கோயில் சொத்து மட்டும் வேண்டுமா: இளவரசர் கோபம்

திருவனந்தபுரம்:
கேரள வெள்ள சீரமைப்பு பணிகளுக்கு திருவனந்தபுரம்
பத்மநாபசாமி கோவில் சொத்துக்களை பயன்படுத்தி
கொள்ளலாம் என்ற கருத்துக்கு திருவிதாங்கூர் அரச
குடும்பத்தை சேர்ந்த இளவரசர் எதிர்ப்பு தெரிவித்துள்ளார்.

ரூ.1 லட்சம் கோடி சொத்து

திருவனந்தபுரம் பத்மநாபசாமி கோவிலில் உள்ள ரகசிய
பாதாள அறைகள் சுப்ரீம் கோர்ட் உத்தரவுபடி திறக்கப்பட்டன.
அவற்றில், ஒரு லட்சம் கோடி ரூபாய் மதிப்புள்ள நகைகள்
மற்றும் ஆபரணங்கள் உள்ளது தெரிய வந்தது.

கோவில் பாதுகாப்பு மற்றும் சொத்துக்கள் குறித்த வழக்கை
சுப்ரீம் கோர்ட் தொடர்ந்து விசாரித்து வருகிறது.

கேரளாவில் சமீபத்தில் ஏற்பட்ட வெள்ள பாதிப்புக்கு பின்,
சீரமைப்பு பணிகளுக்கு பத்மநாபசாமி கோவில் சொத்துக்களை
பயன்படுத்தலாம் என்ற கருத்து சமூக வலை தளங்களில்
வேகமாக பரவி வருகிறது. இதற்கு ஆதரவு தெரிவித்தும்,
எதிர்ப்பு தெரிவித்தும் பலரும் கருத்து கூறி வருகின்றனர்.

சுப்ரீம் கோர்ட் முடிவு எடுக்கட்டும்

இந்த கோவிலுடன் தொடர்புடைய திருவிதாங்கூர் அரசு
குடும்பத்தை சேர்ந்த இளவரசர் ஆதித்ய வர்மாவிடம் இது
குறித்து கேட்ட போது அவர் கூறியதாவது:

சீரமைப்பு பணிகளை மேற்கொள்ள கோவில் சொத்துக்களை
மட்டும் பயன்படுத்த வேண்டும் என்பதோடு நின்று விட
கூடாது. சர்ச், மசூதி உள்ளிட்ட பிற வழிபாட்டு தலங்களுக்கு
உரிய சொத்துக்களையும் இதற்கு பயன்படுத்தலாம் என்ற
எண்ணம் வர வேண்டும்.

இந்த விஷயத்தில் கேரள அரசு தனது கருத்தை வெளியிட
வேண்டும். அப்போது தான் அரச குடும்பம் தனது நிலையை
தெரிவிக்க முடியும். இந்த விஷயத்தில் சுப்ரீம் கோர்ட்
ஒரு முடிவு எடுக்கட்டும். மற்றவர்கள் கூறுவது போல
பத்மநாபசாமி கோவில் பாதாள அறைகளில், ஒரு லட்சம்
கோடி ரூபாய் மதிப்புள்ள நகைகள், ஆபரணங்கள் இல்லை.

ஆயிரம் கிலோ தங்க நகைகள் தான் உள்ளன என எங்கள்
முன்னோர் கூறியுள்ளனர்.

இவ்வாறு அவர் கூறினார்.
-
-------------------
தினமலர்

சீரமைப்பு பணிகளை மேற்கொள்ள கோவில் சொத்துக்களை 
மட்டும் பயன்படுத்த வேண்டும் என்பதோடு நின்று விட
கூடாது. சர்ச், மசூதி உள்ளிட்ட பிற வழிபாட்டு தலங்களுக்கு 
உரிய சொத்துக்களையும் இதற்கு பயன்படுத்தலாம் என்ற
எண்ணம் வர வேண்டும். 

நல்ல யோசனை வரவேற்போம்

இந்து மத கோயில்கள் விவகாரங்களில் கோர்ட் தலையிடுவதை வன்மையாகக் கண்டிக்கிறேன்..

மத விவகாரங்களில் தலையிட அவர்களுக்கு எந்த வித உரிமையும் இல்லை.

கோயில் பணத்தில் நிவாரணப் பணிகளை மேற்கொள்ள அரசுக்கு அதிகாரமில்லை.

Sent from Topic'it App

என்னே நல்ல எண்ணம் கோயில் சொத்து மேலே.ஒவ்வோர் அரசியல் வாதி
குடும்பமும் சேர்த்துவைத்துள்ள சொத்தை பற்றி நினைக்க முடியுமா. சாமி
ஒன்னும் சொல்ல மாட்டார் என்பதால் இப்படி கணக்கு போடுறீர்கள்.>>>>>>

சிவா wrote:இந்து மத கோயில்கள் விவகாரங்களில் கோர்ட் தலையிடுவதை வன்மையாகக் கண்டிக்கிறேன்..

மத விவகாரங்களில் தலையிட அவர்களுக்கு எந்த வித உரிமையும் இல்லை.

கோயில் பணத்தில் நிவாரணப் பணிகளை மேற்கொள்ள அரசுக்கு அதிகாரமில்லை.

Sent from Topic'it App

மேற்கோள் செய்த பதிவு: 1275663 நானும் வழிமொழிகிறேன் , எதற்கெடுத்தாலும் இந்து கோவில்களையே முற்றுகையிடுகிறார்கள்