நந்தி ரகசியம் .......

by udhayam72 Tue Aug 07, 2018 9:34 pm

நந்தி ரகசியம் .......

இந்த தகவல் நந்தி ஈஸ்வர சுவாமிகளை பற்றியது .....

சிவ பெருமானை சுமக்கும் விடை என்னும் நந்தி பெருமாளின் அவதாரம் என்று நூல்கள் சொல்கிறது .
திரிபுரத்தை ஆட்சி செய்த அசுரனை அழிக்க கிளம்பிய பெருமனருக்கு உதவும் வகையில் பெருமாள் விடையாக உருவாகிறார் என்று திருச்சி
எறும்பிஸ்வரர் கோவில் புராணத்தில் உள்ளது .

பாறைகளை சிலை செய்ய தேர்வு செய்யும் பொழுது 32 லச்சனம்களை ஆராய்ந்து அதை சிலை செய்ய சிற்பிகள் தேர்ந்து எடுப்பார்கள் .

தேரை உள்ள பாறைகளை தன்னுடைய ஞானத்தால் அறிந்து இவைகள் ஒச்சம் உள்ளது என்று ஒதுக்கி விடுவார்கள் .

இப்படி தேர்வான பாறைகளை கொண்டு சிலைகள் செய்யப்பட்டு கோவிலில் ஆகம முறைப்படி அமைக்கபட்டாலும் அவைகளுக்கு உயிர் சக்தி தர சித்தர்கள் அல்லது மகான்கள் அரசனால் அழைக்கப்பட்டு சிலைகளுக்கு மந்திர பிரதிஷ்டை செய்யப்படும் என்று சில நூல்கள் சொல்கிறது .

இதை பற்றி ஒரு சம்பவம் ......

பல்லவ மன்னன் கட்டிய கோவிலுக்கு அழைத்து வரப்பட்ட சித்தர் நந்தியின் சிற்பத்தை பார்த்து 32 அம்சத்துடன் உள்ள இந்த நந்தி உயிர் பெறட்டும் என்று அதன் காதில் மந்திரம் சொல்ல கல்நந்தி உயிர் பெற்று
எழுந்து கோவிலை விட்டு வெளியே போய் ஊரில் உள்ள நிலத்தில் பயிர்களை உன்ன துவங்கியது .

பயந்த பக்தர்கள் ,மக்கள் ,அரசனிடம் முறையிட அரசன் சித்தரிடம்
முறையிட சித்தர் நந்தியை பிடித்து வரசொல்லி அதை ஒரு மண்டபத்தில் கட்டி அதன் காதில் மந்திரம் சொல்லி மீண்டும் கல் ஆனது .
பிறகு அதன் கால்களில் உள்ள நகத்தை உடைத்து விட சொல்லி விட்டு காட்டிற்கு சென்று விட்டார் .

அன்று முதல் பக்தர்கள் நந்தியின் காதுகளில் தன் குறைகளை சொல்லி
வருகிறார்கள் .
இப்படி செய்வது தவறு .
நந்தியின் காதுகளில் பஞ்சாட்சர மந்திரம் மட்டும் தான் சொல்ல வேண்டும் .

பிரதோஷ வேளையில் நந்தி சுவாமிக்கு

அரைத்த சந்தனத்தால் அபிஷேகம் செய்தால் சந்தான விருத்தி ஏற்படும் .
தேனால் அபிஷேகம் செய்தால் செவ்வாய் தோஷம் சமம் படும் .(இவைகள் சிறப்பு பலன்கள் )
அவருக்கு பட்டு துண்டு பரிவட்டம் கட்டினால் மதிப்பு மரியாதையை
ஏற்படும் .
கரும் சிவப்பு துண்டு பரிவட்டம் கட்டினால் நமக்கு குருவாக வருவார் .
நந்தியின் இரு கொம்பின் வழியாக பெருமானை தரிசனம் செய்ய நாயன்மார்கள் நமக்கு அருள் செய்வார்கள் .

மந்திரத்தை உச்சரிக்கும் பொழுது நந்தியின் முன் நின்று சொல்லும்பொழுது தவறுகள் இருந்தால் மன்னிக்கபடும்.

அகத்தியர் சொல்கிறார் எந்த மந்திரத்தை வீட்டில் சொன்னாலும் நந்தியின்
சிலை மீது பூக்கள் தூவி மந்திரம் சொல்லலாம் .
நந்தியின் வயிற்றில் பல கோடி மந்திரம் உள்ளது என்றும் அவைகள் ரிஷிகளுக்கும் ,சித்தர்களுக்கும் ,பிறகு இவர்கள் வழியாக பூமிக்கு
வந்தது என்று சொல்கிறார் .

நந்திஸ்வரர் வழிபாடு பல தீர்வுகள் நமக்கு தரும் என்பது உண்மை .