உணவுக்கு மட்டுமா உப்பு…

-
உப்பு, வேறு எதற்கெல்லாம் பயன்படுகிறது என்பதை பார்ப்போம்:

பாதம் நனையும் அளவுக்கு ஒரு அகலமான பாத்திரத்தில்,
மிதமான சூட்டில், வென்னீர் எடுத்து, அதில் கல் உப்பு
மற்றும் எலுமிச்சை சாறு கலந்து, 10 நிமிடங்கள், பாதங்களை
நீரில் வைக்கவும். இதை, தொடர்ந்து செய்து வந்தால்,
கால்கள் மிருதுவாகவும், பளிச்சென்றும் இருக்கும்.
கால் வலி இருந்தாலும் பறந்து போகும்.

* கேரட், பீட்ரூட் வாடிப் போனால், நறுக்குவது சிரமமாக
இருக்கும். அவற்றை, உப்பு கலந்த நீரில், சிறிது நேரம்
போட்டு வைத்தால், ப்ரஷ்ஷாகி விடும்; நறுக்குவதும்
எளிதாக இருக்கும்.

* ஒரு பக்கெட் தண்ணீரில், ஒரு கப் கல் உப்பு சேர்த்து,
அதில் ஜீன்சை ஊற வைத்து பின் துவைத்தால், கலர் மாறாமல்
அப்படியே நீடித்திருக்கும். முதல் முறை மட்டுமல்ல, ஒவ்வொரு
முறை துவைக்கும் முன்பும் இப்படி செய்யலாம்.

* பண்டிகைக்கு செய்த பட்சணங்கள் மீதமிருந்தால், நீண்ட
நாட்கள், அவை சிக்கு வாடை அடிக்காமல் இருக்க, துண்டு
துணியில், ஒரு கைப்பிடி கல் உப்பை போட்டு, பட்சணங்கள்
வைத்துள்ள பாத்திரத்தில், பட்சணத்திற்கு அடியில் போட்டு
வைக்கவும்.

* குத்து விளக்கை, முதலில் பழைய செய்தித்தாளால் துடைத்து,
பின், புளி மற்றும் உப்பால் தேய்த்து கழுவினால், எண்ணெய்
பிசுக்கு நீங்கி, விளக்கு, ‘பளிச்’சென்று ஆகி விடும்.

* புடவைகளுக்கு அடிக்கும் பால்ஸ்களை, முதலில் உப்பு கலந்த
நீரில் ஊற வைத்து, உலர வைத்து, பின் அயர்ன் செய்து தைத்தால்,
சாயமும் போகாது; ஓரமும் சுருங்காது.

* சமையல் அறையில் பாத்திரங்கள் கழுவும் தொட்டியில்
நீர் போகாமல் அடைத்துக் கொண்டிருக்கிறதா… சிறிது கல்
உப்பை, இரவில் போட்டு வையுங்கள். காலையில் நீர்
அடைப்பு இருக்காது.

* ப்ரிஜ்ஜில் இருக்கும் ப்ரிசரில், சிறிது கல் உப்பை துாவி
வைத்தால், ஐஸ் கட்டி டிரேக்களை எளிதில் எடுக்கலாம்.

* சட்டைக் காலர்களில் அழுக்கு படிந்திருந்தால், சிறிது பொடி
உப்பை, அழுக்கு உள்ள பகுதிகளில் பூசி, சிறிது நேரம் கழித்து,
பிரஷ்ஷில் தேய்த்தால், அழுக்கு நீங்கி விடும்.
–
—————————-
வாரமலர்

ஊருக்காய்க்கு நிறைய தேவை. கெடாமல்
நீண்ட நாள் இருக்கும். மருந்தாகவும்
பயன்படுகிறது.

பண்டிகைக்கு செய்த பட்சணங்கள் மீதமிருந்தால், நீண்ட
நாட்கள், அவை சிக்கு வாடை அடிக்காமல் இருக்க, துண்டு
துணியில், ஒரு கைப்பிடி கல் உப்பை போட்டு, பட்சணங்கள்
வைத்துள்ள பாத்திரத்தில், பட்சணத்திற்கு அடியில் போட்டு
வைக்கவும்.

 

பயனுள்ள தகவல் நன்றி

பண்டிகைக்கு செய்த பட்சணங்கள் மீதமிருந்தால், நீண்ட
நாட்கள், அவை சிக்கு வாடை அடிக்காமல் இருக்க, துண்டு
துணியில், ஒரு கைப்பிடி கல் உப்பை போட்டு, பட்சணங்கள்
வைத்துள்ள பாத்திரத்தில், பட்சணத்திற்கு அடியில் போட்டு
வைக்கவும்.

நாங்க சந்திக்கும் பெரிய பிரச்சினை இது தான் , ஊரில் இருந்து வரும்போது பேராசையில் அதிகம் வாங்கி வரும் இந்திய இனிப்பு + கார வகைகள் சில நாட்களிலேயே சிக்கு வாடை அடித்து விடும் , அடுத்த முறை முயற்சி செய்து பார்க்கிறோம்

ayyasamy ram wrote:
உப்பு, வேறு எதற்கெல்லாம் பயன்படுகிறது என்பதை பார்ப்போம்:

பாதம் நனையும் அளவுக்கு ஒரு அகலமான பாத்திரத்தில்,
மிதமான சூட்டில், வென்னீர் எடுத்து, அதில் கல் உப்பு
மற்றும் எலுமிச்சை சாறு கலந்து, 10 நிமிடங்கள், பாதங்களை
நீரில் வைக்கவும். இதை, தொடர்ந்து செய்து வந்தால்,
கால்கள் மிருதுவாகவும், பளிச்சென்றும் இருக்கும்.
கால் வலி இருந்தாலும் பறந்து போகும்.

நல்ல தகவல்கள் அருமை
நன்றி ஐயா