விமான நிலையத்தில் வழங்கப்படும் தட்டுகளில் ஏராளமான கிருமிகள்

**ayyasamy ram** · **ayyasamy ram** Sat Sep 08, 2018 7:45 pm

வா‌ஷிங்டன்:
விமான நிலையங் களில் பாதுகாப்புச் சோதனையின் போது
பொருட்களை வைப்பதற்காக வழங்கப்படும் தட்டுகளில்
கழி வறையைவிட அதிக கிருமிகள் உள்ளன என்று பின்லாந்து,
பிரிட் டிஷ் ஆய்வாளர்கள் மேற்கொண்ட ஆய்வில்
கண்டறியப்பட்டுள்ளது.

பாதிக்கும் மேற்பட்ட தட்டுகளில் நுரையீரல் தொற்றுநோயை
ஏற் படுத்தக்கூடிய வைரஸ் கிருமிகள் இருக்கலாம் என்று ஆய்வு
தெரி வித்தது.

கடந்த வாரம் ‘பயோமெட்’ தொற்றுநோய் சஞ்சிகையில்
ஆய்வின் முடிவுகள் வெளியிடப் பட்டன. 2015-2016ல்
சளிக்காய்ச்சல் அதிகமாக இருந்த காலக் கட்டத்தில்
ஹெல்சிங்கி விமான நிலையத்தில் இருந்த தட்டுகளி லிருந்து
மூன்று வெவ்வேறு சமயங்களில் மாதிரிகள் சேகரிக் கப்பட்டன.

அப்போது எட்டு மாதிரிகளில் நான்கில் சளிக்காய்ச்சலுக்கான
அறிகுறிகளை ஏற்படுத்தும் கிருமி கள் இருப்பது கண்டு
பிடிக்கப் பட்டது. பின்லாந்தின் தேசிய சுகாதார, நல அமைப்பும்
நாட்டிங்காம் பல் கலைக்கழகமும் இணைந்து நடத்திய ஆய்வின்
கட்டுரை ஆசிரியர்,

“விமான நிலையத்தில் பயணிகளுக்கு கிருமிகள் தொற்றும்
தளமாக தட்டுகள் உள்ளன,” என்று குறிப்பிட்டார். இதனால்
கைகளைக் கழுவு வதற்கு கிருமி நாசினியை பயணிகளுக்கு
வழங்க வேண்டும் என்றும் தட்டுகளை அடிக்கடி சுத்தம் செய்ய
வேண்டும் என்றும் ஆய்வின் முடிவில் தெரிவிக்கப் பட்டுள்ளது.

பாதுகாப்புச் சோதனையின் போது வழங்கப்படும் தட்டு மூலம்
கிருமி பரவும் வாய்ப்பு உள்ளது என ஆய்வு ஒன்றில் கண்டு
பிடிக்கப் பட்டுள்ளது.

படம்: ராய்ட்டர்ஸ்
தமிழ்முரசு, சிங்கப்பூர்

**T.N.Balasubramanian** · **T.N.Balasubramanian** Sat Sep 08, 2018 8:34 pm

பொதுவாக அமெரிக்க விமான நிலையங்களில், செக்யூரிட்டி செக்கின் போது, ஏறக்குறைய
நம்முடைய பாதி உடமைகளை அந்த ட்ரேயில் வைக்கவேண்டும்.பர்ஸ்/மொபைல் போன் /பெல்ட்/
ஷூ/மடிக்கணினி முதலியவை. பெண்கள் கைப்பை /ஷூமுதலியவைகளை அந்த ட்ரேயில்
வைக்கவேண்டும் .இதே டிரே திரும்ப திரும்ப வந்துகொண்டே இருக்கும்.அப்பிடி இருக்கையில்
கிருமிகள் அதிகம் இருக்கும் ட்ரே அவைகள். சுத்தம் செய்வது கிடையாது.
சரி ஏரோபிளேன் உள்ளே போனால் சுத்தமாக இருப்பது போல் தோன்றும். பொதுவாக
இரெண்டு மணி நேரத்தில் இதே பிளேன் வேறொரு இடத்திற்கு போவதற்கு தயார்
செய்யப்படவேண்டும். டாய்லெட் சுத்தம் செய்தல்/ இருக்கைகள் /தரை/சுத்தம் செய்யப்பட்டு
சாப்பிட்ட உணவு பொருட்களை அகற்றி, புதியதாக உணவு பொருட்களை ஏற்றுவது என்பது
மிக பெரிய காரியம்.
இதை எல்லாம் தெரிந்து கொண்டால் பயணிப்பது மனதளவில் கஷ்டமே.
அவசியம் போய்வருகிறோம்.

இதை தவிர அற்புதமான சில காரியங்கள் சிறப்பாக செய்யப்படுகிறது.
வேறொரு பதிவில் கூறுகிறேன்.

ரமணியன்

விமான நிலையத்தில் வழங்கப்படும் தட்டுகளில் ஏராளமான கிருமிகள்

விமான நிலையத்தில் வழங்கப்படும் தட்டுகளில் ஏராளமான கிருமிகள்

Re: விமான நிலையத்தில் வழங்கப்படும் தட்டுகளில் ஏராளமான கிருமிகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக