இப்போதாவது அப்பா என்று அழைக்கட்டுமா தலைவரே.. ஸ்டாலினின் உருக்கமான கடிதம்!

by **ayyasamy ram** Wed Aug 08, 2018 8:26 am

-

சென்னை: எப்போதும் தலைவர் என்றே அழைப்பேன்,
ஒருமுறை இப்போதாவது அப்பா என்று அழைக்கட்டுமா
தலைவரே என்று கருணாநிதியின் மகனும், திமுக செயல்
தலைவருமான மு.க. ஸ்டாலின் தனது டுவிட்டரில்
உருக்கமான கடிதம் ஒன்றை வெளியிட்டுள்ளார்.

திமுக தலைவர் கருணாநிதி குறித்து ஸ்டாலின்
டுவிட்டரில் எழுத்தியுள்ள உருக்கமான கடிதத்தில்,
-
எங்கு சென்றாலும் சொல்லி விட்டுச் செல்லும்
எனது ஆருயிர்த் தலைவரே, இம்முறை ஏன்
சொல்லாமல் சென்றீர்கள்?
-
என் உணர்வில், என் உடலில் ரத்தத்தில்,
சிந்தனையில் இதயத்தில் இரண்டறக் கலந்து விட்ட
தலைவா! எங்களையெல்லாம் இங்கேயே
ஏங்கவிட்டு எங்கே சென்றீர்கள்?
-
"ஓய்வெடுக்காமல் உழைத்தவன் இதோ ஓய்வு
கொண்டிருக்கிறான்" என்று நினைவிடத்தில் எழுத
வேண்டும் என்று 33 ஆண்டுகளுக்கு முன்பே
எழுதினீர்கள். இந்த தமிழ் சமூகத்துக்காக
இடையறாது உழைத்தது போதும் என்ற மன நிறைவுடன்
புறப்ப்பட்டு விட்டீர்களா?
-
95 வயதில், 80 ஆண்டு பொதுவாழ்வுடன்
சளைக்காமல் ஓடி, "நாம் தாண்ட வேண்டிய உயரத்தை
யார் தாண்டுவார்கள் பார்ப்போம்' என்று போட்டி
வைத்துவிட்டு மறைந்து காத்திருக்கிறீர்களா?
-
திருவாரூர் மண்ணில் உங்கள் 95வதுபிறந்தநாளாம்
சூன் 3ஆம் நாள் நான் பேசும்போது, 'உங்கள்
சக்தியில் பாதியைத் தாருங்கள்'என்றேன். அந்த சக்தியையும்,
பேரறிஞர் அண்ணாவிடம் நீங்கள் இரவலாகப் பெற்ற
இதயத்தையும் யாசிக்கிறேன்.
தருவீர்களா தலைவரே!
-
அந்தக் கொடையோடு, இன்னும் நிறைவேறாத
உங்கள் கனவுகளையும், இலட்சியங்களையும்
வென்று காட்டுவோம்.
-
கோடானுகோடி உடன்பிறப்புகளின் இதயத்திலிருந்து
ஒரு வேண்டுகோள்.... ஒரே ஒரு முறை...
"என் உயிரினும் மேலான அன்பு உடன்பிறப்புகளே...!"
என்று சொல்லுங்கள் தலைவரே! அது ஒரு
நூறாண்டு எங்களை இனமொழி உணர்வோடு
இயங்க வைத்திடுமே!
-
"அப்பா அப்பா" என்பதை விட, "தலைவரே தலைவரே"
என நான் உச்சரித்ததுதான் என் வாழ்நாளில் அதிகம்.
அதனால் ஒரே ஒருமுறை, இப்போது 'அப்பா'
என்று அழைத்துக்கொள்ளட்டுமா தலைவரே?
-
கண்ணீருடன்
மு.க.ஸ்டாலின்

இந்த கடிதம் திமுக தொண்டர்களை கலங்கடித்துள்ளது.

-----------------
தினமணி

by Mr.theni Wed Aug 08, 2018 1:54 pm

குடும்ப அரசியலுக்கான அத்திவாரம். - தலைவரே என்று அழை.

by சிவனாசான் Wed Aug 08, 2018 7:08 pm

அயராது அறுபதாண்டு காலம் அயராது உழைத்து மூன்று
குடும்பத்தாருக்கும் விண்னை முட்டும் அளவிற்கு சொத்து
சேர்த்துகொடுத்துத்தான் சென்றார் அவர்எதையும் கொண்டு
செல்லவில்லை என்பதை யூடூப்பில் ௨௫௪ ஆவணங்களின்
விவரங்களை வாசிக்ககேட்டு பிர்மித்திப்போனேன்.ஆனாலும்
வருத்தம் தான் நாறாண்டு வாழலியேஎன.செய்த புண்ணியம்
அவ்வளவுதான்.

by **மாணிக்கம் நடேசன்** Fri Aug 10, 2018 1:22 pm

இவ்வளவு நாளா வீட்ல என்னா மாமா ன்னா கூப்பிட்டாரு??? ஏன் இவங்களுக்கு இப்படோ ஒரு கேவல நடிப்பு.

by **T.N.Balasubramanian** Fri Aug 10, 2018 4:25 pm

"கனவில் வந்தார்
அப்பா என்றேன்
தலைவா என்றார் "

எந்தன் இப்போதாவது அப்பா என்று அழைக்கட்டுமா தலைவரே.. ஸ்டாலினின் உருக்கமான கடிதம்! Images?q=tbn:ANd9GcRw3FXtYXjD0ubMJ5LW7SSnnB3lf73KsQ7Vn9bWEcbN6b4tPSIX