காதலில் விழுந்தேன்

சண்முகம்.ப · சண்முகம்.ப Mon 27 Aug 2018 - 17:55

ஏதோ
சதுரங்கக் காய்களை நகர்த்துவதுபோல்
சோற்றுப் பருக்கைகளுக்கு இடையே விரல் வைத்து
உணவருந்தத் தொடங்கினாள் அவள்.
நான் தூரத்தில் நின்றுப் பார்த்துக் கொண்டிருந்தேன்.

காற்றுவெளியில் கோடு கிழித்தபடிக்
கைத்துடுப்பு வீசிக் கால்களால் நீந்திச்
சாலையில் அவள் நடந்தாள்.
நான் தூரத்தில் இருந்தபடியே
பின் தொடர்ந்தேன்,

வார்த்தைகளை எண்ணி எண்ணி
என்னுடன் அவள் பேசும்பொழுதெல்லாம்
தூரத்தில் நின்றபடியே பதில்கொடுத்தேன்.
'அருகில் வா' என்று அழைத்தது அழகு;
நான் இன்னும் கொஞ்சம் விலகிச் சென்றேன்.

நான் அவளிடம் பேசும்
வார்த்தைகளுக்கு இடையே
காதல் சின்னஞ்சிறு தலைநீட்டி
எட்டிப்பார்த்தது;
கையை நீட்டி விளித்து
'கவனி என்னை' என்றது;
'கரம், சிரம், புறம் நீட்டாதே'
என்று கடிந்து கொண்டேன் நான்.

கவிதை எழுதச் சொல்லிக்
காகிதங்கள் அழைத்தன;
நான் வேண்டுமென்றே என்
பேனாவைத் தொலைத்தேன்.

பூங்கா நாற்காலியில்
அவள் விட்டுச் சென்ற கைக்குட்டை
எதேச்சையாய்த் தென்பட்டபோது
'வேண்டாம்' என்றும், 'எடுத்துக்கொள்' எனவும்
இருவேறு குரல்கள் மனதிற்குள்.
ஆனால், ஏனோ தெரியவில்லை,
என்னுடைய கைக்குட்டையையும்
அதனருகே விட்டுச் சென்றேன்.

அன்று அவள்
கனவில் வந்துவிட்டாள்;
மறுநாள் நான் அச்சத்தில்
தூங்காமல் விழித்திருந்தேன்.

காதலிக்கலாமே என்று
கெஞ்சியது நெஞ்சம்;
வேண்டாம் என மறுத்துவிட
வாயெடுத்தேன்;
சற்றுப் பின்வாங்கிச் சரியென்று
சம்மதித்தேன்.

**சிவா** · **சிவா** Mon 27 Aug 2018 - 17:59

கவிதை எழுதச் சொல்லிக்
காகிதங்கள் அழைத்தன;
நான் வேண்டுமென்றே என்
பேனாவைத் தொலைத்தேன்.

கவிதை அருமை, அதில் இந்த வரிகள் பாராட்டும்படி உள்ளது

**சிவா** · **சிவா** Mon 27 Aug 2018 - 18:01

தங்களின் கவிதையை மிக அழகாக வடிவமைத்துள்ளீர்கள். போட்டோஷாப்பில் செய்ததா?

சண்முகம்.ப · சண்முகம்.ப Mon 27 Aug 2018 - 18:31

சிவா wrote:தங்களின் கவிதையை மிக அழகாக வடிவமைத்துள்ளீர்கள். போட்டோஷாப்பில் செய்ததா?

மேற்கோள் செய்த பதிவு: 1275375

நன்றி.. இது கேன்வா.காம் என்ற வலைதளத்தில் வடிவமைத்தது.

**T.N.Balasubramanian** · **T.N.Balasubramanian** Mon 27 Aug 2018 - 19:40

அருமையாக உள்ளது .
அபரிமிதமான கற்பனை.
ரசிக்கும்படியாக இருக்கிறது.

அன்று அவள்
கனவில் வந்துவிட்டாள்;
மறுநாள் நான் அச்சத்தில்
தூங்காமல் விழித்திருந்தேன்.

காதலிக்கலாமே என்று
கெஞ்சியது நெஞ்சம்;
வேண்டாம் என மறுத்துவிட
வாயெடுத்தேன்;
சற்றுப் பின்வாங்கிச் சரியென்று
சம்மதித்தேன்.

ஆகவே இனிமேல் அச்சப் படாமல்
உறங்கி கனவிலும் அளவளாவுங்கள்.

ரமணியன்

இந்த பதிவைத் துவங்கியவர் நன்றி கூறியுள்ளார் T.N.Balasubramanian

**ayyasamy ram** · **ayyasamy ram** Mon 27 Aug 2018 - 21:34

**சிவா** · **சிவா** Tue 28 Aug 2018 - 16:55

சண்முகம்.ப wrote:
சிவா wrote:தங்களின் கவிதையை மிக அழகாக வடிவமைத்துள்ளீர்கள். போட்டோஷாப்பில் செய்ததா?
மேற்கோள் செய்த பதிவு: 1275375

நன்றி.. இது கேன்வா.காம் என்ற வலைதளத்தில் வடிவமைத்தது.

மேற்கோள் செய்த பதிவு: 1275379

https://www.canva.com/ மிக அருமையாக உள்ளது. அறியத்தந்தமைக்கு நன்றி.

SK · SK Tue 28 Aug 2018 - 18:58

பூங்கா நாற்காலியில்
அவள் விட்டுச் சென்ற கைக்குட்டை
எதேச்சையாய்த் தென்பட்டபோது
'வேண்டாம்' என்றும், 'எடுத்துக்கொள்' எனவும்
இருவேறு குரல்கள் மனதிற்குள்.
ஆனால், ஏனோ தெரியவில்லை,
என்னுடைய கைக்குட்டையையும்
அதனருகே விட்டுச் சென்றேன்.

அருமை நண்பா

Sponsored content · Sponsored content

காதலில் விழுந்தேன்

காதலில் விழுந்தேன்

Re: காதலில் விழுந்தேன்

Re: காதலில் விழுந்தேன்

Re: காதலில் விழுந்தேன்

Re: காதலில் விழுந்தேன்

Re: காதலில் விழுந்தேன்

Re: காதலில் விழுந்தேன்

Re: காதலில் விழுந்தேன்

Re: காதலில் விழுந்தேன்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக