இந்த வார டிப்ஸ்

டாகுமெண்ட் உருவான நாள்
வேர்டில் பல டாகுமெண்ட்களை
உருவாக்குகிறோம். சில வேளைகளில் எந்த நாளில் ஒரு டாகுமெண்ட்டைத்
தயாரித்தோம் என்று தெரிய வேண்டியதிருக்கும். உருவாக்கிய பின் பலமுறை
அதனைப் படித்திருப்போம். பல மாற்றங்களை ஏற்படுத்தியிருப்போம். இருப்பினும்
உருவாக்கிய முதல் நாளைத் தெரிந்து கொண்டால் அதன் அடிப்படையில் பல
மாற்றங்களை மேற்கொள்ள முடிவு செய்திருப்போம். எங்கு இந்த தேதி கிடைக்கும்?

வேர்டில் இந்த வசதி தரப்பட்டுள்ளது. டாகுமெண்ட்டைத் திறந்து கொள்ளுங்கள். பின் Insert மெனு கிளிக் செய்து அதில் Field என்பதைத் தேர்ந்தெடுங்கள். இப்போது Field டயலாக் பாக்ஸ் காட்டப்படும். இதில் Field Names என்று ஒரு பெட்டி இருக்கும். இதில் ஸ்குரோல் செய்து கீழாகச் செல்லுங்கள். அங்கு Create a Date என்று
ஒரு பீல்டு காட்டப்படும். இதனைத் தேர்வு செய்தால் உடன் எந்த பார்மட்டில்
தேதி காட்டப்பட வேண்டும் என்பதனைத் தேர்வு செய்திட பல பார்மட்கள்
வரிசையாகக் காட்டப்படும். இதில் கிழமையுடன் கூடிய தேதி பார்மட்டும்
இருக்கும். நீங்கள் விரும்பும் பார்மட்டி னைத் தேர்ந்தெடுத்து ஓகே கிளிக்
செய்தால், அந்த டாகுமெண்ட் உருவாக் கபப்ட்ட முதல் நாள், டாகுமெண்ட்டில்
கர்சர் உள்ள இடத்தில் சேர்க்கப்படும்.




வேர்ட் டாகுமெண்ட்டில் ஒரு வரி டெக்ஸ்ட்டை டைப் செய்துவிட்டீர்கள்.
அப்புறம் தான் தெரிகிறது. அந்த வரி தேவையில்லையே என்று. உடனே என்ன
செய்யலாம்? பின்னால் உள்ள கர்சரை பேக் ஸ்பேஸ் கீ மூலம் தட தட தட் என்று
தட்டிக் கொண்டே செல்லுகிறீர்களா? ஏன், சார் இந்த வேலை? வரியின்
தொடக்கத்தில் கர்சரைக் கொண்டு செல்லுங்கள். பின் ஷிப்ட் + என்ட் கீகளை
அழுத்துங்கள். வரியின் முடிவு வரை தேர்ந்தெடுக்கப்படும். அடுத்து பேக்
ஸ்பேஸ் அல்லது டெலீட் அழுத்துங்கள். ஏன், ஸ்பேஸ் கீ அழுத்தினாலும்
தேர்ந்தெடுக்கப்பட்ட வரி அழிக்கப்படும். மின்னஞ்சல் கடிதங்களை
சுருக்கமாகவும் நேரடியாக விஷயத்தைத் தெரிவிப்பதாகவும் அமைத்திடுங்கள்.
ஒன்றுக்கு மேற்பட்ட பைல்களை மின்னஞ்சலுடன் இணைப்பாகத் தர எண்ணினால் அவற்றை
ஸிப் செய்து அனுப்பவும். அப்போது தான் கடிதத்தினைப் பெறுபவர் அனைத்து
பைல்களையும் பெறுவது உறுதிப் படுத்தப்படும். இல்லை என்றால் ஒன்று கிடைத்து
ஒன்று கிடைக்காமல் போகலாம்.
* ஒன்றுக்கு மேற்பட்ட விண்டோக்களில்
செயலாற்றிக் கொண்டிருக்கையில் திரையில் தோன்றும் விண்டோவினை பின்னுக்குத்
தள்ளி மற்றதை முன்னுக்குக் கொண்டு வர Alt+ ESC அழுத்தவும்.



கம்ப்யூட்டர் பயன்பாட்டில் ஒரே செயலுக்கு இரு
வேறு கீ தொகுப்புகளைப் பயன்படுத்தலாம். இவற்றில் நமக்கு அடிக்கடி
தேவைப்படும் ஜோடி கீகளையும் அவற்றிற்கான செயல்பாடுகளையும் இங்கு
பார்க்கலாம்.
செய்ததை நீக்க (Undo) – Ctrl +Z,


தேர்ந்தெடுத்ததை நீக்க (Cut) – Ctrl +X
நகலெடுக்க (Copy) – Ctrl +C


எடுத்ததை ஒட்ட Ctrl +V


இந்தச் செயல்களை வேறு சில கீகளை அழுத்தியும் மேற் கொள்ளலாம். அவை:
Ctrl +Z = AltBackspace
Ctrl +X = ShiftDel
Ctrl +C = CtrlIns
Ctrl +V = ShiftIns
அடிக்கோடிட
வேர்ட் தொகுப்பில் உருவாக்கும் டாகுமெண்ட்களில் பல சொற்களில் அன்டர்லைன்
செய்கையில் சொற்களுக்கு இடையே கோடில்லாமல் சொற்களுக்கு மட்டும் கோடிட Ctrl + Shift + W என்ற கீகளை அழுத்தவும்.