கரையே இல்லாத ஆறு

by Mr.theni Sat Jul 21, 2018 8:40 pm

காசா கிராண்ட் தனியார் கட்டுமான நிறுவன முறைகேடு வழக்கு-
நீதிபதிகள் கிருபாகரன், கிருஷ்ணன் ராமசாமி அடங்கிய அமர்வு முன், நேற்று விசாரணைக்கு வந்தது. அப்போது, நீர்வள ஆதாரத் துறை தலைமை பொறியாளராக இருந்து, ஓய்வுபெற்ற பக்தவச்சலம் ஆஜரானார்.

'வெள்ளப்பெருக்கு அபாயம் உள்ள இடத்தில், 11 மாடி கட்டடத்துக்கு அனுமதி வழங்கப்பட்டது எப்படி' என, நீதிபதிகள் கேள்வி எழுப்பினர். அதற்கு பதிலளித்த அதிகாரி, '6 அடிக்கு, கட்டுமான நிறுவனம் சுவர் எழுப்பியுள்ளது' என்றார்.

இந்த பதிலைக் கேட்டு அதிருப்தி அடைந்த நீதிபதிகள், 'தெற்கு பக்கம், கரையை உயர்த்தினால், வடக்கு கரைப் பக்கம் தானே, தண்ணீர் ஏறும்' என்றும், 'கரையில் கட்டுமானம் அமைக்க, எப்படி அனுமதி அளிக்கப்பட்டது' என்றும், கேள்வி எழுப்பினர்.

அதற்கு, 'சைதாப்பேட்டை பகுதி அடையாற்றில், கரையே இல்லை' என, அவர் பதில் அளித்தார். இதனால் அதிர்ந்த நீதிபதிகள், 'கரையே இல்லாத ஆறு உண்டா...' என, ஆச்சரியத்தில் ஆழ்ந்தனர்.

சைதாப்பேட்டை பகுதி அடையாற்றில், கரையே இல்லை.

(தினமலர்/விகடன்)