என்.டி.ஆர். மகன் ஹரிகிருஷ்ணா விபத்தில் மரணம்: குடும்பத்துக்கே சாபமாக மாறிய நெடுஞ்சாலை

நல்கொண்டா:
என்டி ராமாராவின் மகனும், சந்திரபாபு நாயுடுவின்
மைத்துனருமான ஹரிகிருஷ்ணன் தெலங்கானாவில்
நிகழ்ந்த சாலை விபத்தில் சிக்கி உயிரிழந்தார்.

தெலங்கானா மாநிலம் நல்கொண்டா மாவட்டத்தில்
தேசிய நெடுஞ்சாலையில் நிகழ்ந்த இந்த விபத்தில்
உயிரிழந்த ஹரிகிருஷ்ணன் மாநிலங்களவை
உறுப்பினராக இருந்தவர்.

நெல்லூரில் நடைபெற்ற ரசிகரின் திருமணத்தில் கலந்து
கொண்டு வீடு திரும்பிக் கொண்டிருந்த போது இந்த
விபத்து நேரிட்டுள்ளது. முதற்கட்ட விசாரணையில்
வேகமாக வந்த கார் சாலைத் தடுப்பில் இடித்து எதிரே
வந்த வாகனத்தின் மீது மோதியிருக்கலாம் என்று
கூறப்படுகிறது.

காரை ஹரிகிருஷ்ணன் ஓட்டி வந்ததும் தெரிய வந்துள்ளது.
விபத்தில் படுகாயம் அடைந்த ஹரிகிருஷ்ணன் உடனடியாக
மருத்துவமனைக்குக் கொண்டு செல்லப்பட்டு சிகிச்சை
பலனின்றி உயிரிழந்ததாக மருத்துவர்கள் தெரிவித்தனர்.

காரில் வந்த மற்ற இருவரும் படுகாயங்களுடன்
மருத்துவமனையில் சிகிச்சை பெற்று வருகிறார்கள்.

1964ம் ஆண்டு ஸ்ரீகிருஷ்ணாவதாரம் என்ற தெலுங்கு படத்தில்
நடிகராகவும் அறிமுகமான ஹரிகிருஷ்ணா, தெலுங்கு
திரையுலகில் வழங்கப்படும் உயரிய விருதான நந்தி விருதைப்
பெற்றவர்.

மரணம் அடைந்த ஹரிகிருஷ்ணன், ஆந்திரா முதல்வர்
சந்திரபாபு நாயுடுவின் மைத்துனர் என்பது குறிப்பிடத்தக்கது.

துரதிருஷ்டவசமாக, இதே நெடுஞ்சாலையில்தான், 2014ம்
ஆண்டு ஹரிகிருஷ்ணாவின் 3வது மகன் நந்தமுரி
ஜானகிராம் சாலை விபத்தில் மரணம் அடைந்தார்.

ஹரி கிருஷ்ணாவின் மற்றொரு மகனும் பிரபல தெலுங்கு
நடிகருமான ஜூனியர் என்டிஆர் 2009ம் ஆண்டு இதே
நெடுஞ்சாலையில் விபத்தில் சிக்கி, படுகாயங்களுடன்
உயிர் தப்பினார்.
-------------------------
தினமணி

அதிவேகமாக வந்தது போல தெரிகிறது

சினிமா சேசிங் சீன போல வந்திருப்பார் 

100 இல் வந்தால் 108 இல் போகலாம்

120 --160 kmph இல் வண்டியை ஒட்டியதாக டைம்ஸ் ஆப் இந்தியா பதிவிட்டுள்ளது.
என்ன அவசரமோ ?
ரமணியன்

அவருக்கு காலனின் அழைப்பு வந்ததால் அவர் அவசரமாக சென்றார் அவ்வளவுதான் .

anikuttan wrote:அவருக்கு காலனின் அழைப்பு வந்ததால் அவர் அவசரமாக  சென்றார் அவ்வளவுதான் .

மேற்கோள் செய்த பதிவு: 1275844