முதியோர் காதல்

Mr.theni · Mr.theni Sat Jul 21, 2018 8:02 pm

முன்னைநாள் கவர்ச்சி யில்லை;
முறுவலாய் என்னைக் கொல்லும்
அன்றைநாள் மலர்ச்சி யில்லை;
அழகிய பற்கள் இல்லை;
என்னையே அடக்கம் செய்த
இடுப்பசை வின்றிங் கில்லை;
என்னதான் இலையென் றாலும்
எனக்கிங் கவள்தான் எல்லாம்.

சொல்லினில் தேன்கு ழைத்தே
சிந்திடும் வித்தை யில்லை;
பல்லினில் முத்தைக் காட்டிப்
பளிச்சென எனையே வீழ்த்தும்
சொல்லிட இயலா ஆற்றல்
சிறிதுமே இல்லை;ஆனால்
அல்லொடு பகலு மின்பம்
அளிக்கிறாள்;அவள்தான் எல்லாம்.

தளுக்கொடு மிடுக்கும் சேர்ந்த
தளிர்நடை இன்றைக் கில்லை;
விழுந்திடச் செய்யும் கையின்
வீச்செதும் இன்றைக் கில்லை;
களுக்கெனச் சிரித்தே முல்லை
கொட்டிடும் இளமை யில்லை;
அழகென ஒன்று மில்லை;
ஆயினும் அவள்தான் எல்லாம்

வாயினிற் பற்கள் இல்லை;
வார்த்தையில் தெளிவே இல்லை;
ஆயிரம் சுருக்கம் கொண்ட
அவள்முகம் கவர்ச்சி யில்லை;
போயவள் திரும்பும் போது
பொலிவுகள் உதிர்வ தில்லை;
ஆயினும் அவளி ருப்பே
அளவிலா மகிழ்ச்சி கூட்டும்.

பசப்பிடும் உரைகள் இல்லை
பார்வையில் மயக்கம் இல்லை;
உசுப்பிடும் உரசல் இல்லை;
உணர்ச்சிகள் கொதிப்ப தில்லை;
அசத்திடும் அணைப்பு மில்லை;
அணுவெலாம் துடிப்ப தில்லை;
திசுக்களில் உணர்ச்சி யில்லை;
சத்தியம் அவள்தான் எல்லாம்

தீயினை மூட்டி விட்டுச்
சிரித்திடும் சீண்டல் இல்லை;
வாயினை இதழ்ப்பூட் டாலே
பூட்டிடும் முயற்சி யில்லை;
ஆயிரம் பொருள்கள் கூறும்
அங்கமே பேச வில்லை;
ஆயினும் எனக்க வள்தான்
ஆயுளின் இன்ப வெள்ளம்.

கவிஞர் ச.சவகர்லால்

( எனக்கு வந்த முக நூல் பதிவு.)

**Dr.S.Soundarapandian** · **Dr.S.Soundarapandian** Sat Jul 21, 2018 8:22 pm

சிவனாசான் · சிவனாசான் Sat Jul 21, 2018 9:27 pm

தேன் நீ. எனவே தெவிட்டாத கவிதை தேன்.
உம் அன்பரை பார்த்தாயா சவகர்லால் என்னே
அருமை தமிழ் உள்ளம் உணர்வு எல்லாம்...

**ayyasamy ram** · **ayyasamy ram** Mon Jul 23, 2018 8:13 pm

-
குடும்ப விளக்கில் - முதியோர் காதலில் .....

-------------
புதுமலர் அல்ல; காய்ந்த

புற்கட்டே அவள் உடம்பு!

சதிராடும் நடையாள் அல்லள்

தள்ளாடி விழும் மூதாட்டி

மதியல்ல முகம் அவட்கு

வறள்நிலம்! குழிகள் கண்கள்!

எது எனக்கின்பம் நல்கும்?

‘இருக்கின்றாள்’ என்ப தொன்றே!
-
-----------------------------------
முதியோர் காதல் - பாரதிதாசன்

**பழ.முத்துராமலிங்கம்** · 27/09/2015

ayyasamy ram wrote:
-
குடும்ப விளக்கில் - முதியோர் காதலில் .....

-------------
புதுமலர் அல்ல; காய்ந்த

புற்கட்டே அவள் உடம்பு!

சதிராடும் நடையாள் அல்லள்

தள்ளாடி விழும் மூதாட்டி

மதியல்ல முகம் அவட்கு

வறள்நிலம்! குழிகள் கண்கள்!

எது எனக்கின்பம் நல்கும்?

‘இருக்கின்றாள்’ என்ப தொன்றே!
-
-----------------------------------
முதியோர் காதல் - பாரதிதாசன்