உலக மசாலா - வித்தியாசமான காதலர்கள்

ஹோண்டுராஸைச் சேர்ந்த ரோசா காஸ்டெல்லனோயாஸும்
மெல்வின் மென்டோஸும் காதலர்கள்.

ரோசா தான் கர்ப்ப மாக இருப்பதாகச் சொல்லி,
மெல்வினிடமிருந்து பிரிந்து, வேறு ஒரு நகரில் 9 மாதங்கள்
வசித்தார். கடந்த வாரம் மருத்துவமனையில் சேர்ந்து,
இரட்டைக் குழந்தைகளைப் பெற்றெடுத்தார்.

மெல்வினை அலைபேசியில் அழைத்து, இரண்டு குழந்தைகளில்
ஒன்று பிரசவத் தின்போது இறந்துவிட்டதாகவும் மற்றொரு
குழந்தை, மருத்துவர்களின் சிறப்புக் கண்காணிப்பில்
வைக்கப்பட்டிருப்பதாகவும் சொன்னார்.

மூடப்பட்ட சிறு கூடையுடன் சனிக்கிழமை வீடு திரும்பினார்.
மெல்வினும் அவரது நண்பர்களும் குழந்தையின் இறுதிச்
சடங்கு நிகழ்ச்சிக்காக வந்திருந்தனர். கூடையைத் திறந்து
குழந்தையின் முகத்தைப் பார்க்க வேண்டும் என்று கேட்டனர்.

கூடையைத் திறக்கக் கூடாது என்று மருத்துவர்கள்
எச்சரித்திருப்பதாகச் சொன்னார் ரோசா. சடங்குகள்
நடத்தப்பட்டு, கூடை புதைக்கப்பட்டது. மெல்வினின்
நண்பர்களுக்கு ரோசா பொய் சொல்கிறார் என்று தோன்றியது.

அதனால் இரவில், புதைத்த கூடையை வெளியே எடுத்தனர்.
திறந்து பார்த்தபோது, ஒரு பொம்மை இருந்தது.
எல்லாவற்றையும் வீடியோ எடுத்து, மெல்வினிடம் காட்டினார்கள்.

ரோசா கர்ப்பமாகவே இருக்கவில்லை. எல்லோரையும்
ஏமாற்றியிருக்கிறார். காவல் துறையில் புகார் கொடுக்க
வேண்டும் என்றார்கள்.

“ரோசா மீது புகார் கொடுக்க நான் விரும்பவில்லை.
என் நண்பர்கள் கண்டுபிடித்தது நிஜமாகவே இருந்தாலும்
அதுவும் நல்லதுதான். இரண்டாவது குழந்தை பிறந்து
இறந்ததைவிட, பிறக்காமல் இருப்பது மகிழ்ச்சியளிக்கிறது”
என்கிறார் மெல்வின்.
-
--------------------------------------
தி இந்து