கோவைக்காய் மருத்துவ குணங்கள்!

**சிவா** · **சிவா** Tue Aug 28, 2018 2:32 am

கோவைக்காயின் இலைகள், தண்டு, வேர், காய், கனி என அனைத்து பாகங்களும் மருத்துவ பயன்களை கொண்டுள்ளது. இவை #தோல்நோய்கள் ஆகியவற்றை குணப்படுத்தும் ஆற்றல் கொண்டது. நீரிழிவு நோய்க்கு #கோவைக்காய் நல்ல பலனை அளிக்கும்.

#நீரிழிவு நோயாளிகளின் இரத்தத்தில் சேரும் சர்க்கரை அளவைக் கோவைக்காய் கட்டுப்படுத்தும் என்று நிரூபிக்கப்பட்டுள்ளது. பரம்பரை காரணமாக நீரிழிவு நோய் இருப்பவர்கள் கோவைக்காயை 30 வயது முதலே உணவில் சேர்த்துக் கொண்டால் நல்லது. நீரிழிவு நோய் வராமல் தடுக்கலாம்.

கோவைக்காயை வாரம் இரண்டு நாள் உணவில் சேர்த்தால் வாய்ப்புண் குணமாகும். பச்சையாகவே கோவைக்காயை மென்று துப்பிவிட்டாலே #வாய்ப்புண் ஆறிடும். ஒரே ஒரு கோவைக்காயை எடுத்து மோருடன் அரைத்து குடித்தாலும் மேற்சொன்ன பலன்களை பெறலாம்.

கோவைக்காய் இலை மற்றும் தண்டு கபத்தை வெளியேற்றும். வலி குறைக்கும். இலை, தண்டு, கஷாயம் #மார்புச்சளி, #சுவாசக்குழாய் அடைப்பு இவற்றிற்கு நல்ல மருந்தாகும். இலைகளை வெண்ணெய்யுடன் கலந்து #புண்கள், பிற தோல்நோய்களை குணப்படுத்த உதவும்.

#கோவைப்பழம் கபத்தை உண்டாக்கும். சீக்கிரத்தில் ஜீரணமாகாது. ஆனால் மூச்சு இரைத்தல், #வாந்தி, வாய்வு, ரத்த சோகை, #பித்தம், #காமாலை முதலான பிரச்னைகளை குணப்படுத்தும். கடிகளால் ஏற்பட்ட காயங்களின் மீது கோவை இலையை அரைத்து வைத்துக் கட்டினால் புண் விரைவில் ஆறும்.

கோவைக்காய் பித்தம், ரத்தப் பெருக்கு, #வயிற்றில் உள்ள #பூச்சி ஆகியவற்றுக்கு நல்ல மருந்தாகும்.

SK · SK Tue Aug 28, 2018 3:15 pm

#கோவைப்பழம்

நான் சிறு பிள்ளையாக இருக்கும் பூங்காவிற்கு விளையாட செல்வோம் அங்கு வேலு மீது படர்ந்திருக்கும் கோவை செடியில் வேலியில் மாட்டி ஆடை கிழிந்து சிலசமயம் ரத்த காயத்துடன் பழங்களை பறித்து தின்று விளையாடுவோம்

இப்போது 1/2 கிலோ கோவைக்காய் 20 ருபாய்

**T.N.Balasubramanian** · **T.N.Balasubramanian** Tue Aug 28, 2018 3:38 pm

வடநாட்டில் இருந்த சமயத்தில்தான்(1976 ) கோவைக்காய்,
சமையலறை பக்கம் வந்தது.
பள்ளிக்கூடம் போகும் வழியில் கேட்பாரற்று முளைத்து கிடைக்கும்.
சிலேட்டில் (கற்பலகையில்) எழுதியதை அழிக்க பயன்படுத்துவோம்
எங்கள் காலத்தில் என்று என் தாயார் கூறுவதுண்டு.

ரமணியன்

**ayyasamy ram** · **ayyasamy ram** Tue Aug 28, 2018 3:41 pm

-

**ராஜா** · **ராஜா** Tue Aug 28, 2018 4:51 pm

T.N.Balasubramanian wrote:வடநாட்டில் இருந்த சமயத்தில்தான்(1976 ) கோவைக்காய்,
சமையலறை பக்கம் வந்தது.
பள்ளிக்கூடம் போகும் வழியில் கேட்பாரற்று முளைத்து கிடைக்கும்.
சிலேட்டில் (கற்பலகையில்) எழுதியதை அழிக்க பயன்படுத்துவோம்
எங்கள் காலத்தில் என்று என் தாயார் கூறுவதுண்டு.

ரமணியன்

நாங்களும் சிறுவயதில் சிலேட்டில் எழுதியதை அழிக்க தான் பயன்படுத்துவோம் , கத்தார் வந்த பிறகு தான் Tindli என்று கடைகளில் பார்த்தேன் , அட நம்ம கோவக்காய் என்று ஆச்சரியத்துடன் வாங்கினேன் , இப்ப வாரத்திற்கு ஓரிரு முறை கோவக்காய் சமையலில் உண்டு புன்னகை

Sponsored content · Sponsored content

கோவைக்காய் மருத்துவ குணங்கள்!

கோவைக்காய் மருத்துவ குணங்கள்!

Re: கோவைக்காய் மருத்துவ குணங்கள்!

Re: கோவைக்காய் மருத்துவ குணங்கள்!

Re: கோவைக்காய் மருத்துவ குணங்கள்!

Re: கோவைக்காய் மருத்துவ குணங்கள்!

Re: கோவைக்காய் மருத்துவ குணங்கள்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக