இந்தியாவின் மிக கொடூரமான விபத்து... 47 பேரின் உடல்கள் சிதறிய காட்சி!

உத்தரகண்ட் பள்ளத்தாக்கில் பேருந்து கவிழ்ந்து விபத்துக்குள்ளானதில் சம்பவ இடத்திலேயே 47 பேர் உயிரிழந்தனர்.

உத்தரகண்ட் மாநிலத்தில் அமைந்துள்ள குயின்ஸ் பாலத்தின் அருகில் உள்ள பிப்லி - பௌன் சாலையில் இன்று காலை பேருந்து விபத்து ஏற்பட்டது.

இன்று காலை 9 மணி அளவில் பேருந்து பௌனில் இருந்து ராம்நகர் நோக்கி சென்றுகொண்டிருந்த போது கட்டுப்பாட்டை இழந்து, 200 அடி பள்ளத்தாக்கில் பேருந்து கவிழ்ந்து விழுந்து விபத்துக்கு உள்ளானது.

இந்த விபத்தில் பேருந்தின் உள்ளே பயணம் செய்த 47 பேர் சம்பவ இடத்திலேயே உயிரிழந்தனர் என செய்திகள் தெரிவிக்கின்றன. மேலும், 11 பேர் படுகாயங்களுடன் அருகில் உள்ள மருத்துவமனையில் அனுமதிக்கப்பட்டுள்ளனர். மீட்பு படையினர் சம்பவ இடத்திற்கு உடனே விரைந்து அவர்களை மீட்டு வருகின்றனர்.

மலையில் இருந்து விழுந்த பேருந்தில் பயணித்தவர்கள் பல பேருக்கு உடல் துண்டு துண்டாக சிதறி போனது. இக்காட்சிகளை காண்போரின் நெஞ்சு ஒரு உலுக்கு உலுக்கும் அளவுக்கு கொடூரமானதாக இருந்தது என விபத்தை நேரில் பார்த்தவர்கள் தெரிவித்துள்ளனர்.

இந்த விபத்தில் பலியானவர்களின் குடும்பங்களுக்கு இரங்கல் தெரிவித்துள்ள அம்மாநில முதல்வர் திரிவேந்திர சிங் ராவத், பலியானவர்களின் குடும்பங்களுக்கு தலா ரூ.2 லட்சம் நிவாரணம் அறிவித்துள்ளார்.

பொதுமக்களுக்கு சாலை மார்கத்திலே இன்னும் பாதுகாப்பான பயணங்கள் கிடைக்காதிருக்கும் இந்த சூழலில் புல்லட் ரயில் திட்டம் எவ்வித பாதுகாப்பு அம்சங்களை நோக்கி அடியெடுத்து வைத்துள்ளது? இதுகுறித்து வாசகர்கள் நீங்களும் கருத்துக்களை கமெண்ட்டில் பதிவு செய்யலாம்.
நன்றி
செய்தி புனல்

அதிகமாக பயணிகளை ஏற்றி சென்றுள்ளது . அனுமதித்த பயணிகளை மட்டும் ஏற்றிசென்றிருந்தால் மரணத்தின் எண்ணிக்கை குறைந்திருக்கும் .

anikuttan wrote:அதிகமாக பயணிகளை ஏற்றி சென்றுள்ளது . அனுமதித்த பயணிகளை மட்டும் ஏற்றிசென்றிருந்தால் மரணத்தின் எண்ணிக்கை குறைந்திருக்கும் .

இதில் தவறு இருக்க சாத்தியம் உள்ளது.