மின்சார ரயில் விபத்தில் 5 பேர் பலி!

by SK Tue Jul 24, 2018 12:34 pm

சென்னை கடற்கரையில் இருந்து திருமால்பூர் நோக்கி மின்சார விரைவு ரயில் இன்று காலை சென்றுகொண்டிருந்தது. இதில் பள்ளி, கல்லூரிகளுக்கு செல்லும் மாணவ-மாணவிகள், பணிக்கு செல்பவர்கள் என ஏராளமானோர் அந்த ரயிலில் பயணித்தனர். காலை நேரம் என்பதால் இருக்கையில் இடம் கிடைக்காமல் பலர் படிக்கட்டில் தொங்கிகொண்டு பயணம் செய்து கொண்டிருந்தனர்.
இந்நிலையில், பரங்கிமலை ரயில் நிலையத்தை நெருங்கியபோது, 4-வது நடைமேடையில் படிக்கட்டில் பயணம் செய்தவர்களில் 20-க்கும் மேற்பட்டோர் பக்கவாட்டில் உள்ள தடுப்புச்சுவரில் மோதி கீழே விழுந்தனர். பலத்த காயமடைந்த பலர் உடனடியாக மீட்கப்பட்டு மருத்துவமனைக்கு கொண்டு செல்லப்பட்டனர். இதில் பள்ளி, கல்லூரி மாணவர்கள் உள்பட 4 பேர் சிகிச்சை பலனின்றி உயிரிழந்தனர். படுகாயம் அடைந்த 10-க்கும் மேற்பட்டோர் ராஜிவ்காந்தி அரசு மருத்துவனை மற்றும் செங்கல்பட்டு அரசு மருத்துவமனைகளில் தீவிர சிகிச்சை பிரிவில் அனுமதிக்கப்பட்டனர்.
இதனிடையே, ரயில்வே கூடுதல் ஏ.ஜி.டி.பி. சைலேந்திர பாபு, விபத்து நடைபெற்ற பரங்கிமலை ரயில் நிலையத்தில் நேரில் சென்று ஆய்வு செய்தார்.
இதேபோல், படுகாயம் அமைந்தவர்கள் அனுமதிக்கப்பட்டுள்ள ராயப்பேட்டை அரசு மருத்துவமனையில் சுகாதாரத்துறை செயலாளர் ராதாகிருஷ்ணன் ஆய்வு செய்தார்.
வழக்கமான ரயில் தடத்தில் இயக்கவேண்டிய பயணிகள் ரயில், விரைவு ரயில் தடத்தில் இயக்கப்பட்டதாலும், காலைமுதல் மின்சார கேபிள் பிரச்சனை காரணமாக ரயில்கள் இயக்கப்படாததாலும் இந்த விபத்து நிகழ்ந்ததாக கூறப்படுகிறது. மேலும், மிகவும் குறைந்த அளவிலான ரயில்கள் இயக்கப்பட்டதால் ஏராளமான பயணிகள் இந்த ரயிலில் பயணத்ததாக அங்கிருந்த மற்ற பயணிகள் தெரிவிக்கின்றனர்.
இதேபோல் நேற்று இரவும் பரங்கிமலை ரெயில் நிலையத்தில் நிகழ்ந்த விபத்தில் 2 பேர் உயிரிழந்தது குறிப்பிடத்தக்கது.
நன்றி

captainnews.net

by SK Tue Jul 24, 2018 12:36 pm

by **ஜாஹீதாபானு** Tue Jul 24, 2018 2:50 pm

by **ayyasamy ram** Tue Jul 24, 2018 2:52 pm

by சிவனாசான் Tue Jul 24, 2018 9:33 pm

ரயிலில் டிக்கட் வாங்காமல் ஓசியில் பயணம் செய்கிறார்கள்
இப்படி விபத்து ஏற்படுகிறதே இறைவா என் செய்வது அவர்களை.

இந்த விபரீத விளையாட்டு மரணத்தில் முடிந்த்து வேதனை.

by சிவனாசான் Thu Jul 26, 2018 9:40 pm

குற்றம் புரிபவர்களை இறைவன் தண்டிக்காமல்
இருப்பதில்லை.தெரிந்தே குற்றம்செய்கிற மனநிலை
யினை மக்களிடம் உண்டாக்கிவிட்டார்கள் அரசியல்
வாதிகள்.அவர்களே முன்னுதாரணமாக செய்கின்றனர்

by Sponsored content

மின்சார ரயில் விபத்தில் 5 பேர் பலி!

மின்சார ரயில் விபத்தில் 5 பேர் பலி!

Re: மின்சார ரயில் விபத்தில் 5 பேர் பலி!

Re: மின்சார ரயில் விபத்தில் 5 பேர் பலி!

Re: மின்சார ரயில் விபத்தில் 5 பேர் பலி!

Re: மின்சார ரயில் விபத்தில் 5 பேர் பலி!

Re: மின்சார ரயில் விபத்தில் 5 பேர் பலி!

Re: மின்சார ரயில் விபத்தில் 5 பேர் பலி!

Re: மின்சார ரயில் விபத்தில் 5 பேர் பலி!