காந்திய சிந்தனை தேர்வு: 92.5 சதவீத மார்க் வாங்கிய தாதா

**ayyasamy ram** · **ayyasamy ram** Tue Aug 14, 2018 2:01 pm

நாக்பூர்:
நாக்பூர் சிறையில் அடைக்கப்பட்டுள்ள தாதா அருண் காவ்லி,
காந்திய சிந்தனை தேர்வில் 92.5 சதவீத மதிப்பெண்கள்
பெற்றுள்ளார்.

ஆயுள் தண்டனை

மும்பையை சேர்ந்த பிரபல தாதா அருண் காவ்லி.
பல்வேறு குற்றச் சம்பவங்களில் தொடர்புடைய இவர்,
சிவசேனா கட்சி பிரமுகரை கொலை செய்த வழக்கில்
ஆயுள் தண்டனை பெற்று நாக்பூர் சிறையில்
அடைக்கப்பட்டுள்ளார்.

திருத்துவதற்காக தேர்வு

இந்நிலையில், கைதிகளை திருத்துவதற்காக, நாக்பூரில்
உள்ள சயோக் டிரஸ்ட் மற்றும் சர்வோதய ஆஸ்ரமம்
சார்பில், சிறையில் காந்திய சிந்தனை தேர்வு நடந்தது.
இதனை, அருண் காவ்லியும் எழுதினார்.

மொத்தம் 80 மதிப்பெண்களுக்கு நடந்த தேர்வில்,
அவர், 74 மதிப்பெண்கள் பெற்றுள்ளார்(92.5 சதவீதம்)

இது தொடர்பாக சிறை அதிகாரி ராணி போன்சாலே
கூறுகையில், ஒவ்வொரு வருடமும், இந்த தேர்வு நடக்கும்.
தேர்விற்கு தேவையான புத்தகங்கள் ஒரு மாதத்திற்கு
முன்னரே, கைதிகளிடம் வழங்கப்பட்டது.

காந்தியின் சிந்தனைகள் மற்றும் அவரது வாழ்க்கை
குறித்து தெரிந்து கைதிகள் கொள்ளவே, தேர்வு
நடத்தப்படுகிறது என்றார்.

ஆசிரமம் நிர்வாகி ஒருவர் கூறியதாவது:
ஒரு மணி நேரம் இந்த தேர்வு நடக்கும். அருண் காவ்லி,
புத்தகத்தை தானாக படித்ததுடன், சிறையில் உள்ள
ஆசிரியர்களிடம் தனக்கு ஏற்பட்ட சந்தேககங்களை
கேட்டு தெரிந்து கொண்டார்.

மற்ற கைதிகள், வழிபாட்டு கூடத்தில் அமர்ந்து தேர்வு
எழுதினர். அருண் காவ்லி மட்டும்,சிறையில் உள்ள
அவரதுஅறையில் அமர்ந்து தேர்வு எழுதியதாக கூறினார்.
-
---------------------
தினமலர்

SK · SK Tue Aug 14, 2018 2:23 pm

மற்ற கைதிகள், வழிபாட்டு கூடத்தில் அமர்ந்து தேர்வு
எழுதினர். அருண் காவ்லி மட்டும்,சிறையில் உள்ள
அவரதுஅறையில் அமர்ந்து தேர்வு எழுதியதாக கூறினார்.

அப்போ ஓபன் புக் டெஸ்ட் எழுதி இருப்பாரோ ஒன்னும் புரியல

காந்திய சிந்தனை தேர்வு: 92.5 சதவீத மார்க் வாங்கிய தாதா

காந்திய சிந்தனை தேர்வு: 92.5 சதவீத மார்க் வாங்கிய தாதா

Re: காந்திய சிந்தனை தேர்வு: 92.5 சதவீத மார்க் வாங்கிய தாதா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக