பெண் கல்விகட்டண சலுகை:பா.ஜ., தீர்மானம்

**ayyasamy ram** · **ayyasamy ram** Mon Jul 23, 2018 9:01 pm

ஜூலை 23, 2018
மதுரை:

மதுரை ஒத்தக்கடையில் நடந்த பா.ஜ., வின் தமிழ்மகள்
தாமரை மாநாட்டில் பெண்கள் உயர்கல்விக்கான பாதி
கட்டணத்தை தமிழக அரசே ஏற்கவேண்டும் போன்ற
தீர்மானங்கள் நிறைவேறின.

கூட்டத்திற்கு மாநில மகளிர்அணி நிர்வாகி மகாலட்சுமி
தலைமை வகித்தார். இதில் சிறுமிகள் பாலியல்
வன்கொடுமையை தடுக்க போலீசார் கடுமையான
நடவடிக்கை எடுக்கவேண்டும்.

சமூக ஊடகங்களில் பெண்களை இழிவுபடுத்தி
பேசுவோரை போலீசார் தடுக்கவேண்டும்.

பெண்கள் உயர்கல்விக்கான பாதி கட்டணத்தை தமிழக
அரசு ஏற்கவேண்டும். நெடுந்துார பயணத்திற்கு பெண்கள்
சிறப்புபஸ் வசதி தேவை. தமிழகத்தில் பூரண மதுவிலக்கு
அமல்படுத்தவேண்டும் போன்ற தீர்மானங்கள்
நிறைவேற்றப்பட்டன.

கூட்டத்தில் பா.ஜ., மாநில தலைவர் தமிழிசை சவுந்தர்ராஜன்,
அமைச்சர் பொன்.ராதா கிருஷ்ணன் உட்பட நிர்வாகிகள்
கலந்துகொண்டனர்
–
————————