தகவல்உரிமை சட்டம்: பயனடைந்தோருக்கு பரிசு

**ayyasamy ram** · **ayyasamy ram** Sun Aug 19, 2018 8:00 am

சென்னை: தகவல் அறியும் உரிமை சட்டத்தின் கீழ், அதிகம் பயனடைந்தவர்களுக்கு, ரொக்கம் மற்றும் நினைவுப் பரிசு வழங்கப்பட உள்ளது. இதை பெற விரும்புவோரிடமிருந்து, விண்ணப்பங்கள் வரவேற்கப்படுகின்றன.

தகவல் அறியும் உரிமை சட்டம், 2005 அக்., 12 முதல், ஜம்மு - காஷ்மீர் தவிர, மற்ற மாநிலங்கள் அனைத்திலும் அமலுக்கு வந்தது. இந்த சட்டத்தில், ஒவ்வொருவரும், தடை செய்யப்பட்ட மற்றும் வரையறுக்கப்பட்ட இனங்கள் குறித்த, தகவல்களை பெற, அதிகாரம் உள்ளது. தகவல் அறியும் உரிமை சட்டத்தின் கீழ், தகவல்கள் பெற்று, தனி நபர் கோரிக்கை அல்லது பொதுமக்கள் கோரிக்கை தொடர்பாக, அதிக அளவில் பயன் பெற்றவர்களுக்கு, அண்ணா மேலாண்மை நிலையம், ரொக்கத் தொகை மற்றும் நினைவுப் பரிசு வழங்க உள்ளது.

இதை பெற விரும்புவோர், இது தொடர்பான ஆவணங்கள் மற்றும் தகவல்களை, செப்., 14க்குள், 'சண்முகசுந்தரம், கூடுதல் இயக்குனர், அண்ணா மேலாண்மை நிலையம் மற்றும் பயிற்சித் துறை கூடுதல் இயக்குனர், 163/1, பி.எஸ்.குமாரசாமி ராஜா சாலை, ராஜா அண்ணாமலைபுரம், சென்னை' என்ற முகவரிக்கு, அனுப்பி வைக்கவும்.

உறையின் மேல், 'RTI ACT case studies for Award' என எழுதி, துரித தபால் அல்லது பதிவு தபால் வழியே, அனுப்பி வைக்கவும். தனி நபர் கோரிக்கை தொடர்பாக, 10 பேருக்கும், பொது மக்கள் கோரிக்கை தொடர்பாக, 10 பேருக்கும், தலா, 5,000 ரூபாய் ரொக்கம் மற்றும் நினைவுப் பரிசு வழங்கப்படும். தேர்வு செய்யப்பட்டவர்களுக்கு, தகவல் அறியும் உரிமை சட்டம் நாளான, அக்., 12ல் பரிசு வழங்கப்படும்.
-
தினமலர்

தகவல்உரிமை சட்டம்: பயனடைந்தோருக்கு பரிசு

தகவல்உரிமை சட்டம்: பயனடைந்தோருக்கு பரிசு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக