எருமையிடம் இருந்து பாலை கறக்க ஏன் தாமதம் ஏற்படுகிறது?

**பழ.முத்துராமலிங்கம்** · 27/09/2015

First topic message reminder :

எருமையிடம் இருந்து பாலை கறக்க ஏன் தாமதம் ஏற்படுகிறது? - Page 2 Dkn_da10

மாட்டுடன் ஒப்பிடுகையில் எருமையில் பால் கறப்பதுதான் கடினமானது. இதனால் பால்கறத்தல் மெதுவாகவே செய்ய வேண்டியதிருக்கும். இதன் காம்புகள் சற்று தடிமனாக இருப்பதால் அதிக அழுத்தம் தேவைப்படும். எருமையின் காம்பின் துளை சிறியது. அதிக ஆற்றல் செலுத்த வேண்டியதிருக்கும். மாடுகளை போல முதலிலேயே குழாயில் பால் சேகரமாகியிருக்காது. எனவே கறக்கும் போதுதான் சிறிதுசிறிதாக வெளிவரும். பால்கறக்கும் போது கொடுக்கும் அழுத்தமானது. சிறிதுசிறிதாக அதிகரித்து பின்பு மெதுவாக குறைக்க வேண்டும். இந்த அழுத்தமானது கால்நடையை பொறுத்தும் பால்கறப்பவரை பொறுத்தும் வேறுபடுகிறது.

சுரக்கும்பாலின் அளவு அதிகமாக இருக்கும் போது கறக்கும் வேகமும் அதிகரிக்கிறது. எனவே எருமை மாடுகளை வாங்கும் போது மடி, காம்பின் தன்மையை பார்த்தே வாங்க வேண்டும். மாட்டுடன் ஒப்பிடுகையில் எருமையின் காம்புகள் வித்தியாசமானவை. எனவே எருமையில் பால் கறக்க கொத்தாக உள்ள அதிகவிசையுடன் கூடிய இயந்திரம் தேவைப்படும். எருமைகளுக்கு சுற்றுச்சூழல் மாற்றத்தை பொறுத்து பால்சுரப்பிலும் மாறுதல் ஏற்படும். பயம், வலி, மனஅழுத்தம் போன்ற நேரங்களில் அட்ரினலின் என்ற ஹார்மோன் சுரந்து ரத்த நாளங்களை சுருங்கச்செய்து மடிக்குச்செல்லும் ஆக்சிஜனின் அளவை குறைக்கும். எனவே பால்சுரப்பு தடைபடும். பால்கறக்கும் எந்திரத்தை சரியாக பொருத்தாவிட்டாலும் பால்சுரப்பு குறைவாக இருக்கும்.
நன்றி
தினகரன்