ஹைக்கூக்கள்

by வித்யாசாகர் Thu Dec 17, 2009 8:31 pm

First topic message reminder :

கரையும் காகமாக
கவிதைகள் கதறுகின்றன;
கடக்கும் காற்றாகவே
காதுகளில் ஓசையோடு நாம்!

by வித்யாசாகர் Wed Dec 23, 2009 2:49 pm

நீ சற்று தள்ளி நின்று
விடை பெறுவதாக சொன்னாய்
இதயம் உனக்கு முன்னே ஓடி
உன் -
பார்வைக்குள்ளேயே சிக்கிக் கொண்டது பார்....

by வித்யாசாகர் Wed Dec 23, 2009 2:49 pm

நீ என்னிடம் பேச துடிக்கும்
உன் மனசை
உன் பார்வையால் -
மறைக்க முடிய வில்லை தான்!

by வித்யாசாகர் Wed Dec 23, 2009 2:50 pm

உன்னிடம் கேட்காமல் தான்
பார்வையிலுன் இதயம் தொட்டேன்
நான் தோட்ட -
உன் இதயமெலாம்
இனி காதலாய் பூக்காதா!!

by செந்தில்குமார் Wed Dec 23, 2009 2:50 pm

வித்யாசாகர் wrote:உன்னிடம் பேசிடாத
வார்த்தைகளை
கோர்த்துவைக்கிறேன்
வெறும் கடிதமென
கிழித்துவிடாதே!

அருமை அண்ணா

by வித்யாசாகர் Wed Dec 23, 2009 2:51 pm

என் இதய தெருவில்
உன் நினைவின் பூக்களாய்
தூவி இருக்கிறேன்
உன் பூம்பாதம் - நோகிடாதோ - யென
பூக்களை வேண்டுமெனில்
விட்டுவிடு;
இதயத்தை தொட்டு விடவாவது
ஒருமுறை வந்து போ..!

by வித்யாசாகர் Wed Dec 23, 2009 2:51 pm

யாருமே -
தொட்டிடாத இடம்
லேசாகத் தான்
தட்டினாய் - உன் பார்வையில்
படக்கென திறந்ததென் இதயம்!

by வித்யாசாகர் Wed Dec 23, 2009 2:51 pm

காதலுக்கு எந்த
இலக்கணமும் நான்
கற்கவில்லையடி -
உன்னை பார்த்ததை தவிர!

by வித்யாசாகர் Wed Dec 23, 2009 2:52 pm

சொட்டு சொட்டாகத் தான்
சொட்டுகிறதென் கண்ணீர்
அது உயிருமென -
உனக்கு புரிந்திருந்தால்
நீயும் காதலித்திருப்பாயே!

by வித்யாசாகர் Wed Dec 23, 2009 2:52 pm

அதோ உனக்காக
நான் சேர்த்து வைத்த
கனவுகளையெல்லாம் -
உன் சிரிப்பினை தொட்டுப் பறக்கும்
பட்டாம் பூச்சியோடு பறக்க விட்டுவிட்டேன்;
மீண்டும் நீ -
என்னை பார்த்து சிரிக்காமலா
போவாய்;
சிரித்தால் ஒரு பட்டாம் பூச்சியை
இனமாகத் தருகிறேன்,
அதை பிடித்து உன் இதயத்தில்
பறக்கவிடு -
அது பறக்கையில் உதிரும்
வண்ணங்களில்..
என் கனவுகள் மீண்டும் உனக்காய் பூ பூக்கும்!