில் சர்வதேச தேயிலைத் தினம் எதிர்வரும் 15 ஆம் திகதி
ஹட்டன் மாநகரிலும் 20ஆம் திகதி மாத்தளையிலும் இடம்பெற ஏற்பாடுகள்
செய்யப்பட்டுள்ளன. ஹட்டனில் இது தொடர்பான மாநாடு ஒன்றும் மாத்தளையில்
பேரணி ஒன்றும் இடம்பெறவுள்ளன.

முதலாவது தேயிலைத் தினம்

2001 ஆம் ஆண்டு ஜனவரி மாதம்
பிரேஸில் நகரில் இடம்பெற்ற உலக சமூக மாமன்ற மாநாட்டிலேயே தேயிலைத்
தினமொன்று கொண்டாடப்பட வேண்டும் என்றும் டிசம்பர் மாதம் 15 ஆம் திகதி அது
அனுஷ்டிக்கப்படவேண்டும் என்றும் முடிவெடுக்கப்பட்டது.

அதன் படி அவ்வாண்டு டிசம்பர் மாதம் 15 ஆம் திகதி முதலாவது சர்வதேச
தேயிலைத் தினம் இந்திய தலைநகர் புது டில்லியில் உள்ள இந்திய அரசியலமைப்பு
கழக மண்டபத்தில் (Indian Constitutional Club) இடம்பெற்றது.

இதன்போது, தேயிலை உற்பத்தியில் ஈடுபட்டுள்ள நாடுகளின் தொழிற்சங்க மற்றும்
சிவில் அமைப்புகள் கலந்து கொண்டன. இவ்வமைப்புகளின் பிரதிநிதிகளின் மூலம்
முதலாவது தேயிலைத் தின பிரகடனம் தாயாரிக்கப்பட்டது.

இலங்கையின் சார்பில் மூத்த தொழிற்சங்கவாதியான ஓ.ஏ.இராமையா உட்பட பி. முத்துலிங்கம், எம்.எச்.மொஹிதீன், கே.சந்திரசேகர,
ஜயரட்ண மல்லியகொட, எஸ்.முருகையா, சந்திரமதி, மேனகா கந்தசாமி, கலியபெருமாள் ஆகியோருடன் பலரும் பங்கு பற்றினர்.

முதலாவது மாநாட்டில் தேயிலைத் தோட்ட தொழிலாளர்களின் பல்வேறு பிரச்சினைகள்
குறித்து அலசி ஆராயப்பட்டது. தீர்வுகளும் முன்மொழியப்பட்டன. அவர்களின்
தொழில், பாதுகாப்பு உட்பட பெண் தொழிலாளர்களின் உரிமைகள் தொடர்பாகவும்
கலந்துரையாடப்பட்டது.

இதில் மு க்கிய அம்சமாக வேதனம் பற்றிய கொள்கை பிரஸ்தாபிக்கப்பட்டது.
வாழ்க்கைக்கான வேதனம் (Living Wage) தொடர்பில் இங்கு கொள்கைப் பிரகடனம்
ஒன்று வெளியிடப்பட்டது.

அதன்படி

* வேதனமானது வாழ்க்கைச்செலவு வளர்ச்சியை ஒட்டி அமைய வேண்டும்.

* வேதன தீர்மானம் விஞ்ஞானபூர்வமாக, ஜனநாயக ரீதியாக வெளித்தன்மை போன்ற அம்சங்களைக் கொண்டதாக அமைய வேண்டும்.
கூட்டு பேரம் முத்தரப்பு பேச்சுவார்த்தை தேவை.

அங்கீகரிக்கப்பட்ட சம்பளத்தை, சலுகைகளை நிர்வாகங்கள் குறைக்கக்கூடாது.
குறைந்த பட்ச சம்பளத் திட்டம் மேலும் குறைக்கப்படக் கூடாது. மேலும்
நிர்ணயிக்கப்பட்ட வேதன திட்டத்தை சலுகைகளை மேலதிக கொடுப்பனவுகளை
நிர்வாகங்கள் மறுக்கவோ குறைக்கவோ கூடாது போன்ற அம்சங்களையும் வேறு பல
கொள்கை விளக்கங்களையும் கொண்டதாக அது அமைந்தது.

அங்கீகாரம்

சர்வதேச தேயிலைத் தினம் உலகளாவிய ரீதியில் அங்கீகாரம் பெற ஐக்கிய நாடுகள்
சபையின் பிரகடனம் அவசியம். இன்று தேயிலை தொழிலில் ஈடுபட்டுள்ள உலகின் பல
நாடுகளின் தொழிற்சங்க சிவில் பிரதிநிதிகள் இது தொடர்பாக ஒவ்வொரு வருடமும்
ஐக்கிய நாடுகள் சபைக்கு விளக்கம் கொடுத்து வருகின்றனர்.

தேயிலைத் தின மாநாடுகள் மற்றும் தொடர்ச்சியான செயற்திட்டங்கள் மூலம்
இவ்விடயம் தொழிலாளர் மத்தியிலும் கொண்டு செல்லப்படல் வேண்டும். இதன் மூலம்
கோரிக்கைகளை வென்றெடுக்கலாம் என்பது திண்ணம். [/size]

by **ராஜா** Sat Dec 19, 2009 2:57 pm

ஆங்காங்கே அமர்ந்திருக்கும் அன்பார்ந்த பொதுமக்களே!!!

இப்போது சர்வதேச புகையிலை தினம் வேண்டுமென நம்ம தல (சிவா) அவர்கள் சாகும்வரை உண்ணாவிரதம் இருப்பார். என்பதனை மகிழ்சியுடன் தெரிவித்து கொள்கிறேன்

by **சிவா** Sat Dec 19, 2009 3:28 pm

Kraja29 wrote:ஆங்காங்கே அமர்ந்திருக்கும் அன்பார்ந்த பொதுமக்களே!!!

இப்போது சர்வதேச புகையிலை தினம் வேண்டுமென நம்ம தல (சிவா) அவர்கள் சாகும்வரை உண்ணாவிரதம் இருப்பார். என்பதனை மகிழ்சியுடன் தெரிவித்து கொள்கிறேன்

ஈகரையின் இரண்டு தலைகளும் என்பதே சரியாக இருக்கும் தல!