பொன்மொழிகள் – ஸ்ரீஅன்னை

**ayyasamy ram** · **ayyasamy ram** Wed Aug 29, 2018 7:35 am

-
பொன்மொழிகள்
* பொறாமை என்பது குறுகிய மனப்பான்மை உள்ளவர்களுக்கும், மனதைரியம் இல்லாதவர்களுக்கும் வரும் உணர்வு. அவர்களைப் பார்த்துப் பரிதாபம்தான் படமுடியும்.

* மனம் வேலை செய்யத் தொடங்கிவிட்டால்,
அது அருளின் செயலுக்குத் தடையாக ஆகிவிடுகிறது.

* பிராணனிலும் உடலிலும் உதவியைப் பெறுவதற்குத்
தடையாக இருப்பது உனது மனம்தான்.
துள்ளல் போடும் இந்த மனதை உன்னால் முடிந்தமட்டும்
அமைதிப்படுத்து, பலன் உண்டாவதை நீ காண்பாய்.

* தற்பெருமை பேசுவது, உங்கள் முன்னேற்றத்துக்கு
முதல் தடையாகும்.

* சுயநலம், சுயபரிதாபம் இவை இரண்டும் கடவுளின்
உதவி மற்றும் அன்பைப் பெறுவதற்குத் தடையாக
இருக்கின்றன.

* உனது உண்மையான தேவைகள் அனைத்தும்
உன்னைத் தேடி வரும்.

* உனது மனஅழுத்தத்துக்கு முக்கியத்துவம் தராதே .
மனஅழுத்தம் தரக்கூடிய எந்த ஒரு விஷயமும்
உனக்கு நடக்கவில்லை என்று நினைப்பதுதான்,
அதில் இருந்து வெளியே வருவதற்கான ஒரே வழி.

* மனம் மிகவும் மந்தமாக இருப்பதால்,
சௌகரியமான விடைகள் வேண்டுமென்று கேட்கிறது.
ஆனால், உண்மை அப்படி இல்லை. ஒவ்வொன்றும்
வேறுபடுகிறது.

* உனது சந்தேகங்களுக்கு விடை கொடுத்துவிடு.
அவை உனக்கு எந்த வகையிலும் உதவப்போவதில்லை.

* சில சமயங்களில் அமைதியாக இருப்பதைக்காட்டிலும்,
எது உண்மையோ அதை உள்ளபடியே கவனமாகப்
பேசுவது நல்லது.

* இறைவனுக்கு நன்றி செலுத்துவதன் மூலம் மூடிய
அனைத்து கதவுகளையும் நீ திறக்கலாம்.
–
—————————–
தொகுப்பு கி.சந்தூரி

-விகடன்

SK · SK Wed Aug 29, 2018 5:28 pm

* உனது மனஅழுத்தத்துக்கு முக்கியத்துவம் தராதே .
மனஅழுத்தம் தரக்கூடிய எந்த ஒரு விஷயமும்
உனக்கு நடக்கவில்லை என்று நினைப்பதுதான்,
அதில் இருந்து வெளியே வருவதற்கான ஒரே வழி

அருமை ஐயா

பதிவுக்கு நன்றி