வெங்காயச் சட்னி

by **ayyasamy ram** Thu Aug 02, 2018 1:27 pm

தேவையான பொருள்கள்
--
பெரிய வெங்காயம் - ஒன்று
கடலைப் பருப்பு - அரை மேசைக்கரண்டி
புளி - சிறு நெல்லிக்காய் அளவு
பெருங்காயம் - குண்டு மணி அளவு
தனியா - அரை மேசைக்கரண்டி
மிளகாய் வற்றல் - 2
உப்பு - அரை தேக்கரண்டி
எண்ணெய் - 2 தேக்கரண்டி
--
செய்முறை
--

பெரிய வெங்காயத்தை தோல் உரித்து சிறு சிறுத்
துண்டுகளாக நறுக்கிக் கொள்ளவும். வாணலியில்
எண்ணெய் விட்டு காய்ந்ததும் பெருங்காயத் துண்டைப்
போட்டு பொரித்து அதில் கடலைப் பருப்பு, தனியா,
மிளகாய் வற்றல் போட்டு 2 நிமிடம் வறுத்து எடுக்கவும்.

பிறகு அதில் வெங்காயத்தை போட்டு 2 நிமிடம் வதக்கி
எடுத்துக் கொள்ளவும். ஆறியதும் மிக்ஸியில்
வதக்கியவற்றை போட்டு புளி, உப்பு சேர்த்து கால் கப்
தண்ணீர் ஊற்றி அரைத்து எடுக்கவும்.

சுவையான வெங்காய சட்னி தயார்.
-
----------------------------------
மகளிர் மணி

*